تجربتي مع مستشفى بيت الحيوان

السلام عليكم

وديت قطاوتي اليوم لما عرفت من المنتدى عنه بصراحة كانت خبرة سيئة جدا الدكتورة ما تعرف تسوي شي والمساعد خايف من القطوة مع ان قطوتي هادية جدا جدا وتروها وشمختنا وقاعدة زعلانة من اول ما ردت البيت مع ان ما احتاجت يسوون لها شي اما الصغير المسكين كان حتى قياس الحرارة تعذيب والشي اللي حسيته ان الدكتورةاصلا ما تحب الحيوانات وبصراحة ضايق خلقي اني مضطرة ارد لها غوتشي علشن يكمل التطعيم جديا افكر اوديه الري

وي امبي اختي من صجج

عاد وايد بنات يمدحونا

من صجج؟؟
اشوا انج قلتي لنا..
اجل شلون البنت اللي كتبت عنه تمدحه؟؟
الظاهر انها تسوي دعايه والله اعلم !!!!!

هم انا عقب ماقريت الموضوع.. خذيت قطوتي ووقطو خالتي .. ووديتهم حق هالمستشفى .والمستشفى طبعا فاضي وماكو الا دكتوره سميره وواحد مصري يساعدها ..والدكتوره ماعندها خبره ذاك الزود بالقطاوه لانه لما طعمت قطوتي عندها قالت لي ييبيها بعد اسبوع ..واهو المفروض بعد شهر.. ووهم لما قصوا اضافرها احس انهم عذبوها وقعدت يومين زعلانه علي لول.. وغير جذي وديت قطوتي بعد عقب جم يوم عشان يسبحونها.. حتى استشوار ماعندهم عشان يجففون القطوه.. طلعت فيها كلها ماشي زين لقيت عندي جاكيت بالسياره لفيتها فيه على ماوصلنا البيت.. وعلى قولتج لما بيشوفون حرارتها يعذبونها غير المستشفيات الثانيين.. انا بصراحه ماراح اكمل التطعيم عندهم بوديها مستشفى ثاني..

صـــج ..

يعني معقووله البنت مسويه دعاايه ..

الحمدالله انج قلتيلنا ليني أنا كنت ابي ارووحله بااااااجر ..

مشكوووره حبيبتي على الموضووع لولاج جان رحت وعذبو قطوي ..

حبيبتي ممكن طلب .. !!

ابي بيطري حلو وقرييب من الجهرا بليييييز كل ماسألت وحده قالت ما أعرف ..

ليين توتو سار عمره 3 ونص وأنا لحد الحيييين ماطعمته ..

مشكوووووووووره حبيبتي انج قلتي البناااااات ..

أشوه انج قلتي لنا فديتج عاد اقتنعت بكلام البنت الله يسامحها يمكن داعيه اي والله

بلا ما نظلم البنت يمكن مو قصدها تسوي دعاية بس تلقونها استانست انه فتحوا مكان قريب وفيه عرب التفاهم معاهم اسهل

السلام عليكم

صباح الخير بنات

انا البنت اللي كنت كاتبه الموضوع .. والله مو قصدي دعايه ولا شي ..

انا شفت المكان مرتب وكلمت الدكتوره وسولفت معاها بس عن خبرتها وشغلها لا والله ماجربتها بشي

وكلمتها عن الكاسكو اللي عندي وعند تطعيمه قالت انه ماعندهم تحصين الا حق القطاوه

بس عن شغلها وخبرتها بالحيوانات والله مادري عنها ..

وكان قصدي من الموضوع اني شفت مكان قريب غير عن الري بس لا اكثر ولا اقل

وانا الدكتوره والله ماعرفها ولا تعرفني وشكو اسوي له دعايه ؟؟..

…

حبايبي حصل خير وواضح من اسلوب عنود لما نزلت موضوع المستشفى واضح كان من اسلوبها ان مو قصدها شي غير الافاده ماصار الا كل خير
عنود حبيبتي لا تاخذين بخاطرج موقصدهم البنات سوء تفاهم لا اكثر بعد قلبي

لا حبيبتي مو ماخذه بخاطري ولا شي .. وكل واحد وتفكيره ..

انا كان كل تفكيري انه اقول حق البنات انه فيه مستشفى يديد وفيه دكتوره

وفي اكثر البنات مايقدرون يروحون الري والا مكان بعيد فـ قلت افيدهم

وحتى المستشفى مو ردي لهدرجه الدكتوره اكيد عندها خبره بشي والله اعلم

خيتو عنود انا ماقصدت انج مسويه دعايه بمعنى انج انتي مشاركتها بشي ..
بس صارت عندنا بالقسم من قبل بنات مشاركات بشي وسوو دعايه وصارت اشياء .. مابي افتح الموضوع

بس آسفه اذا ضايقتج

والله انا بعد تجربتي برويال احس مارال أامن على قطوتي عند غيرهم ..الا اللهم الدولي اللي بالوفره مال الايطاليين هم زينين

بس هم الرويال يفهمون اكثر بالقطاوه لانه الانجليز يحبون الحيوانات ويربون كلاب وقطاوه
بس الايطاليين نفس العرب موو زود مع القطاوه والكلاب احس مافيهم عاطفه

هذا اللي توقعته وانا ما كتبت علشان الومج بس علشان محد يمر بالتجربة السيئة اللي مريت فيها

والله يا اختي انا بعد استفدت من تجربتج اذا هي تقول تخصص قطاوه

ومو عارفه لهم .. شلون اعطيها كاسكوي والله انه غالي علي ..