|
|
بنات راح أكتب لكم تجربتي في ( عملية تجميل الانف ) ..
بس قبل هذا كله عندي مقدمة مهمة جدًا بالنسبة لي ..
أنا قبل لا أسوي عمليتي كنت أدخل للمنتدى أشوف كلام البنات عن عمليات تجميل الخشم ومنو أحسن دكتور وبأي مستشفى .. وشنو خطوات العملية و الخطوات اللي مابعد العملية . عشان أكون بالصورة قبل لا أسوي عمليتي وبنفس الوقت أشوف بنات مجربين العملية !
بس اللي صار معاي غير عن اللي قرأته من البنات هني !!
ما أذم بالبنات حشى والله لكن أعتقد إن ( البعض ) تكتب عن عملية تجميل الانف وتخوف العالم وهي ماتدري شالطبخه !
**
المهم : عمليتي كانت يوم السبت تاريخ 8 ديسمبر .. هالشهر .
العملية : تصغير لفتحات الانف وهي تحتاج لغرز .. و نحت لعظام الأنف . هو عريض شوي وطلبت ينحته .
طبعًا دخلت لغرفة العمليات .. جاني الدكتور سألني شنو تبين وووو إلخ . وشرحت له شنو أبي بالظبط .
طبعًا ملاحظة للبنات : لما تدشين غرفة العمليات اطلبي انج تقابلين الدكتور لأن الدكتور يوميا يشوف ألف بنت وماراح يحفظ شنو تبين انتي ! ف قولي له اللي تبينه قبل العملية بالضبط .
– طبعًا البنج ما أخذته عن طريق التنفس . حطوه لي عن طريق الدريب ( إبرة ) وهذا البنج الحمدلله كان خفيف علي حيل وماتعبت منه . لأن سابقا كنت مسوية عمليه وحطولي البنج اللي عن طريق التنفس وهذا جاب العيد فيني والله كنت 3 اسابيع ابجي من ألم راسي كله من هالبنج .
– التنفس كان عن طريق أنبوب يدخلونه بفمج و أظن يوصل لين بلعومج .
المهم .. دخلت للعمليات 8 ونص .. وطلعت 12 الظهر .
قعدتني الممرضه : مريم قومي قومي العملية انتهت .. الحمدلله على السلامة .
ولما قعدت ودوني فوق .
كنت أحس بدوخة وأحتاج للنوم .
المهم نمت ولما راحت الدوخة تقريبا بعد 4 ساعات من ودوني للغرفة .
طبعا خشمي مسكر و جبس ومادري شنو وفتايل .
اللي حابه اوضحه ان مااااااااافي ولا ألم !!
والله العظيم ماحسيت الا بألم في بلعومي من الانبوب اللي حطوه لي .
شربت شوربة وماي و حليب دافي .. اشربوا اشياء دافيه .. خلال يومين راح هالألم من المشروبات الدافيه .
– الاكل كنت آكل عادي بعكس البنات اهني خوفوني !
– التنفس من الفم .
– الألم مال الخشم حسيت فيه ثاني يوم بالليل .. وعطوني إبره مهدئه بالعضل ونمت وراح الألم .
– قعدت بالمستشفى 3 أيام .. ولا المفروض أطلع من أول يوم . بس انا احتياط قعدت لأن ابي احد يهتم فيني .
– الفتايل شالوها ثالث يوم .. كانت راح تطلع روحي منها .gif "Eh S(11)")
أول ماشال الفتايل طلع دم 5 دقايق ووقف .
– وجهي ورم ثاني يوم من العملية .. وكان في مثل الكدمات فوق جفني و على خدي و فمي انتفخ شوي .
– الورم راح من ثالث يوم . أما الكدمات للحين باقي بس شوي ع خدي كدمة صغيرة.. وفوق جفني بس عادي انا معتبرته شدو .gif "Eh S(22)")
– الدكاترة اللي كانوا ع عمليتي 3 .
وبعد العملية كل شوي يتناوبون علي . الحمدلله كان اهتمام حلو منهم .
– أول ماشلت الفتايل قعدت ساعه وبعدين طلعت للبيت عطوني شاش حق خشمي عشان لما ينزل دم .
وأخذت منهم ماسك احطه ع خشمي وفمي لأن الهوا البارد كان ينشف فمي لما اتنفس ويعور خشمي .
