|
|
بسم الله الرحمن الرحيم
السلام عليكم ورحمة الله وبركاته
بما ان رمضان قرب وورانا مشوااااااااااار طويل من التجهيزات حق القرقيعان والعيد
انا راح ابتدي واحط لكم موديلات حق البنوتات وافكار حق القرقيعان وهم راح نحط فناتق حق العيد
بما ان الحين موسم تنزيلات
هالله هالله
بالمحلات التاليه :
بريناتال >>>> من 0 الى 14 سنه الفرع الي اعرفه بالمارينا
جيمبوري ( تنزيلاتهم مو وايد حلوه وقطع التنزيلات مو ذاك الزود ما عجبوني ) خصم 25 % بالمارينا الاعمار من 0 الى 10 سنين
gap خصم لغاية 50 % في اشياء حليوه
زارا خصم 50 % في اشياء حلوه للبنات والصبيان
مذركير <<<<< حلو حق بدلات ثاني يوم وحق روحة الالعاب لان جداااااااااا عملي ولا حظو ان زايد اسعاره الدبل بكل شي بس تنزيلاتهم جيده
ديساجول <<<< حق الاعمار من 5 سنين ومافوق حلوه الالوان عندهم تونس وهم في تنزيلات
h & m رخيص وكويس بس مو حق عيد
موشون هم في اشياء حلوه حق اليهال >>> اللي تبي مكانه تدز لي بالخاص مابي اقول بالعام عشان في ناس متابعين مواضيعي ويحبون يقلدوني بس انا خذيت من القطعو النيو كولكشن مو قطع التنزيلات
بروي في تنزيلات بس انا ماحبه
في محل نسيت اسمه بالعثمان بضاعته واااااااااااااايد راقيه خذيت منه العام حق حور هدومه مميزه ومافي منها برا واسعاره معقوله بين ال 30 الى 70 اغلى شي
كيدز بازل هم بعد خذيت منه حق بنتي اللي تبي مكانه تراسلني بالخاص
اوركسترا <<<<< ما حبه احسه سوق شعبي مع احترامي للي يحبونه
هذي محلات الهدوم انطر تفاعلكم ومشاراكاتكم وراح احط لكم طرق مختلفه نسوي فيها فناتق حق عيالنا خطوه بخطوه
يتبع ……………………
طبعا انا بما اني ولادتي يمكن تكون قبل رمضن بأسبوع فأحب اخلص شغلي مبجررر
الصراحه الصبيان اسم الله عليهم مااشيل همهم وايد لان اول يوم العيد دشاديش ودايما احب افصلهم نفس ابوهم
حق ثاني يومم العيد رحت ارماني اللي في 360 شريتلهم تيشيرتات وشورتات حتى حق بنتي شريتلها يعني كلهم ثاني يوم العيد ارماني
بالنسبه للبنوته
رحت شريتلها من النيو كلوكشن في محل كيدز ستور اللي في زهره الصراحه عجيب شغله بس غالي يعني ماعنده بدله اقل من 100 دينار
وشريتلها تكرمون الجوتي بعد من كيدز ستور واتعامل مع وحده اتسوي تيجان فناتق وحلوه حق البنات خليتها اتسويلي تاج نفس الوان بدلة بنتي لان التيجان اللي شفتهم في كيدز ستور ب70 وطالع اشدعوااا علي تاج
بس لحد الحين ماشريتلهم شي حق العصر وماادري من وين اخذلهم
هذا بالنسبه للعيد اما بالنسبه للقرقيعان
فدايما اتعامل مع وحده عندها فناااتق وقالتلي راح اتنزل شغلها طبعا ملابس بنص شهر 7 والصراحه احب دايما اعيالي يكونون مميزين بالمناسبات
والقرقيعان حاليا عندي جم فكره غريبه قاعده اظبطهم واروح اشتري اغراضهم والصراحه بديت مشترى
لاتظحكوون علي حتى الحلاو والككاو مال القرقيعان بروح اشتريه لان انا ولادتي قيصريه ووقت القرقيعان يكون حتى الجرح مابرااا مافيني حيل اروح اشتري
ومااحب اعتمد على احد لازم شغلي انا اشوفه وبإيدي اسويه علشان جذي ازهب شغلي كللللله من الحين وافتك
والله يعوووده علينا كلناااا
حرومه قوليلي وين محل فوشون ؟؟ على الخاص ماعليج امر
