تجربتي مع جلسة الاسترخاء .والنتيجه كانت ولاشي

شلونكم شخباركم ان شاءالله تكونون بصحه وعافيه

اليوم حبيت انقل لكم تجربتي مع جلسه الاسترخاء

عند الاستاذ المبدع محمد عبدالله معتوق

طبعا لجأت ليه هالجلسه لعده اسباب واهمها

1- الضغوطات اللي نتعرض لها يوميا واللي الكل عارفها وحافظها البيت اليهال الدوام والزوج والمصيبه الرابعه

اذا كان عندج عاملة منزل غبيه نفس حالتي

2- زيادة الثقه بالنفس وازالة التوتر والعصبيه

3- عصبيتي الزايده عن اللزوم

4- والاهم من هذا اني بعرف شنو انجازاتي لنفسي وهذا لاهم

طبعا الجلسه لها طقوس خاصه وحيل استمتعت فيهااا

بس اكتشف اني لم انجز ولا شي لنفسي من تزوجت

وهالشي اللي خلاني ابجي

من ضمن طقوس الجلسه انج تتذكرين شنو سويتي وبالفعل

يمر شريط حياتج مثل الفلم واكتشفت ان كل شي سويته كان

لبيتي و زوجي وعيالي وانا ………..صفر

تذكرت اني من تزوجت تركت كل الاشياء اللي كنت احبها

-القراءه
– زياراتي لدورات تطوير الذات قلت بنسبة 95% لان ماكو وقت
بسبب المشاغل

– دراستي وقفتهاا ( دراستي الجامعيه) وقفت قيدي من الجامعه حاليا واشتغل على الدبلوم

– نسيت روحي صحتي واهتمامي بنفسي قل كله ماكو وقت
مافي مجال تسوين شي 24 ساعه اركض ورى البيت واليهال

قمت احط همي باليهال وبالذات البنات البسهم واكشخهم جني اكشخ روحي

بس انا ويني من كل هذاااااااااا ولا شي

طلعت من عنده وانا مقرره ارجع مذهله نفس قبل

قررت ارجع كل شي تركته , قررت ارد الحياه لنفسي بدال

ما اني دافنه روحي بين اربع جدران اللي اهم عيالي وزوجي وبيتي ووظيفتي

طلعت من هالجلسه وانا راسمه مستقبل لي انا

طلعت وانا مقرره اتغير 360 درجه

الحمدلله انا عيالي كبار اصغرهم 6 سنين

واكبرهم 14 سنه يعني عطيتهم حقهم والحين يه دوري عشان

اعطي نفسي حقهاااااااا

من طلعت من الجلسه قعدت افكر وافكر شلون ابدي

اول شي قررت اروح مكتبة جرير واشتري الكتب اللي احب اقراها

1- بعدين رحت سويت تحاليل شامله واكتشفت ان فيني التهاب بالمعده وحصوات بالمراره وكل هذا مو حاسه فيه

2- رحت مستشفى زين لان بالليل ما اقدر اتنفس بسبب انحراف بالحاجز الانفي وكل مره اقول كنت ااجل الموضوع بسبب اليهال والمدارس

3- اشتركت بنادي تعليم رقص شرقي عشان ارد لياقتي

4- اشتركت بمعهد الدراسات العليا بتعلم فنون المكياج والتجميل

قسمت وقتي بيني وبين عيالي

فبنات ومتزوجات وامهات نصييييييييحه لا تحرمون روحكم من الاشياء اللي تحبونهاااااااااا

سوو شي لنفسكم انجزوا شي لروحكم لا تدفنون روحكم مثل ما سويت بروحي

الحين الحمدلله حييييييل مرتاحه ونفسيتي اوكي نسيت العصبيه صارت نفسيتي حلوه مع الكل

قمت اتقبل اي مشكله برحابه صدر وادور لها حل بهدوء

والاهم من هذا راح تنسون كل مشاكل الزوج وماراح تفكرون

لا بخيانه الزوج ولا راح تشكين فيه ولا راح تلاحقينه

وتنبشين وراه ولا راح يكون عندج وقت تفكرين بسوالف

وحركات حمواتج وخالتج وحريم حموانج ومرت اخوج

لانج راح تكونين مشغوله بنفسج وشلون تسعدينهااا

بنات لا تهمشون روحكم بايدكم عطوا نفسكم حقهااا

واللي ما تقدر تروح وتستمتع بهالنوع من الجلسات

تقدرون تسمعونهااااا باليوتيوب بس تكتبون اسم الاستاذ

راح تطلع لكم كل محاضراته

يعني كل شي متوفر وبسهوله

وعالم النت ماخلا شي بس يبيلكم اراده قويه نحو التغيير