– عطوني أدوية مهدئه عشان لو تألمت . والحمدلله ماستخدمتهم .
وعطوني بخاخ للخشم ينظفه .
– بعد 10 أيام رحت أشيل الغرز .. وطلبت يحط لي بنج عشان يشيلهم .. مابي أحس بألم .
واليوم راح أشيل الجبس ان شاء الله .
– مبدئيا شكل خشمي عاجبني .. الفتحات وطريقة رسمها .gif "Eh S(15)")
.
– الطلعات كنت أطلع من رابع يوم عادي للسوق والممشى وجذي 
وأمس رحت عرس عادي كنت لابسه نقاب بس في جبس ع خشمي
عاد أنا قلت الهيلق بيقولون هذي مطقوقه . و الناس الفاهمه بيدرون انها عملية تجميل
يعني ماعلي من أحد أطلع طبيعي وأروح .
حتى الكحل عادي تحطين
و أحلى شي إن الدكتور معاي عالواتساب يعني اي سؤال اسئله ويجاوب
أي سؤال بنات أنا حاضرة ..
والف مبروك انج بتشيلين الجبس اليوم ،
انتي ذكرتي ان تجربتج غير عن البنات ، اعتقد على حسب الدكتور وعلى حسب طبيعه الجسم ،
الحمدلله ربي هونها عليج وما حسيتي بالالم ما شالله ، وفي بنات طبيعي جسمهم ما يتقبل ويحسون بالالم .
انشالله يطلع خشمج احلى من الي تبينه يارب ،
بس سؤال ، ليش 3 دكاترة تناوبو على العمليه ؟
مشكورة حبيبتي ..
هذا أحلى شي إن الدكاترة ثلاثة وكلهم استشاريين جراحات تجميل وخريجين من لندن .
واحد رئيس القسم هو الكل بالكل واللي تروحين له اساسا أول شي . و 2 زملاء له معاه بنفس القسم .
يشتغلون مع بعض الـ 3
والأحلى إن لسانهم عسل والله
ما قلتي لنا .. منو كان دكتورج ؟
.gif "Eh S(2)")
بنات ..
الدكتور انا ماحبيت أذكره بالموضوع .
تدرون ليش ؟ لأن بعض البنات مركزين في مواضيعهم ع الدكاترة ومخلين كل النقاط المهمة ويمدحون دكاترتهم صرت أحس ان الدكاتره معطينهم فلوس او مسوين لهم عمليات التجميل ببلاش مقابل الاعلان لهم !
الدكتور هو : إسماعيل ندا . بمستشفى دار الشفاء .
ع فكرة .. لما فتح خشمي :$ بالعملية .. لقى خراااب من عملية سابقه كنت مسويتها عند سعود العجمي بمستشفى الشركة وهي عملية تعديل الحاجز الانفي من داخل الانف .
والحمدلله صلحه لي ولقى تليفات وشالها لي .
وضبط الخشم من داخل .. التنفس والله يا بنات اني من شلت الفتايل وانا اتنفس عدل الحمدلله . عكس قبل .
وبالمره طقيت إبرة لفمي و حواجبي
|
المشاركة الأصلية كتبت بواسطة am-abood
 حبيبتي انا اتوقع كل بنت وجسمها لاني والله تعذبت بعمليتي عذاب والالم كان فظييييييع للحين تجيني كوابيس منه ووجهي ورم وااااااايد والحمدلله على سلامتج
|
ام العنود اذكر مسويا عمليتج بايران عند بور صادق صراحه ةكتورج توب مشاء الله لايعلا على وماشفت دكتور عجبني غيرا لحة الان
وفيه حد يتحمل وفية حد مايتحمل
ولاتنسين انج قعدتي 3 ايام في المستشفي
واكيد اهتمام المشفي احسن من اهتمام البيت ؟؟
وربي يعطيج لي في خاطرج يارب .. وتقومين بسلامه
|
المشاركة الأصلية كتبت بواسطة mariam.sds
بنات شلت الجبس قبل شوي شكل خشمي فظييييييييييييييييييييييييييييييييييع الحمدلله
وبالمره طقيت إبرة لفمي و حواجبي |
الحمدلله يارب ، ماشالله الله يهنيج ، ونبي نشوف الصور :d
الحمد لله على سلامتك
.~