|
|
صففففففففففففففففففففففففففففففففففففففففففففففففف فففففففففففففففففففففففففففقه صفقه قوية لنا لان احنا نستاهل
نستاهل نتجمع كلنا مع بعض يجمعنا طموح المهنه
الهدف من تجمعنا رفع الروح المعنوية لبعضنا
ومشاركة بعض بالافكار والابداعات
احنا نادرين وروحنا نادره وتفكيرنا نادر
ولا وحده تستهين بنفسها
صج تجمعنا هذا بادي مع الامتحانات والعطله
لكن انا اشوف الوقت هذا انسب وقت عشان المبدعين امثالنا يحتاجون يرتبون افكارهم واوراقهم بين فترة والثانية
والعطله بالنسبه لنا استراحه محارب مو كسل ونوم
طبعا احنا حالنا حال باجي المدرسات نضايق ونتعب وننظلم ونواجه مشاكل
لكن المشاكل هذي مانبي نطرحها اهني عشان ما يصير التجمع تجمع مشاكل
خاصه ان مهنتنا مشاكلها اكثر
المشكله الوحيده اللي ممكن نطرحها المشكله التقنيه
وحده مو عارفه شنو احسن طريقه في معلومه
او اسبوب معين في استخدام جهاز وجذي
لكن غير جذي الله يخليكم ما نبي لان من توقيع الحضور لي توقيع الانصراف واحنا نسمع تحلطم ومشاكل
يلا يالغاليات نحط ايدنا بايد بعض ونبدي بافكارنا الحلوه ولا نبخل على بعض
واسمحولي ابدي بفكرة صغيرونه
بما ان الحين صيف لما يصير عندج وقت فراغ فتحي لابتوبج العزيز وحطي في قوقل كلمه صور للتلوين راح تلقين صور واييد نسخيهم عندج في ملف وخليه عندج بداية الدوام انشالله طبعيلج جم وحده وخليهم مكافات للبنات ماراح تكلفج وايد
شرايكم …. يلا دورج ياحلوه.gif "Eh S(8)")
والمعلم له شأن كبير ,, يعني لازم ما نستهين بمهنتنا
أعلمت أشرف أو أجل من الذي يــــبني وينــــشئ أنــــفاسا وعقولا … احمد شوقي
اذا طرا في بالي افكار راح اكتبها ,, وان شالله كلنا نستفيد من افكار بعض
يشرفني إني أكون معاكم في هذا التجمع المميز والرائع
وإن شاء الله ماراح أبخل عليكم نهااااائيا بأي فكرة عندي
وقبل لا أبدأ بطرح أفكاري الجديدة للعام القادم بإذن الله تعالى 2024 / 2024 م
سوف أضع روابط لبعض المواضيع التي طرحتها من قبل وفيها أفكار حلوووة تخدم العملية التربوية
نبدأ المواضيع
أولا
عشرة أفكار حلوة للتقويم
https://www.q8yat.net/showthread.php?t=494896
ثانيا
تبين حصتج مميزة من ريحتها
https://www.q8yat.net/showthread.php?t=486416
ثالثا
بالصور فكرة ..شلون البنت تعرف حلها صح أو غلط ..حلوة وممتعة ..تفضلوا
https://www.q8yat.net/showthread.php?t=501407
رابعا
أفكار لألعاب تربوية ..وسائل تشجيعية ..بدون تكاليف ..بالصور تفضلوا
https://www.q8yat.net/showthread.php?t=462853
خامسا
فكرة مردودها كبير لج ..إذا خذيتي حصة إحتياط
https://www.q8yat.net/showthread.php?t=488148
سادسا
تقمص المتعلمين لشخصيات من أرض الواقع ..فيه متعة ووناسة ..تفضلوا
https://www.q8yat.net/showthread.php?t=479749
وعندي المزيد من المواضيع القديمة سأجمعها وأضعها بإذن الله تعالى
راجعة لهذا التجمع الرائع لأضع المزيد من الطموح والتفائل في نفوسنا ونفوس المعلمات المبدعات
7
7
وعلى فكر ابله كووويتيه انا حيييل استفدت من افكارج بالتربية العملية جزاااااااااااااااج الله الف خير و ماقصرتي يالغاليه صج صج ساعدتني افكارج وخلتني بعد افكر وابدع بشغلات وصراحه انا استانست فيهم مو بس البنات
انا فخورة بنفسي وفيكم
فكرتي الثانية انشالله يايه بالطريج 
مشكورة على هالتجمع الرائع اللي يفتح النفس ويطبطب على القلب
افتخر اني اكون معاكم
واحتسبوا الأجر بعرض افكاركم يامبدعات وباذن الله يتثبت الموضوع بس نبي تفاعل ومشاركات
واذا تكون بالصور بتكون احلى واحلى يامبدعات
مشكورة على هالتجمع الرائع اللي يفتح النفس ويطبطب على القلب في زمن ………………….لاتعليق
أنا حابة أضيف فكرة واااااااايد حلوة عجبتني وريحتني بنفس الوقت
في كل حصة عندي بطاقات طابعتهم ومغلفتهم وحاطة فيهم شراااااااايط
راح تسألوني ليييييييييييييييييييش طبعا
هذي البطاقات أنا كاتبة فيهم مساعدة المعلم
