تجمع بنات روضة احد مدرسة غرناطه ثانوية العديليه :)

قوه بنات كبرنا تخرجنا تزوجنا تطلقنا مرضنا طبنا عانينا حبينا ولهنا خلونا نتيمع…..
بنات العديليه خل نتيمع ونسولف كل وحده تقول البي تبي تقوله وتقلو عمرها ودفعتها خل نتذكر ايام قبل الله على ايام قبل وناسه والله يليت الشباب بعود يوما…خلونا نتيمع هني ونلقه الناس الي اشتقنا لها وحنينا لها..وتكتب لنا وين درست وين راحت شسوت صار عندها عيال ماضار اي شي اي شي كتبو حتى الذكريات الي تذكرونها كتبوها خل نسترتجع ذاكرتنا يالله

انا تشعيب ادبي بثانوية العديليه دفعة 99تزوجت والحين حامل تخرجت والحين ادرس حقوق بالبحرين لي ذكريات كثيره بثانوية العديليه ولي عداواة كثيره ورفجات كثيره ماقاطعت كل رفيجاتي وماعندي وحده قاعده ادورها لاني ليلحيني على علاقه مع الي احبهم وايد اشياء بقولها بس قاعده اشوف التلفزيون الحين بعدين اكمل

وااااااي امبيه صج ولهانه العديلية و ايامها

انا كنت بروضة احد سنة 92 أو 93

و قعدت بغرناطة طول فترة الابتدائي .. بس بالمتوسطة انتقلت .. و رجعت حق غرناطة اخر كورس من سنة رابعه متوسط..

اتذكر شوي من ابلاتي و وايد من بنات غرناطة ..

ما رحت ثانوية العديلية ليش انها مقررات و انا بغيت ثانوية عامة .. فرحت ثانوية الجابرية

الحين انا بالتربية الاساسية تخصصي انقليزي.. سنة ثالثة ..

و متزوجة و عندي خلودي عمره 4 اشهر

اكييييييد راح اتابع الموضوع .. جود ألاقي وحده من رفيجاتي

انتي شنو تتذكرين ؟ منو ابلاتج ؟ اس سنة كنتي بغرناطه ؟ تتذكرين اي صف ؟

وناااسه بنات منطقتي حلوة الاطباع انا لحقت على شريفه العوضي سنه التخرج وااااي ابله نااادره رهيبه بس ابله انتصااااار واي تخرع ماكنت اخذ درجات زينه عنددها وابله نادره كله امتياز عندها كنت ادعي ماطب عند ابله انتصار بس حظي كان عويييي بس بنتها حليوه كانت رفيجتي..اي الابله المصريه ميرفت مالت البدنيه رهييييبه شخبارها يحليلها الله يرحم ايام قبل..كتويا الله يخليلج خلودي والله وصرنا امهات عيال وتزوجنا وكبرنا انا بعد طلعت من غرناطه ورديت لها ثالثه متوسط وكملت بالعديليه غيرت منطقتي بس هناك بيت يدي وذكريات حلوه ماانساها بحياااااااتي يالله نبي اكثر يابنااااات

والله اذكر وايد اشيا حلوه مثل القفص الي كان ورا الصفوف وشالوه واذكر الحديقه الي فيها ام علي واذكر ريحت الشتا الحلوا الي ماانساها واذكر دود القز الي كانو البنات اييمعونه ببطول واذكر المكتبه الي كنه نستعير منها كتب واذكر المقصف واذكر كل شي حلو هناك ابلاتي الي اذكرهم لاني ناسيتهم ابله رحيمه رياضيات وابله عبير علوم وابله سهير انجليزي والله الباجي مو على بالي

وناااااااااااااسة .. أنا كنت بروضة أحد و بعدين قعدت بمدرسة غرناطة لي 4 ابتدائي وانتقلت بأولى متوسط .. وألحين أنا ب11 بثانوية المنصورية و حددددددددي مشتاقة حق بنات العديلية يحليلهم ..

ترى شعور يونس كل ما أرد عالموضوع P:

اي كربوشا كل اللي قلتيه اذكره

حتى ناظرتنا اذكرها غنيمة المهيني .. بس يوم رجعت بالمتوسط كانت غير ما ادري شسمها ..

بس احلى شي كان بغرناطه ان نروح الفرع اللي جبال المدرسة قبل الدوام و عقب الدوام P;

اي وناسة كان بعد عندنا ارانب بالحظيرة اللي بالمدرسة و سلاحف .. و كنا نزرع بيديان و طماط بالحديقة اللي يم الحديقة..

كان عندنا طبيبة بالمدرسة.. كانت رحلاتنا وايد و اتونس .. و حتى اليوم المفتوح اذا سوولنا نستانس فيه ..

