@@تجمع حق الوالدين قيصريه والحين حوامل @@

السلام عليكم

انا ببتدي [/SIZE]انا ولت بجري قيصريه
الاسباب ؟ خلصت شهري ومافي طلق والماي نقص ودخلت المستشفى عشان يعطوني تحاميل الطلق الصناعي
وهم رحمي كلش مافتح ولانتفه والبيبي نبضه قل وتخيلوا طلقي صار كل دقيقه يعني المفروض البيبي طالع ومت من العوار
ورحمي مافتح كاش معاند
وبعدين سولي قيصريه
والحين انا حامل والله يتمم علي وعلى الجميع انشالله وحملت عقب بنتي الله يحفظها ب6 اشهر والحين انا بدايه السادس

يالله الحين دوركم حياكم معاي

الله يسهل عليييكم انا لقاافه داشه هههه
توني والده والولادتين قيصري

الاسباب حوضي صغيير

حمدلله على السلامه
ومبرروك ماياج
وين ولدتي ؟؟

حبيبتي انا ولادتي قيصريه وجبت بنتي الحمد الله والسبب الماي نشف والمشيمه لفت على نفسها مادري وش السبب بس الحمد الله وعمر بنيتي 4سنين ونص والله خايفه ارد احمل وسوي قيصريه واي تعذبت في القيصريه جعلي مارد واجربها بسلامتي قولو آمين وانتو بعد واي كريهه العمليه الناس 10 ايام ويخلص الامهم والعمليه تخلصين 40يوم وهم بعد يجيك عوار ياالله الحمد الله على كل شي

الله يخليها لج انشالله ويرزقج غيرها وتولدين طبيعي
مافي شي بهالدنيا من غير تعب وعوار
بس الله سبحانه عطانه نعمت النسيان

انا ولدت ولادتين قيصريتين
والسبب مافج الرحم

انا 4 قصريات والسبه حوضي صغير بالثاني حاولو معاي بس وصلت لي 9 سانتي موراضيه تطلع بنتي وتعبت وخلاص كله قيصري بس كل عمليه تطلع لي مشكله اخر وحده صار التصاقات وتعبت وصار معاي طلق رحمي ماتحمل وولدت اول الثامن ولاده مبكره والله يستر على هالحمال الحين يعطوني ابر مثبته اخاف اولد مبجر
محد عنده خبره يعني موشرط عقب الولاده البكره اولد بالتاسع ولا خلاص بتمشي علييي؟؟؟؟؟؟؟؟

انا ولدت 3 مرات طبيعي والرابعه قيصريه لانها نازله على رجولها وقالوا نولدج طبيعي بس في مجازفه بس طبعا انا رفضت اجازف بصحة البيبي وسويت قيصريه كانت يارب لك الحمد سهالات وحتى الالم اللي قالوا عنه وخوفوني منه ماحسيت فيه
كنت مرعوبه من القيصريه وخايفه حدي بس والله ماشاء الله عليه دكتور افريقي بدار الشفاء اللي سواها لي ممتااااااااااااااز ايده بلسم ماشاء الله
الحين توني من شهر ونص ولدت بنتي طبيعي لله الحمد بس صبرت على عمري وهم بالمستشفى صبروا علي وقالوا لي مانقدر نسوي فيج شي لحد ما الله يفرجها لانج والده بعمليه قبلها … مع اني اول مره اطول بالوضع تخيلوا دخلت الساعه 8 بالليل وولدت الساعه 7 الصبح اووووف زهقت من الكمام مع اني متعوده بعيالي بالكثير ساعه واولد الحمدلله بس اضطريت اتحمل علشان اولد طبيعي والف حمد وشكر تم الامر بسلام

لاتحاتين حبيبتي خلي علو طول بأذونج سورة مريم ترى تهون الولاده بشكل موطبيعي ولاتنسين الدعاء عسى ربي يسهل عليج وعلى كل مسلمه ويهون امرج

السلام عليكم
انا ولدت بنتي قيصرية قبل سنتين والسبب ان الماي قل و المشيمة ما قامت تغذي البيبي و حطولي طلق صناعي و ما فتح الرحم
والحين انا حامل بآخر السادس و انشالله اولد طبيعي و سألت دكتوري وقالي كل شي يتحدد بوضعية الجنين
وانشالله يارب يرزقنا الولادة السهلة و الطبيعية

انا ولدت ببجري قيصريه لان الرحم ماتبطل وولدي حبيبي تهب ونبضه قل فسولي قيصريه
وانا الحين حامل دكتورتي قالت لا تجازفين على طووول قيصريه لان حوضي صغير
والحمدلله على كل حال قيصريه ولا طبيعي اهم شي صحة الياهل ماتتعب
ولا كله سهالات باذن الله

اب اب