تجربتي مع رجيم دشتي لكل اللي حابين يبتدون بهذا الرجيم

قوة يابنيااات ياحليواااات ..

بصراحة حبيت افيد كل الخوات اللي حابين يبتدون برجيم دشتي ( اتكنز ) بتجربتي الشخصية وياه :

عرفت هذا الرجيم من خلال لقاء اكثر من قناة تلفزيونة وجرايد ومجلات تتكلم عن هذا الرجيم واللقاءات اللي كانت تصير مع الدكتور حسين دشتي لحد مارحت مكتبة جرير بحولي وشفت بالصدفة كتاب الدكتور عن هذا الرجيم وطريقة رجيم اتكنز

وفي ايضا موقع الدكتور الشخصي للي يحب يستفسر تقدرون تبحثون عنة بقوقل وتحصلونة …

طبعا بلشت انا واختي بهذا ارجيم الصيف اللي طاف وقتها انا كنت محتاجة انزل 8 كيلو بس اختي كان يبيلها اكثر مني بوايد …

بدينا الرجيم واشتد الحماس بينا طبعا ماكنا نمارس اي رياضة لكن لما شفت اني قاعد اضعف بأماكن واماكن لأ رحت اشتريت الجهاز الرياضي instant absللبطن :

اللي حابة تاخذة تتأكد انه الاصلي وتحصلونة دعايتة بالوسيط او بمحلات فنتك واللي ماتحصلة انصحها بجهاز ( اب شيبر او اب كنج )) يعطي نفس المفعول …

وظليت شهرين استخدم هذا الرجيم والجهاز…

بصراحة ماكنت حيل التزم فية يعني كنت اخبص في بعض المرات تعرفون عطلة تكثر فيها الزيارات والطلعات يعني شوية حلويات على شبس على كيك على باسكن روبنز اللي لا يقاااااوم في فترة الصيف بس ها موااايد اخبص يعني كنت احاول ما اكثر واذا في شي بخاطري كنت فقط اذوقة عشان ما احس بالحرمان .. طبعا كنت مع اختي في حالة منافسة شديدة وهذا اللي شجعني على الاستمرار وانتصرت في النهاية عليها …

لاني استمريت واهي وقفت لكنها ناوية تردلة بعد ماشافت النتيجة الحلوة الظاهرة علي .

فلما بدت الدوامات الكل لاحظ اني ضعفت وكروشتي الغالية دشت داخل وصارت مشدودة وصغيرونة وصرت خفيفة مثل الريشة ونزلت اكثر من الوزن اللي كنت حاطتة لنفسي 10 كيلو ..

ملاحظاتي على رجيم دشتي

اني ما كنت ادوخ ابدا ولا اتعب نفس الرجيمات الثانية اللي تعتمد على السعرات الحراية .. لكن كنت اعطش يمكن من اكل اللحوم والشي الثاني واللي اعتبرة سلبية اهوا يسبب تساقط الشعر وانا وقتها ما كنت استعمل فيتامينات ولا كنت اعرفها . فعانيت من شعري و التساقط .. بس مو بدرجة كبيرة..

فاللي ناوية تبلش بهذا الرجيم انصحها تستعمل حبوب بيرفكتيل او هيلث هير للشعر وتكثر من شرب الماي وتحاول تمشي نص ساعة مرة في اليوم .

على فكرة اللي يقولون ان الوزن يرد اكثر من اول اقوله: جذب جذب جذب !!

لاني صحيح زاد وزني بعد ماوقفت بس مو اكثر من اول واصلا هذا بسب اني حيل خبصت بالاكل واعتمدت على الوجبات السريعة اللي اسميها هداااام الجسم والصحة …

انا ناوية ارجع للبرنامج قريب بس على ما اشوفلي نادي حليو ونظيف يظمني وينعنشني …

تحياتي للجميع واتمنى لكم الصحة والعافية

مشكورة يالغالية على الافادة والله انا اخاف اسوي رياضة والسبب ان الكل يقول راح ترجعين دبل ….

