تجمع للبناات كلية الشريعه بجامعة الكويت

السلام عليكم ورحمة الله..
ياهلا ومسهلا بحباتي بنات كليتي والكليات الثانيه ^-^
خطرت بالي فكره وقلت اناقشها معاكم …
ودي نوسوي تجمع لبنات كلية الشريعه وممكن مايكونون وااايد فعشان جذي يكونون بنات الشريعه والتربيه لان عندهم تخصصات تشاركنا في بعض المواد…
فنسوي هالتجمع نناقش فيه مشاكل الممقرات ومميزاتها ..والدكاتره الي تنحصونا فيهم …
وهم اذا تطور الأمر يكون فيها مساعدات للبحوث والواجبات من خبرات الطالبات ^-^

يعني راح يكون (((((تجمع للطالبت الشريعه ^-^ ))))))))

++ملاحظه:ياريت اذا كان فيه انتقاد عن احد الدكاتره يكون بناء من دون اي تجريح شخصي (: (:
^
^
^
^
^ بندي على بركة الله =)

وعليــــكم الســـلام ورحمـــة الله

هلا والله في بنت كليتــــي ,,,
بس زين ذكرتي بنات التربيــته لاني انا بحوول للتربيـــه بأذن الله …

اما الدكاتره بحكم اني مستجده في 3 دكاتره بالشريعه روووعه بمعنى الكلمه

اللي هم //

ابراهيم السبيعي
وفهد الكندري
مشعل الظفيري
8
8
8
هذيل اللي درسوني

اما اللي مادرسوني ويمدحونهم ( سليمان معرفي) حيييل يمدحووونه …..

وجزاج ربي كل خير على هالموضوع اللي يبجمعنا ان شاء الله

واسأل الله ان يجمعنا بالجنه

آآآآآميييييين يالغاليه
ياهلا و مرحبا اقول ياربي القسم منور ليش ")
اثاريج ماره ")
ياهلا فيج باي كليه سولء شريعه ولا بتحولين (:

زييين انج خذيتي عند دكنور فهد مادام انج بتحولين (: هالدكتور يعطي الاي بسهوله
لكن د.ابراهيم السبيعي مو ذاك يعني اهوا الله يجزاه خير شوي شديد..
بس ان شاء الله خذيتي عنده قريد ؟؟

يسعدني تكونين اول مشاركه (:

منــور فيج ياقلبـــي …
ويشرفنــي ادخــل موضوعــج …

اي والله الدكتور فهـــد ما شاء الله عليـــه وعلى امتحاناته حيل سهله …

اما السبيعي طريقة امتحاناتها سهله حيل حيل يعني فاينل نحل بس سؤاليـــن …

ولو اني اشووف فيها ظلم شوي لانه الـ 40 درجه تنقســم ععلى سؤالين بــس ..!!

اهو مو شديـــد لا بالعكــــس بس مايحب يضحك ويتغشمر ومحترم والطالبات مايطالعهم …

ونسيت بعد دكتور // عبدالعزيز المطووع امتحانته سهله يذكرني بالثانويه كله صح وغلط واختاري ..

كان يقولنا ماراح تتعبون بالحل بس ها لا تغشووون خخخخخخخخ

انتي اي سنه يالغاليــه ؟؟؟

متقمعين عند النبي يااخوانا

يااحلو بنات شريعه والله

ذكرتوني بالايام الخوالي يالغوالي

انا خريجه كليه شريعه ..

بس مازالت اقدااامي وريحتي عندكم ديروا بالكم عليهم

ياهلا في بنات الشريعه انا هم طالبة مستجدة وبحول ان شاء الله العلوم الاجتماعية…..
واحسن الدكاترة اللي درسوني سليمان معرفي يييييينننننن وابراهيم السبيعي محترم واااااايد وفهد الكندري امتحاناته سهله حيييييييييل و فلاح مندكار محاضرته رووووعة بس شديد شوي
وبالتوفيق….

سؤال

التجويد غيروا النظام للدفعات اليديده

بغيت اسأل بما اني خريجه شريعه من سنه يدي

شلون نظامكم بالتجويد…؟؟ ومنو احسن دكتوره عندكم..؟؟

هلا … ماحبيت أشوووف الموضوووع ولا أرد .. خصوصا أني مو مسجله هذا نك أختي ..

