تجربتي مع شد و تكبير الصدر بعد سنه

اول شي ترددت وايد قبل لا اذكر تجربتي لان حسابي ناس وايد تعرفه وعمليه مثل هذي حلاتها تتم بسريه

لذلك سويت لي حساب يديد و بذكر لكم النتيجه بعد سنه

بالبدايه

كنت اعاني من ترهل الصدر بسبب الرضاعه و فقدان الوزن وترهل شديد كان يسبب لي الاذى

كنت ابي دكتوره مو دكتور لاسباب وقناعات شخصيه (ما راح افرضها عليكم)

المهم قريت بالمتتدى عن تجربة عضوه و ظليت اراسلها و اسئلها لما اقتنعت بالعمليه و الدكتوره

عمليتي كانت شد و سيليكون سويتها بالعرف عند الدكتوره ثريا ترزاكي

اول ما رحت الموعد شفت المره ولا وحده كبيره كبر يدتي وشعرها ابيض و سمعها ثقيل فشوي ترددت

ييت لها عقب شهرين وكنت خلاص معزمه عالعمليه وسويت سيرج بالنت لمدة شهريت فطلبت مني تحاليل و رحت سويت التحاليل وكل شي

وقالتلي شنو القياس الي تحبينه قتلها وبكل عوابه الكبير

قالتلي اوك راح احطلج 400cc طبعا قتلها هل هذا اكبر حجم قالت اي عشان عرض الاكتاف ما يتحمل اكثر

طبعا ما اقتنعت لان الاجانب يحطون احجام اكبر

المهم

صار يوم العمليه و دخلت الغرفه انصدمت لان شكلها وااااااااااااااااااااااااااااايد حلوه وكبيره وراهيه كلش ماكان ببالي جذي غرفتي بتكون

والحمد لله عدى كل شي على خير ما حسيت بولاااااااااااا شي وكلش ما تاذيت ولا تعورت لان هالدكتوره ما تحط برابيش مثل غيرها

قياس السيليكون كان 400cc تحت العضل والخيوط انشالت بعد اسبوعين

عندي هالملاحظات :

1- الريسيبشين اخلاقهم مو زينه وياذون ولازم تاكدين عالمواعيد لان عادي جدا تقولج تعالي الوقت الفلاني وتطقين درب للمستشفى وكلكم يدري العرف اشكثر بعيد وتالي تقولج لا حبيبتي الدكتوره ما تدوام هلحزه !

2- العمليه تتكثر اثر خاصة بس كلللللللللللللللللله يروووح بعد 10 شهور ولا شي يبين و ممكن بعد العمليه تحسين انهم ثقال حيل وكبار بس حييييييييييل يفشون والشغله المهمه بعد ان الدكتوره لا يغركم شكلها وايد شاطره

3- المستشفى ما يلتزمون بكلامهم يعني تقوليلهم ابي دكتوره للتخدير ويقولولج انشاءالله وقت التخدير يدخلون عليج ريال!!

ورجاءا لحد يقول حرام ولعب بخلق الله انا سئلت قبل لا اسوي العمليه و ما سويتها الا وانا متطمنه