لا معليج سوي وحطي بطنج بطيخة صيفي

بيدج تحافظين على جسمج وبيدج تخربينة مافي شي اسمة ( الجسم يرد دبل مني والطريج )) ما يرد الا من الاهمال ومن اللط والزلط ..

انا سويت الرجيم وما زدت الا جم كيلو بس مو دبل عااااد !!

تطمني حبيبتي وسوي رجيم وشوية رياضة وانتي تصيرين شمعة مخصرة

تحياتي لج ومشكورة على المرور

يهبل دشتي نزلني 13 كيلو
وكنت شبعانه بس ما ادري ليش مو قادره ارد عليه

يعطيج العافيه

ظلال القرآن

بنت شربت

مشكورين حبيباتي على المرور

انا صارلي يوم مبلشه الرجيم … يالله خلينا نشجع بعض
الصراحه الرجيم روعه و وااااااااايد ضعفت عليه و لما رديت أخربط ما زاد وزني وايد و اللي ما تقدر تسوي رياضه هم ينزل و زنها و يشبع و انا اعطي نفسي يوم فري بوجبه وحده بس يعني مثلا يوم الخميس وجبة العشا فري >>فهمتو قصدي و الحمد الله ما كنت حارمه نفسي و ضعفت

الف مبرووووووووووك ياعسل
بس بسالج المده اشكثر؟؟

انا سويته الصيف اللي طاف

الرجيم خطييييييييير بس يبيله صبر وحمااااااس وانا مشيت عليه 3 شهووور

يعني سويت منه 3 مراحل
بس بالبدايه كنت اكل تمر بكثثثره ومانزلت بسرعه ولما التزمت مضبوووووط نزل وزني بشكل فظييييييع والناس كلها انبهههههرت

انا كنت مسويته مع خواتي الثنتين وكنا نحمس بعض واذا وحده جت بتخربط تزفها الثانيه

اللي بتسوييييه لازم تاخذ معاه فيتامينات ضروووووري لانه اكلك للخضار ما يعوضك

وبالنسبه لوزني بعد ما فكيت الرجيم والله العظييييم ما زاد ولا كيييلو

الا يوم حملت من كم شهر مع اني كنت اكل عيييييييش واكل وجبات واكل حلويات بس وزني ماتغير ونااااااااسه

وان شاء الله اذا ولدت على خير برجع اسويه

ألف ألف مبرووووك
والفال لي إن شاء الله
ودي اسويه بس ماقدر استغني عن جاي الحليب
قولوا لي شاسوي

هبونة : يالله انا وياج وراح ابدي من يوم السبت 23/ 6 صج خوش رجيم واللي تحب تبدي معانه حياها الله .

عندي لج حل
أول اسبوع شربي جاي حليب كل يوم و ترك و الاسبوع اللي بعده كل 3 ايام شربي جاي حليب بعدين خلي كل اربعا و تمي شربيه كل اربعا جذي تخففينه و ما تحرمين نفسج

البرنامج الاساسي مدة ثلاث شهور

بس انا طبقتة شهرين بس لان الدومات بلشت فهديتة بس كان روعة

روز : صح كلامج مهم حيل تلتزمين بالبرنامج عشان مايخرب تعبج وبعد فترة معينة يصير عادي تخربطين على خفيف .. والفتامينات مهمة حيل للي يبي يطبق هالرجيم .. مو تسون نفسي اهملت الفتامينات وشعري تضرر يعني نصلح شي ونخرب شي …

انشالله تولدين بالسلامة وتنظمين لنا.

الغنادير : انا كنت اشرب شاي حليب عادي بس استخدم سكر فواكة
بس ما اكثر يعني مرة في اليوم على الريوق بس
وذا كلش كلش بالزوارات لازم نجامل فاشرب جاي عادي بس اكون حاطة معاي بالجنطة جيس صغيرسكر فواكة احط بالاستكانة ..
وممكن تسوين طريقة (هبونة ) حلوة وايد ..