تجمع ابلات الرياضيات للمرحلة الابتدائي لتبادل الافكار وتوصيل المعلومة للطلبه

السلام عليكم ورحمة الله وبركاته

الحمد الله واخيرا سجلت بالمنتدى علما اني من متابعين المنتدى من فترة

الموضوع هذا خاص فقط لابلات الرياضيات المرحلة الابتدائية

منها نساعد بعض على تبادل الافكار والوسائل التعليمية المبتكرة …. الخ

انا الحين ميداني

ومعطيني منهج اولى ابتدائي ورابعه

الحين يوم الاحد ان شاء الله بشرح لاولى ابتدائي درس : حل المسائل : معلومات اكثر من الحاجة

صــ 32

بذمتكم هالدرس يستوعبة طلبه اعمارهم 5 سنوات ؟؟؟؟؟؟؟؟؟؟

ابي افكاركم ابلاااااااات في الدرس

لان راح تدخل علي المدرسة الاولى والناظرة خليجية

اهوة مو درس نموذجي بس ودي ابدع جدامهم واوصل المعلومة صح لليهال

انا بعد ادرس اولى ورابعه وخبرتي 7 سنوات

اما بخصوص الدرس الله يعينك يوم الخميس شرحته وطلعت وانا كلي كآبه لان الطلبه ما يعرفون يقرووووون وهذي المشكله ولا يكتبون عربي وطالبين منهم شطب المعلومات الي ما لهم حاجه فيها

بقولك على افكاري
اول شي قلت قصه الحليب وكل معلومه حطيتها في بطاقه وكانت اعلي صوتي واصغره يعني اقول قصه .
وبعدين قلت ابي اشيل المعلومه الي ما فادتني وقالوها لي قلت منو يحذف البطاقه الي فيها معلومه مو محتاجه لها تعالي شوفي الابداع محد عرف البطاقه لانهم ما يعرفون يقرون !!!

والاحباط متى يوم جينا نحل قسم بالله اني انا الي امر واشطب على المعلومه الي ما نبيها ’’

حرااااااااااااااااام عليهم والله !!! والله يسامح الي كان السبب بتغيير المناهج من زفت الى ازفت

للأسف منهج أولى فوق مستوى استيعاب التلاميذ

مشكورين خواتي

صج حبطتيني وآنا اساسا متحبطة لان ما مداهم يعلمونهم الحروف ويقرون

بدايه كل حصة احط لهم جم سؤال في المقدمة ( حوط رمز العدد الاكبر ) ومحد يقرا اقعد اقرا معاهم واحفظهم راس السؤال !!!!!!!!

صارت حصة عربي مو رياضيات !!!!!!!!!

والا الشهور الهجرية امبية !!!!!!!!!! انا مو حافظتهم بالترتيب توني حفظتهم مع اولى ابتدائي !!!!!!!!!!!

طريقتي في الدرس

كتبت كل شهر في بطاقه وزعتها على 12 طالبه بالترتيب واقول الشهر الاول ؟ والبنت تقرا الشهر بطلع الموت واحفظهم الشهر الاول محرم ويكررون

وبعدها الشهر الثاني وااشر على البنت وما تعرف تقرا !!!!!!!!!!!!!!!!! وربي ببجي شنو هذا

تذكرت بعد في تمهيد الدرس حطيت 4 أعداد مثلا 3 , 5 , 8 , 1 وقلت كوني عباره جمع واشطبي على العدد الذي لم تستخدميه

اما الشهور الالميلاديه تعالي اضحكي شلون يقولون اغسطس او يوليو ابدااااع

شهر مارس صار نارس هههههههههههههههههههههههههههههه

الحين طريقة التحضير الصح :

عنوان الدرس
الاهداف السلوكية
الوسائل التعليمية
المقدمة
التمهيد
العرض
التطبيق
التقويم

جذية صح ؟؟؟؟؟؟

كلش ابلات الرياضيات مو متعاونات معاي خليجية يبون بس يشوفون شغلي ودفتري ووسايلي التعليمية ومايبوني اشوف شغلهم !!! صج نحاسة

………

لا حبيبتي التحضير مو جذية ك
عنوان الدرس
الهدف العام
الاهداف السلوكية
الوسائل التعليمية 1) أدوات المعلم
2) ادوات التلميذ
المفردات الجديدة
التمهيد
التعليم
الاخطاء الواردة
مد يد المساعدة
التطبيق
التقويم

ليش محبطه والله المناهج حلوه وتفاءلوااااا لان اذا ما تفاءلنا مارنح نوصل المعلومه صح
شوفى حبيبتى وحده من الخوات حطت لج كون عبارة جمع صحيحة 2,6،1،4
وهنيه راح يتعرف على المعلومات الاكثر من الحاجه …….. وعندج بعد سأليه عن اشياء من البيئه علشان تكون
مثل…… ( يقوم احمد الساعه 6 صباحا وياكل وجبة الافطار الساعه 6,30 ويذهب الى المدرسة الساعه 7

متى يذهب الى المدرسة؟ وناقشيهم شنو المعلومات اللى تفيدنا ( نحتاجها و المعلومات التى لا نحتاجها)

وبهذا الشكل يتعرف الطالب المعلومات المناسبه له

اقتباس:

المشاركة الأصلية كتبت بواسطة شـــــــــمس

متى يذهب الى المدرسة؟ وناقشيهم شنو المعلومات اللى تفيدنا ( نحتاجها و المعلومات التى لا نحتاجها)

وبهذا الشكل يتعرف الطالب المعلومات المناسبه له

شنووو المناهج حلوه !!! حرام عليك !!! تفائلنا وتفائلنا وكل ما تمر دروس ننصدم اكثر

وابله الرياضيات والله مو مطنشينك بس المنتدى يعلق ونفس ما قالت الاخت عن التحضير انتي غلط

اقتباس:

المشاركة الأصلية كتبت بواسطة صاحبة السمو الملكي

كلامها صح وطريقة التحضير تختلف من منطقة تعليمية لأخرى

تقدرين تحطين في درس معلومات أكثر من الحاجة ثلاثة أطباق اثنين منهم فيهم بيض والثالث فيه تفاح وتسألين عن عدد البيض هنيه التلميذ راح يستثني طبق التفاح لعدم الحاجة،،،

يعطيكم العافيه بنات ما قصرتوا بعد عمري

باجر بقعد مع المدرسة الاولى واناقشها بطريقة التحضير

لان مرة وريتها تحضيري لسنة اولى وما قالت شي بس قالت حلو التحضير ولا تكلمت بس ما ادري آنا احس ان في شي غلط !!!!!!!

هلا ابلتنا شكل رئيسه قسمك ضايعه بالطوشه ومثل ما قلت لك لا يردك الا لسانك

اترك تعليقاً إلغاء الرد