|
|
تحياتي لكل الأمهات
طبعا مابقى شي على دوام المدارس للمرحلة الابتدائية والله المستعان عاد على طلبات المدارس و مجابل التدريس و الواجبات
بس حبيت اعرف هل هناك من العضوات ممن عندها عيال في مدرسة محمد اسماعيل الغانم بالجابرية؟
زين اشرايكم نسوي تجمع عشان نفيد و نستفيد؟
انا عندي ولدين
الاول بيروح اول ابتدائي
والثاني ثالثة ابتدائي
وبصراحة حددددي ضايعة و متخسبقة لأن عيالي كانوا بالخاص بمدرسة انجلش بلاي جروب من ايام الحضانة وحاسة ان الوضع بيكون صعب علي و عليهم وخصوصا على ولدي العود اللي متعود على نظام التعليم والتعامل المختلف كليا عن الحكومة
لكن خلاص القرار اتخذناه وتم النقل بالفعل
للحين انا مازرت المدرسة ولا تعرفت ع المدرسات وهو امر ضروري لازم اسويه في الايام الياية
بليز خلونا نتبادل الخبرات ونؤسس لهذا التجمع لامهات الاطفال في مدرسة محمد اسماعيل الغانم ويااااارييييت يكون اكو عضوات معانا بالمنتدى عندهم يهال بهالمدرسة
انتظر تفاعلكم بلييييييييز
وينكم لااااا لا تقولون محد معانا بالمنتدى عنده عيال في مدرسة الغانم بالجابرية ؟
بس زين سويتي انج اسستيهم بالصيف
وييييينكم يا الامهات اللي بالجابرية ،، في انتظار تفاعلكم
و مادري شنو اجهز له حق اول يوم
انا مجهزة له الجنطة بس مادري شنو احط له حق اول يوم
و بتأكد متى اول يوم مدرسة 20 الشهر؟
يمكنكم اللقاء في الموضوع المثبت تجمع أمهات الحكومه
أشكر لكم تفهمكم