تجمع حق زوجات الحجاج

بنات شلونكم حبيتكم اتشاركوني و نونس بعض انا ريلي ال مرة من 5 سنوات يسافر يدوني راخ الحج و اهلي مسافرين علاج يعني انا وبنتي متجابلن ابيت حمولتي قولولي شلون اقضي وقتي و العيد ماني معيدة وصج ضقت خلق شسوي؟؟؟

انا زوجي بعد رايح الحج
ليش ما تروحين مطعم بالعيد مع رفيجاتج او حمواتج
وعلى ضيقت الخلق ان شاء الله يرجع بالسلامه ويعوضج وويونسج

انا ريلي رايح الحج بس شسوي صابرين وننطر الله يردهم سالمين والعيد يقزر

انا بعد بيحج اهو كل سنه يحج بقعد بيتي
بطلع اليهال كل يوم بالعيد واما قبل العيد صيام وبخلي عيالي كلهم يصومون يوم عرفه
ووعقب ثاني يم العيد استعد انا صوالين وخبه واشتري حجات ومحتجات وطبعا كفر يديد وهالسوالف
انتي فكري اشون تستقبلينه لان يمكن اول مره ريلج يحج سويله مفاجآت وسوالف

انا قلبي بالحج نايمة فبيت حمولتي و بالعيد اكيد اطلع انا واهلي وبنوتي واكيد العبد من غير حبيبي مايسوى ربي يردة لي بالسلامة وكل وحدة تشوف ريلها حبيبها بحضنها قولوا امين.

ان شاء الله بتعيدين
خليج مع حمولتج اول يوم بتعيدين معاهم وتستقبلين ضيوفهم وطلعي معاهم تمشي
وزوري اهلج طبعا
وثالث ولا رابع يوم ان شاء الله وهو عندج بخير وسلامة
لا تقولين ماني معيدة

اما اهلي مسافرين من 9 اشهر علاج ماكو احد ليش اعيد؟؟؟ صراحة لم اعيد بدون اهلي احس بشي ناقصني

بنات بسالكم للي عندها خبرة متى يردون الحجاج؟؟؟ اهو حملة رصيف على قولتهم ؟؟؟؟

تفكروون تسوون نيو لووك؟؟

شنو الافكار اللي تسوونها لم ازواجكم يرجعوون من السفر

ممكن تكونين معلقة كروت و بطاقات بشقتج حمدالله عالسلامة وحج مبرور وذنب مغفور

خلي بنتج وممكن عيال حمولتج كلهم لابسين تيشيرتات عليهم صورة الحاج وباستقباله
وممكن نفس الكلام عالبطاقات يكونون ماسكينهم

سوي لوك جديد نفس كشختج بالعيد ممكن قصة او صبغة تسوينها مرة وحدة للعيد واستقبال زوجج

طبعا فراش جديد

ممكن تعيدين ترتيب اثاث الغرفة

اطلبي حلى او كاكاو وحطيه بالصالة عند حمولتج وانتو بانتظار زوجج

مشكورة ناتشوو بس بسالكم ابي اعرف وين الاقي كفرات حلوين باسعار مناسبة؟؟؟؟؟؟؟؟؟؟

شقولج
بكل مكان
شغل الاسواق الشعبية شفت نفسه بالضبط بسيتي سنتر الشويخ و تروفاليو الجديد
وبما ان الحين احنا بشتا اخذي اللي على بطانية
ونفس اللون خلي مفارش الغرفة والتواليت وحتى الزولية
ممكن تستعينين بوحدة بالمول تسوي صناديق رومانسية
وصور شغلها موجودة
اللي يرد زوجج بالسلامة ويتقبل منه

قلبي يعورني ذبحني البجي صار لي اسبوع ابجي حتى طلعت لي حبوب نفسيه

بعد شوي بنوصل زوجي المطار

فيني بجيه

بيرد الجمعه او الخميس حسب الحجز

اول مره نفترق عن بعض صار لنا 6 شهور متزوجين سافرنا مرتين كله مع بعض 24 ساعه

ماانام الا معاه ومااقعد الا معاه 24 ساعه مجابلين بعض بالشقه

شلون ماراح اشوفه 9 ايام

يارب تحفظه وترده لي بالسلامه حدي خايفه يسوي روحه بطل بمواقف خطيره

كله اقوله لاتصير اناني وتتهور فكر باللي تنطرك بالكويت

الله يرجع رياييلكم بالسلامه

انا بعد ريلي حاج بعد عمري كاسر خاطري ضعيف الله يعينه على التعب ويتقبل منه

بس انا قررت اقرب منه وبسافر مع اهلي وبنوتي للرياض نعيد هناك منها وناسه وسوقه

ومنها اشم ريحت الحبايب __ وبالنسبه اذا رجع باذن الله

بكشخ كنا اول يوم العيد وبشتري له هديه من الرياض وبكشخ بنيتي

وثاني يوم

بعزمه على مطعم رومانسي

ما ادري اذا خطر لي شي بكتب لكم

الله يردهم بالسلامة ويتقبل منهم الطاعات وصالح الأعمال ويصبركم على الغيبة أدري والله مو سهلة خصوصا إذا كان الزوج وايد زين وطيب غيبته ولو يوم واحد تعور القلب