تجمع حوامل مابعد عمليات السمنه

السلام عليكم ورحمة الله وبركاته
شلونكم كويتيات
بالهالتجمع نبي نسوي قروب للبنات الي مسوين عمليات السمنه وحملوا بعدها شنو اهم شي كان مخوفهم وبعد جم من العمليه حملوا وهل كانت عندهم مشاكل بالحمل
واكثر شي تعبهم او سبب لهم لا سمح الله مشاكل
وشنو كان برنامجهم ومراجعاتهم

وحتى الخوات الي الله سهل عليهم وولدوا بسلامه يدشون يشاركونا تجربتهم عشان نستفيد

ومشكورين والله يسهل عالجميع

شدعوه بنات ولا وحده مسويه
الكويت كلها الحين مسويه تكميم
حتى لو سامعه تجربة صديقه او اخت حطيها نستفيد منها

سبحان الله وبحمده سبحان الله العظيم

اب اب

تسلمين فيلجاويه

انا مسويه تكميم قبل 3 سنوات
حملت قبل سنه يعني عقب سنتين من العمليه لكن اجهضت الحمدلله على كل حال بس السبب ماكان من العمليه كان الاجهاض بالفتره الاولى من الحمل تقريبا بالاسبوع 12 فالدكتوره قالت لي ان كان مشوه
حاليا الف الحمدالله انا حامل ودخلت شهري الخامس ماشاءالله وخايفه يزيد وزني لكن الحمدالله انا مو اكوله بس احس شهيتي مفتوحه عالاخر بس لمن اكل احرص ان اكلي اكثر شي يكون سلطات بس غداي لاااازم عيش ( انا وايد احب العيش )
وما اطلب من برا الا مره او مرتين بالاسبوع وبسسسسس
وللعلم ترا كللللللش مااحس اني حامل الحمدالله بس حملي هذا خفيف وفيني بنوته مع العلم ان عندي ولد عمره 5 سنوات ونص وانا عمري 25 سنه

مسؤوله يعني تحسين في فرق عن حمالج قبل

الله يعطيج العافيه

خوووووش تجمع بصراحه
ان شالله البنات يدخلون ويذكرون تجاربهم

مشكووره اميره حبيبتي ناطرين البنات

اب

اب

اب

توني محلله حامل

ولله الحمد بس ميته خوف عشان التكميم

وعندي نقص فيتامينات

بنات عافيه نبي تجاربكم

مشالله خوش تجمع ناطرته مناطر عسى ربي يوفقج أنا صارلي سنه و3شهور متكممه والحمدالله حامل وأنا قبل العمليه كان عندي ولاده مبكرة وايد الحين خايفين علي ومتابعيني ومع المثبتات الحمدلله أنا بشهر الخامس ربي يتمم عليكم وعلي اكلي مو وايد يس أول شهور وقفت ماي من النسات وهذا خطر وانشالله ربي يسهل على الجميع

الله يتمم عليكم حبايب قلبي

السلام عليكم

الله يتمم لكم على خير يارب وتقر عيونكم بشوفتهم

انا وحده من اهلي مسويه تكميم ولمن فكرت تحمل بعد سنه الدكتوره قالت لها ماتقدرين لان كان عندها نقص فيتامينات والحمدلله عدلت وضعها مع الفيتامينات وحملت بعد سنه ونص تقريبا من سوت العمليه

والي كان يتعبها انها ماكانت تقدر تاكل أي شي .. نساتها صعبه شوي ودها تاكل وماتقدروكانت مستصعبه الحبوب

بس الحمدلله ولدت بصحة وعافيه اهي والبيبي وتقول بسرعه ولدت عكس بجرها تعبت معاها .. بس في وحمتين ههههههههه لانها ماكانت تاكل كل الي بخاطرها

والحين حملت ما شاءالله مره ثانيه ..

يعني اهم شي تحافظون عالتغذيه عشان البيبي

والله يهون ويسهل عليكم حملكم ويباركلكم ويحفظكم من كل شر يارب

الله يجزاج خير والله صاجه أهم شي تغذية والماي بعد والله الحافظ ربي يتمم عليها انشالله