.. أنا تخصصي أصول فقه … والدكااتره إلي عجبوووني سليمان معرفي و ابواليزيد وأحمد محمود هذولي أسألتهم سهله ومباااشره … تضمنين A

.. أي سؤال بالخدمه …

صعبة الوصوف
اهلييين اختي اي تبارك الرحمن د.عبدالعزيز المطوع امتحاناته سهله بس عيبه ينوم ")

سنا الفضه
ياهلا فيج يالله عقبالنا نخلص الماستر والدكتوراه (:
ماقلتي شنو تخصصج

نورا
اهليين حبيبتي…
انا معاج د.سليمان فظييييييييييع وااااااي محاظرة تينن دمه خفيف ماشاء الله عليه
همن د.مندكار هالدكتور شكثثثثثثثر يمدحونه الله يوفقه يارب..واذا عن الشده هو فعلا شديد بس صديقني راح تنصدمين بالقريد لانج ؤاح تاخذين درجه عاليه (: <<<<وطبعا ماراح تتوقعين هالشي لانه يكون شديد ايام الفصل بس يرفعج بالنهايه

سنا الفضه
ما فهمت قصدج شلون النظام يتجويد؟؟
دكتاترة التجويد كلهم فيهم الخير والبركة لاكن اكثر شي يمدحونها ناهده همن في دكتور ثاني يمدحونه بالتجويد بس مايحضرني اسمه

غلا عمري
وافدييييييييييت الي دخلت عشان تشاركنا (:

شلون تخصصج؟ ما دري احسه حلو بس خايفه من دكاترة القسم
انا تفسير وحديث بس همن احس لو بكمل يعني الماستر صعبه
فكرت بالفقه المقارن بس احسه ماينفعج حيل >>> هذا كلام وحده من البنات يعني مو متأكده من هالشي

تذكرت وحده من فريجاتي خريجه
تقول لمن كنت مستجده شاااااده حيلي مستانسه بالقبول
المهم تقول اول يوم داخله بهمه جان ادخل اول محاظره لي..المهم طول ما الدكتور يشرح انا معاه واذا سأل جاوبت البنات يطالعوني الحمدلله والشكر شهالنشاط وانا معطيتهم طاف
المهم يوم قبل ما تخلص المحاظره طلع الدكتور الكشف وقال الاسامي وقال الي ماقلت اسمها ترفع ايدها
البنت رفعت ايدها جان تقول انا دكتور ماقلت اسمي
جان يقول عفوا بس انتي بالشعبه الثانيه!!!!!
حراااااااااااااااااااااااام الشعبه كلها فطست عليها هاذي الي شاده حيلها !!!

تخصصي فقه واصول الفقه..،، ومخلصه الماستر الحمد لله

لكن على الدكتوراه بجامعه الكويت

غني معااي ياليل مااطولك<<<والا اقولج

عن الشبهاات خل ننشد

انا والشوق والامل

وسؤالي عن التجويد

قبل كنا ناخذ تجويد 1 وندرس جزء عم حفظ +تجويد

مع تسميع 3 اجزاء الاولى يعني نطلع بالكورس حافظين 4 اجزاء

وتجويد 2 نحفظ تبارك مع التجويد

والجزء 3 و 4 و5 ونص 6 تسميع فقط

يعني نتخرج حافظين 8 اجزاء ولله الحمد والمنه

بس كان نظاااام فااااااشل بكل معنى الكلمه انتو الحين وااايد احسن واقوى

يله الفال لكم تتخرجون وتخلصوون

بس امتع الاياااااام بشريعه

وانتي تقصدين الدكتوره ناهده الشحمان..؟؟

اذا هي ترى ماشاء الله هذي متمكنه ومجتهدة وااايد تبارك الله

ربيي زيدها من فضله

هلا فيج اختي حياج الرحمن (:

ودي بصراحه اكمل الدكتوره بس خوفتيني ):
و اذا عن التجويد اتنو تحفظون بالكورس اربع!!
ويييي لا احنا مدلعين نحفظ جزء (:
بس انتو سابقينا بالاجر
اي ماشاء الله الدكتوره ناهده يمدحونها تصدقين ذاك اليوم قريت اسمها بالجريده حاطينها مع لجنة حق الوسطيه
الله يبارك فيها…

آنا بصراحه احترت بالتخصص شلون تخصصج تنصحيني فيه
((((ذكرتوني بالايام الخوالي يالغوالي))))))
وييي ياحلوج هالدرجه قديمه

السلام عليكم و رحمة الله و بركاته
شلونكم بنات؟
انا طالبة بكلية التربية و ان شالله بحول شريعة
بس بغيت اسال شنو التخصص اللي يوظف بدور القران؟
وشنو اسهل تخصص ؟

و يعطيكم العافية

حياج الله بالشريعه ياقلبي…
وعسى الله يسر لج تحويلج،،
بس بغيت اسال شنو التخصص اللي يوظف بدور القران؟

اوتقع كل التخصصات هذا الي اعرفه بس تأكدي من البنات احسن

وشنو اسهل تخصص ؟
على حسب يفرق من شخص لا شخص بس بعطيج سايت شوفي كل تخصص ومواده ونبذه بسيطه عن كل ماده
https://reg.kuniv.edu.kw/ug_catalog.htm

واذا عندج اي سؤال آنا بالخدمه (:

شدعوه بنات وينكم ):
كدا حتزعلوني منكم..
ماكو ولا وحده عندها موقف او شي خو الكورس مايعدي بدون مواقف خصوصا عندنا احنا يا البنات..