|
|
السلام عليكم ورحمه الله وبركاته .gif "Eh S(7)")
شلوووووونكم شخباااااااااااااركم عساكم بخير وصحه >>>> عساه دوم انا الحمدلله تمام 
حبايبي بنخلي هذا الموضوع مرجع حق بنات الجامعه المستجدات اللي متوهقين >> مثلي
يعني اي وحده عندها سؤال تحطه لنا اي وحده عندها نصايح تسدحها مانقول لا ملاحظات اللي ببالكم اسدحوه ماورانا شغل
وياريت مشرفاتنا الغاليات يثبتون الموضوع لانه حييييييييل مهم >>وخاصه هالفتره لاننا ماندري شالطبخه .gif "Eh S(2)")
انا ببدي بسم الله :
1/ تجهيزات الجامعه من كل ناحيه وياريت بالتفاصيل من ناحيه اللبس الاغراض شنو ناخذ ويانا اول يوم وشنو محتويات الجنطه >> اهم شي
2/ بنات بليز انصحوننا نفس خواتكم شنو الاغلاط اللي سويتوها وشنو تعلمتوا عشان مانطيح بنفس الغلط ونستفيد منكم .gif "Eh S(22)")
3/ نظام الجامعه شلون حلوو ولا لا وهل تحسفتوا على ايام الثانوي اذا اي ليش واذا لا هم بعد ليش ؟؟
حبيباتي نبي تفاصيل مانبي نتوهق فديتكم 
GO GIRLS
الموضوع حيييييييييييييييييييل مهم ؟؟؟
بجآوب ع اسئلتج ،
1/ تجهيزات الجامعه من كل ناحيه وياريت بالتفاصيل من ناحيه اللبس
الاغراض شنو ناخذ ويانا اول يوم وشنو محتويات الجنطه >> اهم شي
< من نآحيه اللبس عآدي برآحتج لبسي اللي تبينه ، وان كنتي اساسا تلبسين عبايه
فالعبايه أريح لـ الجآمعه ، مآتصلح لهـآ الكعب ابدد بس اذا بتسوين رززهـ البسيه
لبسته مرهـ وندمت خخخخخ ، جآمعه يبيلهآ لبس مبسط وفلآتآت عبايه مريحه ، جذي !
من ناحيه شنو تاخذين معآج مجرد نوت صغير أو متوسط الحجم وقلم بس …
.
.
2/ بنات بليز انصحوننا نفس خواتكم شنو الاغلاط اللي سويتوها
وشنو تعلمتوا عشان مانطيح بنفس الغلط ونستفيد منكم
من عنوني بعطيج النصآيح ، ياريت تسوينها طول ما انتي بالجامعه !
[ بأول يوم لج لا تتأخرين عن المحآضرهـ ، لأن الدكآترهـ من أول
الدرآسه يعرفون البنت ، ان تأخرتي دايم بيشوفج مهمله ، وممكن اخر
الكورس يذكرج يقولج انتي كنتي تتأخرين ومهمله ]
[ حاولي انج مآتغيبين كلش مهمآ كآن عندج من ظروف ، لأن اغلبيه
الدكآترهـ يتعآطفون بالأخير مع اللي مآتغيب كلش يرفعونهآ ويعطونهآ
بونص واحد او اثنين بونص حسب الدكتور ]
[ مو تقولين بغيب وعآدي رفيجتي معآي بالمحآضرهـ بتعطيني المهم ،
لا تعتمدين على أي رفيجه لج ، رفيجه الثآنويه ممكن تتغير بالجآمعه ،
طبعا ماقولج الكل لكن عن نفسي رفيجات الثانويه حسيت بالجآمعه
جنهم زميلات ومآكآنو يعطوني المهم كنت معتمدهـ عليهم لمن اغيب
لظروف ، لكن وربي بدون مبالغه واجب عليه 5 درجات مو راضيين
يعطوني لا واجب ولا حل ولا المهم ، وانطردت من المآدهـ الانقلش ،
