|
|
طبعا حبيت اسوي هالموضوع علشان نتجمع على قولة المثل " حط همك على همي يصير طرشي " ( موحافظ آخر المثل ) …
.
.
.
اول شي احب اعرف اللي سوو هالعملية ….. ابي اتعرف عليكم ممكن؟
و ابي اعرف اللي ماشين بهالعمليه زي حالاتي …. نبي نتبادل الخبرات والتجارب … وصدقوني كل شي بأجره عند الله …. ويارب ترزق كل وحده فيكم ….
ان شاء الله القى تجاوب مو تطنيش … لأني حدي محتاجه اعرف عن هالموضوع 
وعطوني ابر عشان الرحم يتهيأ …..
وان شالله تنجح العمليه يااااااااااارب
يوم الثلاثاء عندي موعد سونار عشان يشوفون بطانه الرحم
اذا اوكي
راح يبدون معاي التنشيط باذن الله تعالى
وانتي ؟
انا بديت بأبر التنشيط …. والله كريم … ( جيكي على الخاص )
شخباركم بنات … أنا الحين ناوية أراجع عشان أشوف إذا أقدر أسوي عملية طفل الأنابيب …… بس صراحة يا ريت لو تكتبون لنا كل مرحلة تمرون فيها عشان نستفيد معاكم …. وهمن نعرفأخباركم …. يعني بنكون معاكم أول باول
وندعي لكم لكل وقت إن الله ييسر لها لكم ويرزقكم بالذرية الصالحة يا رب العالمين وتكون هالعمليات سبب في حملكم
اختي جروح تبتسم اشلونج مع دار الشفا والدكتور أسامه صالحة زين ,,,, لان أنا ماخذه عندهم موعد عالاسبوع الياي …. وبشوف شبيقولي …..
وموفقين كلكم يا رب
وان شالله ماتحتاجين عمليه وتحملين ياااااااااااااااااارب
قولي شنو مشكلتج لان التلقيح المجهري للي حالتهم صعبه … والله يرزقج من واسع رزقه يارب …
حبيبتي أنا مشكلتي زوجي الله يسلمج قله العدد + حركة بطيئة + لزوجة عاليه
سبحان الله ….
هاذي مشكلتي …. وحدي متصروعه من فكرة أطفال الأنابيب ما أدري لييش مع إنها اهي أسرع وأحسن حل بالنسبة لمشكلتي ………
أنا ما أبي أخوفكم بالعكس إنتوا بإذن الرحمن قاعدين تمشون على الطريج الصح ……..
بس أنا صارت لي تجربة مع دكتورة يعني شوي أذتني وبعدين يتني فوبيا من الأطبه وقعدت فترة في البيت
والحين براجع عند أسامه صالحة ….. بجرب تلقيح مرتين يمكن وإذا ما نفع …. بإذن الله أطفال أنابيب ……
شنسوي يا ربي على الله … بعد ما يصير سنين عمرنا تمشي جدامنا واحنا واقفين نطالع ……..
لازم نبذل الأسباب عشان لا نتحسف في المستقبل
وإن شاء الله كلكم تحملوووووون يا رب وتبشرووونا …… ونذر علي أوزع جكليت للمنتدى كله هههههههههه ……
أشكره جذبه ….. اشلون بعطيهم حلاو بالله …….
أتغشمر معاكم بناات … أبي أكسر حدة الجو الي احنا فيه …. الله كريم
وبذكركم بقول الرسول صلى الله عليه وسلم (( تفائلوا بالخير تجدوه "))
لأن التلقيح الصناعي ماينفع !! صدقيني اهي نفس الخطوات اقصد الابر والمنشطات والابره التفجيريه
بس الفرق انه فيه سحب بويضات وتلقيحها بالمختبر ويرجعونها برحمج اجنه جاهزه
ترا زوجي نفس مشكلة زوجك فيه ضعف في العدد وبطء شديد في الحركه عسى الله يشفيهم يارب
وسويت عمليتين حقن مجهري عند الدكتور منصور الصليلي بس فشلت
واللحين سمعنا عن دكتور في البحرين يقولون علاجه زين ووايد حملوا ماشالله على ايده
وبقولكم عنه انشالله بعد ما اروح له الاسبوع الجاي علشان أعطيكم تفاصيل أكثر
والله يرزقنا واياكم انشالله بالذريه الصالحه يارب
وقوليلنا ع آخر أخبارج مع الدكتور الي بالبحرين …. اهوا يعالج الرجال
ولا يسوي عمليات أطفال أنابيب ؟؟
قرأت ردها ورديت ألتبس علي الموضوع هههه
انتي أول مره تسوين العمليه ؟
وعند منو تسوينه ؟
وانصحج اقري سوره البقره يوميا وداومي على الاستغفار والدعاء
والله يرزقج يارب عاجلا غير آآجل
الدكتور يعالج الرجال والنساء وعلاجه مو عمليات وابر تنشيط لالالا
يقولون علاجه اعشاب وادويه !! خليني اقولج شلون عرفت عن هالدكتور !!
انا قبل كم يوم كنت مرافقه مع بنت اختي بالمستشفى وفيه حرمه جنبي مع ولدها
المهم اهي عندها ولدين واحد توه مولود والثاني عمره 3 سنوات ونص
المهم عرفت ان ماعندي عيال وقالتلي :
" زوجي عنده نفس مشكلة زوجك العدد قليل والحركه بطيئه
ورحنا عند دكتور في البحرين وعطى زوجي علاج مثل اعشاب وتقول ماشالله حملت وجبت ولدي الكبير
وبعد ماكبر ولدي رحناله مره ثانيه وتعالج زوجي عنده وماشالله حملت بولدي الثاني
وتقول ماشالله مانطول بالعلاج بس شهر وشهرين واحمل ماشالله مع ان فيني هرمون حليب مرتفع !! ماشالله "
على فكره هالدكتور سمعت فيه من قبل سنه في منتدى ثاني وحده كاتبه عنه وتقول انه حملت عنده من اول شهر ماشالله من بعد سنتين ونص زواج
واذا تبين رقم الدكتور قوليلي وانا حاضره