موشون موجود بالافنيوز انا احب خاماتهم لانها ذربه ومافيها حوسه وايد والوانهم دايما مميزه وانا عموما احب الستايل البسيط لان احس يطلع الكشخه اكثر من الخبه
بس مجمع زهره فعلا من تزوجت ما رحت بمر اشوف كولكشنهم انا احب الملابس المميزه
بس الحين واقفه عال جوتي تكرمين لان للحين ما شفت جواتي تسوا احس كلهم نفس الموديل
بالنسبه حق القرقيعان انا شاريه الخام وبفصله عند مشغل وانا اضبط باقي التفاصيل احسن من يخربونه المشغل
والقرقيعان انا بسويه بنفسي صنع ايديني احسن عشان اضمن ان ماكو احد نفسه 
عموما انا راح انزل فناتق حق القرقيعان والتيجان والباندات بهالموضوع بالقريب العاجل ان شاء الله
مشكوره على مشاركتج فنونه
يعطيج العافيه على الموضوع التوووحفه
الله يسلمج انا من 3 شهور يمكن واحن على سالفة القرقيعان وابي اخلص مبجر
بس وحياتج للحين ولا شي لووووووول
المهم
اول شي
عندي صبي واحد الله يحفظه وهذا البجر عمره 8 شهور
القرقيعان
انا شريتلي خام وحست حست حست بالنت على ماركبتلي عشرتعش موديل فوق بعض
عشان اطلعلي دزاين والحمدلله استقريت على الموديل واليوم بوديه المشغل
بالنسبه حق لبس ولدي للحين ماني عارفه شنو ثيم القرقيعان الي بسويه
عشان جذي ماعتمدت لبسه
مبدئيا في فكرة للقرقيعان براسي بس باقي وايد تفاصيل ابي اتاكد منها
واذا استقريت انشالله عليها اقولكم
ماقدر افضح نفسي ههههههه << ياكثررررررررررررهم الجواسيس اللهم يا كافي
حق العيد
طلبتلي قطعه من النت على وصول ان شاء الله
تقريبا صايره جنها كارديغان على جوليه على مادري لوووووووول موديلها غريب
باقيلها شيله + قميص + حزام + جنطه
البنطلون وتكرمين الشوز عندي
امممممم
لبس ولدي للحين مافتريت عدل
بس خذيتلي بصه على مارتيني في بدله قميص ابيض مع شورت بيج مخطط عجبتني بس ماني مستعيله
رالف لورين يصلح حق ثاني يوم وطلعة العصاري
ارماني عجبني قميص يشوووووق بس كنت مستعيله
بربري من كثر مااشوف اليهاااااااااااااال اسم الله عليهم لابسينه مليت منه
لحظه من فضلك عنده جم قطعه
فيس 2 افنيو يبيله فراره عدل حق اليهال
انشالله باقي التطورات بالطريج
القرقيعان عندي افكرا وبديت اجهز
وللعيد شريت له مكسرات و ملابس داخليه و عقال و قحافي اما البدله للحين
آنا القرقيعان شفتلي جم شغلة بس ليلحين مااستقريت عليه واللبس بعد حقي خالصة بس ولدي بعدي ماشفتله
اهو عمره 5 سنين والعيد شريتله تكرمون جوتي وبفصله دشاديش مع ابوه وبشوف المحلات اللي قلتوا عنهم وان شاءالله أحصل
آنا ماحاتي ولدي اسم الله عليهم الصبيان سهالات بس احنا دعل لووووول مانحصل لنا شي بسهولة
استمتعت بالقراءة
ربي يخليهم لكم
الاميره جوري : جم الاعمار عندج وانا اقول لج وين تحصلين اشياء حلوه
ومشكورين الباقي عالتفاعل
درة يارب ما تدور السنه الا وانتي عندج بيبي وتحوسين له معانا حق العيد والقرقيعان
يعني التم المتعوس على خايب الرجا هههههههههه
ولدي اكيد حق العيد والقرقيعان دشاديش وبس
وبنتي ابشتريلها شي
وحق القرقيعان شريتلها خام ودناديش وسوالف تهبل
بس مادري وين اخيطهم
اللي تعرف خياط اطفال بالمنطقه العاشره يا ريت تقولي
اللي بالفنار يم محل الفيرو ما رتيني
هذا موقع تطمشو عالكولكشن مالهم وايد روعه
https://www.tuxnlace.com/dress_girls_…_easter_1.html
اموووووووووووووووت عالنعومه والبساطه
يتبع ……………….