وفي كل حصه أمسك دفتر الدرجات وأحط صبعي على اول اسم واغمض واحرك صبعي من فوق لي تحت امر على كل الأسامي وبالعكس
والبنات يقولون ستووووووووووووووووووووب
ابطل عيوني واشوف صبعي راح عند اي اسم واللي اسمها يطلع احط على اسمها علامة انها اطلعت معاي عشان الحصة الياية مايطلع الاسم نفسة
واللي يطلع اسمها البسها البطاقة
ويكون دورهذي الطالبة
مساعدة لي لو احتجت اي شي اهيا تساعدني تمسح اللوح تييب كتب او توزع الكتب او تشيل اغراضي وهكذا
وبجذي حليت مشكلة هواشهم على مسح اللوح ومساعدتي وبجذي احييت فيهم روح التعاون والقيادة
وترى مساعدة وحدة ماتكفي فانا اختار في كل حصة 3 مساعدات
وتعالي عاد شوفي ويوه البنات وهما يترقبون اساميهم تطلع وفرحتهم لما تطلع اساميهم وحماسهم في مساعدتي
وهذي صورة البطاقة
وعطوني رايكم يا مبدعات وورونا ابداعاتكم مع الصور لو سمحتووووووووووووووووو
ليش مع الصور ؟؟؟؟؟؟؟؟؟؟؟؟؟
لأنكم مبدعات طبعا
وهو
بعنوان
(قبل لاتشترين داتا شوا دشي ضروري عشان لاتتوهقين ……؟؟؟
وهذا الرابط يامبدعات
أنا ان شاء الله الكورس الجاي أول كورس لي فما أقدر أفيدج
بس بتابع و بستفيد منج ان شاء الله
و عسى هالتجمع فال خير علينااااا كلنا
و يعطيج العافية
يايتلكم نشيطه وقريت رد روووووعه من وحده روعه اسمها somehting woow
اول شي افكارج وايد حلوه واقتراح الصور احلى بما اني عليميه بتنزيل الصور
شرايج تعلميني وافا عليج اصورج كلشي بالديرة احنا شنو نبي غير وحده شطوره مثلج تفيدنا
وبعدين انا قريت موضوع الداتاشو يالعبقرية ماشالله عليج مايطوفج شي
راح اخذ بمعلومتج لاني بشتري واحد للسنه الياية
انزين بسي قرقه معاج بزفوني الباجي
طبعا اشكر مروركم كلكم وانشالله يثبت موضوعنا لان التفاؤل محتاجينه بحياتنا
وفكرتي الثانية لليوم اهي عبارة عن انواط فلوس
ادري بطقنا الفقر مع هالعطله بس ماعليكم
في بالمكتبات انواط نوط بو10و20 ودينا و5 وربع ونص
هذيل الفلوس الورقيه مطبوع من وراهم شغلات تنمي الذات
انا صراحه كنت استخدمهم كمكافآت للبنات وتعالي شوفي الهدوء عشان هالفلوس
جنه صج
وصارلي موقف طريف
كنت اوزعهم والموجهه عندي فلما اطلعت قالتلي اول مره اشوف مدرسه توزع فلوس على طالباتها
ضحكت وفهمتها الفكرة
فيلا صيروا مليونيريه ووزعوا فلوس
|
المشاركة الأصلية كتبت بواسطة ام العثامين
 سلاااااااااااااااااااااااااااااااااااااااااااااااا ام سلام سلام سلام يا حلوين يا كرام
يايتلكم نشيطه وقريت رد روووووعه من وحده روعه اسمها somehting woow اول شي افكارج وايد حلوه واقتراح الصور احلى بما اني عليميه بتنزيل الصور شرايج تعلميني وافا عليج اصورج كلشي بالديرة احنا شنو نبي غير وحده شطوره مثلج تفيدنا وبعدين انا قريت موضوع الداتاشو يالعبقرية ماشالله عليج مايطوفج شي راح اخذ بمعلومتج لاني بشتري واحد للسنه الياية انزين بسي قرقه معاج بزفوني الباجي طبعا اشكر مروركم كلكم وانشالله يثبت موضوعنا لان التفاؤل محتاجينه بحياتنا وفكرتي الثانية لليوم اهي عبارة عن انواط فلوس ادري بطقنا الفقر مع هالعطله بس ماعليكم وصارلي موقف طريف فيلا صيروا مليونيريه ووزعوا فلوس |
احم احم طلع اسمي ونااااااااااااسة افا عليج حاضرين
شوفي يالغالية دشي هذا الموقع
وضغطي على تصفح
راح يفتح لج ملفاتج اللي على الكومبيوتر اللي عندج
واختاري الصورة اللي تبينها
بعدين ضغطي على رفع الملفات ونطري شوية
بعدين اختاري نسخ للمنتديات
بعد ماتنسخينها
تعالي حق كويتيات عند الردود يطلعلج مربع فيه صورة جبل ضغطي عليه راح يطلع لج مربع فيه http
مسحيها ولزقي الرابط اللي نسختيه وحطي اوكي
وسلالالالالالالالالالالالالامتج يله جربي وردي لي خبر واي مساعدة حااااااااااضرييييييييييين
ماشاء الله خوش موضوع
ان شاء الله الكورس الياي ميداني وودي استفيد من خبراتكم وافكاركم الحلوه وان شاء الله اقدر ابدع مثلكم واطرح افكاري معاكم
بهذا التجمع الحلووو
صراااحه حييل استفدنا