أمينة المكتبة جنه كان اسمها آمنة ؟؟ أو منيرة

انا اتذكر ابلات الابتدائي : ابلة سميرة و منيرة بوعركي ملوت الرسم .. ابلة هالة و سهيلة ملوت الموسيقى.. ابلة رحيمة و ابلة أمل ( الضعيفة الطويلة ) ملوت الرياضيات .. ابلة علياء مالت العلوم .. ابلة فاطمة مالت الانقليزي .. ابلة ضياء و ابلة هدى ملوت الالعاب .. ابلة الدين مو متذكرة اسمها عدل بس اعتقد نورة بوعركي .. حتى كانت اتدرسنا عربي و اسلامية

ابلات المتوسطة مو وايد اتذكرهم لأن بس كورس واحد درست برابعه : ابلة هدى شهاب مالت العربي. ابلة اشواق مالت العلوم

اتذكر بروضة احد كانوا يحطولنا افتح يا سمسم بالمكتبة .. و ليلحين حافظه الاغاني اللي نغنيها بالصف لوووول
كانوا بالريوق يعطونا صمونة زعتر ملفوفة بنايلون .. نقعد نلعب بالنايلون انسوي تفافيخ و نبطهم .. و عصير برتقال السنافر

بناااات العديليه متيمعين وانا مادري @@

انا مدرسة غرناطه وقانوية العديليه وبيتنا بالعديليه وانا بالثانويه دفعة 2024 والحين انا بالحقوق
اسعدني توااجدكم

لووووووول اهم شي قانويه ..ثانويه**

ايي KaTToOoYa انا اللي أذكرها أبله أمل مالت الرياضيات بالابتدائي كنت أحبها وحتى أبلة منى البيضة كانت عندها بنت معانا بالمدرسة وفي أبلة عربي مادري شسمها بس جنها بنت بورسلي وأبلة ثانية متينه شوي درستني ب4 ابتدائي و كانت اهيه اللي تقول اسامي المتفوقات بكل حفلة … الله جان زين ترد هالأيام

واي ياحلاتكم والله امبيه كتويا ذكرتيني بالفرع انا ماكنت اطلع من باب الفرع ليش ان بيتنا صوب الباب الثاني بس هل الفرع له ذكريات بقلبي ليش ان نروحله مشي لي تيمعنا بيت يدي انا وعيال عمامي الحين تغر تطور صار بايخ وتذكرت الابلات صح تذكرت ابله سميره مره حقدن عليها ليش ماخلتني اشترك بالفنان الصغير بس ساامحتها ليش علقت رسمتي عاللوحه كانت سمجه وابله ضياء كنا نلعب داخل صالة الرياضه ونلبس كل فريق شريطه لون ونااسه انا صادفني شريطه حمره او ورديه وتذكرت غرفة التبديل تخرع ) والسستر الي كنا نوقف طابور نغ ابره ولا نقيس النظر صج ايااااام امبي احس اني اعرفج هههههه مادري ليش لان كل الي قلتيهم درسوني عاد انا عندي صور البنات الجماعيه الي كانو معاي سيوره انا كنت كله متفوقه منو تذكر اولى ابتدائي ورا الغزو عطونا هدية التفوق جنطة اكل وداخلها مطاره كنت حدي استانس عليها على سلاحف النينجا كتويا انتي جم عمرج؟

حيااج الله بنت العديليه وانا بعد حقوق بس بالبحرين

انا 20 سنة ..

الظاهر مو بس اتعرفيني الظاهر احنا ييران بعد P; لأن هم احنا بيتنا يم المدرسة كنا نروح لها مشي ساعات.. بيتنا بالشارع اللي فيه بيت الزكاة .. الشارع اللي جبال نادي كاظمة .. حتى وقت المباريات ايون يسفطون جدام بيتنا ..

ويييه ذكرتيني حتى انا بالزوارة يوم اليمعه كلهم يروحون الفرع الا انا ابوي ما يرضى

حتى الروضة كنت اروح لها مشي …

انا بعد كله من المتفوقات ..

صح صح الابلة المتينة مالت حفلات التفوق كانت بعد تشتغل بالاذاعه .. و بنتها كانت وياي بالصف الله يذكرها بالخير..

ابلة أمل خلتني أحب الرياضيات لأنها كانت تعطي هدايا حق اللي يتفوقون عندها .. هدايا ب100 فلس بس وييييه كنا نتشقق لما تعطينا اياهم

انا عندي صور التفوق … بس بروحي مو الجماعية .. حتى كنا انصور بغرفة الناظرة ! و الصور اللي لما نستلم الشهادة

و كنت كل سنة اروح حفلة التفوق اللي اتسويها جمعيتنا حق المتفوقين ..

ايي ابلة العربي بورسلي درستني بس ناسيه اسمها :/ جنه اسمها حياة ؟؟ نجاة ؟؟

الله يحيكم

لوووووووووووووووووول اعرف قصدكم اي ابله حتى انا درستني يوم كنت برابعه ابتدائي <<<<ادري داشه عرض

بس حبيت اذكركم بأسمهااا

اسمهاااا ابله لواحظ ؛)