وبالأخير رفيجاتي الثنتين اسقطو بالانقلش ، طبعا لا دعيت عليهم ولا شي ،
بالعكس دعيت لهم بالخير لكن قوله تعالى " وعلى نياتكم ترزقون" .. ] ،
[ مهما علق عليج الدكتور تحملي ولا تراددينه ، بتلقين دكآترهـ يعلقون
واايد ويتمصخرون عادي تحملي لا تراددينه عشان مايحط عليج بالأخير ]
[ حآولي قد مآتقدرين تشاركين سواء متأكدهـ من الاجابه أو لا ،
لا تصيرين نفسي كنت اخاف اشارك عند دكتوري التاريخ " حسين المسري"
كنت اخاف أغلط ويفشلني ، لكن اخر الكورس قالي بمجرد انج تشاركين
يكفي تعتبرين مشاركه معآي ، وندمت راحت علي درجات المشاركه ]
[ اي شي يقوله الدكتور كتبيه بالنوت ، مايقول شي الا و يجيج بالامتحآن ،
اكثر الدكآترهـ يقولون اشياء بالكلآس ، ويجيبونها بالامتحآن دآيم ]
[ بس ترجعين للبيت اقري وراجعي على اللي خذيتيه احسن شي ، مو
نفس الثانويه نقول بنراجع ولا نبطل الا وقت الامتحآن ، لا هذي جآمعه
والامتحآن التيرم تقريبا من 90 صفحه وفوق ، والفاينل ممكن من 100 وفوق
يعني درسي أول بأول ]
< هذي كانت اغلاطي اللي ما التزمت فيهم وندممت وربي
.
.
3/ نظام الجامعه شلون حلوو ولا لا ، وهل تحسفتوا على ايام الثانوي
اذا اي ليش واذا لا هم بعد ليش ؟؟
[ الجامعه بأول سنه ممكن مآتشوفينها حلوهـ ، عن نفسي أول سنه كنت
متضاايقه حييل ، وبعدي ماحبيت الجآمعه وآيد ، مسستحيل تكون مثل الثآنويه
لمن يقوولون بعدين يتكتشفين ان الجآمعه أحلى مرحله ، لأنهآ اخر مرحله
دراسه بحياتج ، ووقت التخرج واااو 
، بس بقولج هالشعر :
انا مابين ناس اغراب وسط قاعه مع دكتور ..
أحاول أخنق العبرهـ وأنا اذكر كل حكايتنا ..
هذا كآن شعوري بأول السنه لي بالذات أول كورس ، لدرجه كنت بمحآضرهـ
التآريخ بس اشوف الخريطه جدآمي أذكر ابلآتي الاجتمآعيات وأبجي وربي ،
وبس أنادي دكتور دكتر كنت اتضاايق ع اساس قبل نقول ابله ابله اخييه اياام ]
وماذا بعد ؟ <
امبي من صجج ممكن يعلق علي امبي بتجيني ضحكه او بجيه ماعندي حل وسط وبعدين انا ما احب رجال يعلق او يخف دمه علي وخاصه دكتور جامعه ومثقف ليش جذي مافي احترام ؟؟ وبجيتيني انا ما احب التغيير من ناحيه حياتي وصديقاتي احب نظل على حالنا والله بتجيني البجيه اعرف نفسي 
ياي بيت الشعر يبجي ع الجرح صج هذي الدنيا امممم طيب الحين اذا كنت بالكلاس وتكرمون ابي الحمام شقول لول يعني اطلع ولا استأذن لازم هههههههههه
يلا بنات يامستجدات وينكم ؟؟؟!!! كل ما اذكر بطني يعورني امبي الله يعينا
زين بنات بسألكم الحين بالكلاس في بنات وشباب يعني خلط ؟؟
|
المشاركة الأصلية كتبت بواسطة كويتيه واقعيه
 كيلي اماني >>> فديتج والله واخيرا احد رد لول
