تجرحج تستهزئ فيج جدام الناس تفشلج تقدرين تتحملين ؟ شتسوين لو انتي مكاني تعالي قوليلي

مرت حماي الله لا يبليكم بوحدة نفسها انا بقولكم سوالفها وانتوا حكموا

توني قاعدة على الكوشة قعدت يمي وسلمت علي جااان تقولي مبروك قلتلها الله يبارك فيج جان تقول يا وييييلج اذا حملتي قبلي !!!!!!!!!

الموقف الثاني :
اول ايام الملجة المفروض تكون احلا الايام بس اهي قلبت هالايام نكد علي وعلى ريلي شلووون ؟ انا اقولكم
ريلي ايام المراهقة تعرف على بنت وحبها بس اهله مو راضين عليها فرفضوا واهو هد البنت قامت اهي قالتلي بقولج شي بس مو تقولين حق احد اني قلتلج قلتلها افا عليج قوولي جان تقولي ريلج كيت وكيت انااا انصدمت انا ريلي كان قايلي عنها بس ماقالي ان كان ناوي يتزوجها وما قال التفاصيل اللي اهي قالتها والله طيحت ريلي من عيني وطلع كلامها كله جذب !!!

الموقف الثالث :
هم اول ايام الملجة كله تقولي انا اللي اقنعت ريلج ياخذج وييييه شكثر حنيت عليه انا ومنال حماتي بالقصب اقتنع جان ارد عليها اقولها وااااي مشكورة صج ان اهو نصيبي عاجلا او آجلا كنت باخذه بس انا من قلبي اشكرج انج سرعتي نصيبنا طبعا انا من داخلي بمووووووووت شنو يعني شقصدها من هالسوالف

والله يا بنات مواقف الملجة معاها شي لا أحسد عليه من حرتي اتهاوش مع ريلي بسبتها وانا الغبية كنت اصدقها بحسن نية ما اعرفها ليلحين لين شسوت تخيلوا خالتي كانت مسوية عزيمة وعلى فكرة انا ساكنة مع حمولتي بس مرت حماي ساكنة بره المهم قلت حق خالتي ترى انا بسويلج كيت وكيت لا تسوين قالتلي مشكورة وطبعا مرت حمااي دقت علي وقالتلي خالتي تقولج خلاص لا تسوين قلتلها ليش جان تقول لأن اهي بتطلب من بره قلت على راحتها عاد انا شنو سويت قلت بيبلي حلو قهوة وبييب شي ثاني ويوم العزيمة شنو اشوف ؟ اللي انا كنت بسويه مرت حماي اهي اللي سوته وخالتي يومها منفسة علي حدها حتى الحلو اللي انا يبته قالتلي مشكورة يايبين حلو قهوة وايد مانبي اخذيه معاج انا حدي انصدمت على هالدقرة وتضايقت والله لو مو العزيمة وتقديري حق خالتي جان مشيت بس قلت ميخالف عشان ريلي بتحمل عدى هالموقف

طبعا تخيلوا شلون تتعمد تجرحني انا شايلة ولد خالة ريلي بالزوارة صغير عمره شهر جان يرجع انا رفعته جان تصرخ علي تقولي عطيني عطيني لا تموتينه انا انصدمت من ردها عشان انا ليلحين ما حملت فنظرها انا راح اموت الياهل لأني ماعرف مادري منو قالها اني بس اللي عندها يهال تعرفلهم انا من الصدمة عطيتها وخالة ريلي بعد عمري بترقع الموقف جان تقول ويييه هذا تعودنا عليه كل يوم ترجيع انا عيالي كلهم جذي

دايما تجرحني بموضوع الحمال بأي طريقة وانا والله مقتنعة بنصيبي واللي الله كاتبة لي انا صارلي سنتين ما شفت نفسها خمس سنين وعقب العلاج حملت انا ما اعايرها ولا أتشمت فيها بس اللي بيته من زجاج ليش يحذف الناس بالصخر ؟

تدرون آخر موقف شسوت ؟ طبعا مواقفها ماتخلص

دقت علي وهذي اول مرة تسويها وتدق علي تقولي تعالي شوفي شقتي صاريلها شهرين ساكنة شقة يديدة وكل الناس راحوا الا انا ما قلتلي وجم مرة تسوي يمعة ولما يسألون عني تقول وييه جم رقمها وما تدق علي الا الساعة 10 تدري اني ماقدر اطلع هالحزة إلا اذا ريلي يابني

المهم دقت علي وقالتلي تعالي احنا قاعدين قلتلها والله شوي مشغولة قاعدة ارتب شقتي انا قاعدة أتعذر لاني مابي اروح شقتها بصراحة شنو على الفضلة اروح ولا مشفوحة على الروحة ؟ المهم جان تحلف علي والله اتيين هدي اللي بيدج وتعالي واله ازعل منج اصلا تعالي ببجاتج اللي لابستها ماكو احد غريب بس انا وانتي وفطوم وخالتي فطوم هذي حماتي الصغيرة قلتلها اوكي انشالله ادق على ريلي واقوله

ريلي قالي انتي ماتدلين انا بوديج ومتى ما بغيتي دقي علي آخذج وتخيللو انا ما كشخت بس لبست عادي جينز وقميص عاااادي ماله داعي اكشخ معنه قلبي ناغزني حاسة اني بتضايق وفعلا لما وصلت ولا ريلي يقول اوه هذا سايق عمتي فلانة قلتله نعم من صجك لا ما انزل ردني البيت وحدي منقهرررررررة قلتله اهي تقولي لا تكشخين وتعالي بعباتج وعازمة عمتك اللي ما تزوركم الا اذا عزمتوها جان ريلي يدق على اخوه ويقوله ها شعندكم اليوم وحماي على نياته يقوله ييب زوجتك مرتي عازمة عمات ابوي على الشقة عشان يشوفونها جان يقول اي انا الحين راد البيت باخذها والله بنات ريلي انقهر بس سكت ما تكلم وانا بس دموع تنزل مني

المهم ردني البيت وقالي ابيج تلبسين احلا شي عندج عشان يعرفون شكثر مرتي حلوة بعد عمري يبي يراضيني لووول واهو كل مرة يقولي يلا ويلا هالمرة مخليني على راحتي عاد انا شنو لبست تنورة قصيرة لانه اهي متينة وماتقدر تلبس تنانير قصااار لوووول وكشخت آخر كشخة ورحت لبست أكشخ عباية عندي واهي اول ما شافتني انصدمت متوقعة اني مو حاطة مكياج ولا لابسة لأن محد بلغني بالعزيمة معتمدين عليها بس شوفي ربج شلون فضحها لانها تبيني اتفشل وعمات ابو ريلي ماشالله هذي العروس مرت فلان مع العلم انا صارلي سنتين متزوجة ويسموني العروس وحدي استانست :