تجربتي ويا** صورة الحبوب ويومياتي&& متجدد&&(انتهت المده!)

الكل يطمح لجسم رشيق مشدود بدون هظاب وتلال و…الخ
انا نزلت موضوع اسأله عن حبوب الريداكتيل والسيبتروم وهذا اهوا موضوعي

اللي جربوا الريداكتيل وسيبتروم يدشون لظروره القصوى؟ – الصفحة 2 – مدونة كويتيات النسائية

وقررت اشتري الريداكتيل ليش قررت اشتريه؟؟؟
اولا انا اخاف من الحبوب بس قلت ستوب لانه وزني مو راضي ينزل نقهرت وماباجي شي على العيد وبتخلص السنه وانا من رجيم لمه رجيم ورياضه وتعب ودكاتره واخر شي ينزل شي بسيط واتحبط معنويا

ورحت خذيت الحبوب من الصيدليه ويا جم شغله طلعوا علي ب28 اتوقع الحبوب ب 22 او 23 وقالت لي الدكتوره انتي اول مره قلت لها اي قالت بعطيج ال10 مو 15

وهذي صورة الحبوب طبعا اللي لونهم صفر وزرق ال10 والبيض الظاهر ال15

ابي تشجيعكم لي عشان احط يومياتي ويا هالحبوب وكل سبوع اقيس وزني اشوف شكثر نزلت انا خذيتهم امس التاريخ 7-9 يوم الاحد وراح اقيس وزني يوم الاحد الياي 14-9

بحط شكثر نزلت بسبوع

الحين نيي حق اول يوم اللي اهوا امس

طبعا خذيت الحبه وشربت ماي وكليت 4 او 5 تمرات وشربت ماي ونطرت شوي بوخمس دقايق لانه قبل الاكل بربع ساعه

شربت شوربه كالعاده وكليت سمبوسه وحده ويمكن قفشتين او ثلاث عيش ودياي مجبوس و4 قفاش هريس وشربت ربع قلاص عصير برتقال وطبعا انقثيييييييييييييييييت لمه الساعه 11 بليل انا شبعانه؟؟ انصدمت

ومو مشتهيه شي بس لازم من السنه السحور حطوا كل مالذ وطاااااااب وسبحان الله احس مالي نفس بس عشان محد يدري اني اخذهم ولا ابي احد يحس اسوي رجيم لاني اتعب وكل شوي يعلقون فقلت سكاتي بيني وبين روحي
كليت شوي سلطه وسمبوسه وحده والصمون الصغااااار اللي وايد بجيس كليت وحده داخلها جبن وشربت ربع قلاص عصير برتقال وكليت حلو قطعه وحده واحس برجع من الاكل

وماقدرت انام الا 5 الفير الاكل كان على جبدي

انطباعي عن الحبوب مادري مالاحظت لمه الحين شي من الاعراض الجانبيه لهم خصوصا الدكتوره قالت العصبيه بتزيد وصداع خفيف سألتها اذا قطعت الحبوب بيتمون الاعراض قالت لي ابدا بس تقطعينهم يرد الجسم مثل اول
بس للامانه ماقدرت انام الا 5 الفير ونومي متقطع شوووي ماقدر اقول منهم لاني انا نايمه الظهر وايد