امبي من صجج ممكن يعلق علي امبي بتجيني ضحكه او بجيه ماعندي حل وسط وبعدين انا ما احب رجال يعلق او يخف دمه علي وخاصه دكتور جامعه ومثقف ليش جذي مافي احترام ؟؟ وبجيتيني انا ما احب التغيير من ناحيه حياتي وصديقاتي احب نظل على حالنا والله بتجيني البجيه اعرف نفسي |
فدآآج أموون والكوون
عآدي يعلقون تحملي ، انا مثلج ما احب ريال يعلق علي
خاصه دكتور وجدام 70 او 60 طالبه ماعرفهم يدد ،
بصراحه مآكنت أتحمل وكنت ابجي بعد المحآضرهـ ،
ومآكنت أتحمل ، ع اخر شي رديت عليه وعصبت
حط علي الدكتور ، لا تردين انتي كلش احسن لج
عادي يعلق ضحكي وسوي روحج مو مهتمه ، لأنج
لو بتردين كل يوم بيطفشج ! ههههههههه
< لا تفهمون اني بجايه ع طول ابجي لا لا لا بالعكس
أتحمل عآدي بس لأني بأول سنه وتوهـ أول كورس
مو متعودهـ تعلقيات علي واساسا كنت كآرهه الجآمعه
يعني مضغووطه ومآلي خلق سخافات <
بالنسبه لـ رفيجاتج ان شاءالله مايكونون مثل رفيجاتي
وتبقون دآيم مع بعض يَ رب
اما ع طآري الحمام ؟ شنو تستأذنين ولا تطلعين <
أتخيلج تطلعين بدون استأذان ، لا قولي استأذني ،
قولي دكتور ممكن شوي حمآم ، عآدي مرح يقولج شي
بعد حسرتي المحآضرهـ تقريبا ساعه وربع هههههههههه
موفقه حبيبتي
|
المشاركة الأصلية كتبت بواسطة أحلى البشر
انا نفسج مستجده وتدرين شنو احاتي ؟ احاتي لو في شغله مافهمتها شلون بسأل الدكتور اكيد بتم ساكته احس اني بتوهق
كل ما اذكر بطني يعورني امبي الله يعينا زين بنات بسألكم الحين بالكلاس في بنات وشباب يعني خلط ؟؟ |
لا عآدي أي شغله مآفهمتيها قوليله [ دكتور مآفهمت ممكن تعيد ]
عآآدي أي سؤآل سأليه ، بالعكس ، ترى الدكآترهـ يحبون اللي تسألهم
أول بأول بالمحآضرهـ ، مآيحبون اللي تييهم المكتب بعدين وتقولهم مآفهمت
هالدرس ولا هالدرس !!
صآرت معآي رآيحه حق الدكتور بالمكتب وقلت له مآفهمت ، قآلي يآيتني الحين
وتقولين مآفهمت ، ليش مآقلتيلي بالمحآضرهـ ..؟
صح غلطتي يايتله بعد وييييين مع ويهي >> دكتوور مو فاااهمه
أستآهل الزفّه عن فعلن فعلته ههههههههه
عآدي بنآت سألو أول بأول عشان يشوفونكم مهتمين
.
.
بالنسبه لـ المحآضرآت اذا فيهآ خلط !
فيه بعض الدكآترهـ محآضرآتهم خلط مرآت ،
وفي بعض المحآضرآت تكون كلهآ بنات بس تقريبا 4 أو 5 شباب ،
يعني قليل شباب ، اذا اضطرو يحطونهم معآكم ،
الحمدلله مآصدفت مع شباب مرهـ ،
طبعآ من الدكآترهـ اللي مرآت نكون محآضرآتهم خلط ،
[ خآلد الشلآل علم اجتمآع ] ، [ هيفاء السنعوسي قسم عربي ]
هذولا اللي اعرفهم ، عآد دكتور فوآز مستحيييل محآضرته خلط احلى شي
.
.
في بعد استفسآر متوهقين شي ؟ <
و مشكورة !!!