تجربتي مع الولاده دخلوا استفيدوا

1- الالتهاب كنت مستهينه فيه وماعالجتها علىبونه شي عادي بالحمل وماكنت اشرب ماي

منو تأثر بهالشي:انا وولدي! انا الكلى عندي اتعبت موووووووووت بالنفاس وولدي حبيبي صار فيه الصدر كله بلغم وحساسيه والله لو تشوفونه بالنفاس يصعب عالكافر حسه متقطع وةمايقدر يبجي حسيته راح يموت تعب حيل حل حتى وزنه نزل حيييل

رحت للدكتور اللي ماراح اطلع من يزاه اسمه مدحت سالم مكانه بالربيعه الطبي والله يابنات انه البلغم اختفى وولدي رد ويه ووزنه وماشالله راح البلغم والصوت اللي بصدره عاد اهوا اللي قاللي هذي الجرثومه من الالتهاب اللي فيج وسالني اذا عيونه فيها شي قلتله لا ..لان الالتهاب يقولون يعمي عيون الياهل

2- ثاني شغله ماكنت ادهن بطني وشوفه صار يلوع الجبد عقب ماكنت اطلعه بكل ثقه الحين متفشله من الخطوط وقاعده استخدم كريم من بوتس ان شالله اييب نتيجه تقول ب21 راح تتعدل الخطوط البيضا وتخف حيل والحمرا تختفي فديروا بالكم ودهنوا ودهنوا دهنوا كريشاتكم

3-التزموا بالكالسيوم والله يابنات انه يالي عوار اسنان بسبته قمت ابجي جني انتصار الشراح
والحين اسناني خرابه وقاعده اعابل فيهم فلاتستانسين اول الاشهر وماتاكلينهم لا اكليهم لان من الخامس راح تبتدي العوارات حق اللي ماتاكلهم

4-حمض الفوليك لاتنسونه انا ماكنت اكله بس داومت على البقره والادعيه

5-بالمستشفى يبوا ملابس كافيه سواء داخليه او خارجيه انا من زود الذكاء بس يبت قميص نفاس واحد وتبهذلت وزين في محلات يم الشفا راحت اختي وشرتلي

5- بعدوا عن الهوا والله تعبني بغيت اموت سوتلي اختي زعتر بروحه وطلع الهوا وارتحت وقدرت انام

6-لاتخافون من الخياط بالاول راح يكون المكان مورم شوي عادي ترا سهالات وحطوا بالكوتكسه منقوع مره او خواجوا
واستخدموا غسول abc ونضفوا المكان عدل عادي لاتخافون اهم الشي نضافه المكان لان راح يلتهب

7-بيبيج اذا تعب لاتودينه دار الشفا خواره وديه لدكتور اطفال متخصص وياليت يكون مجرب من ناس تعرفونهم

8-ديري بالج تقعدين خليج اول سبوع كله منسدحه لان موزين على رحمج انا كنت كله قاعده وهم ماربطت بطني وهذي اكبر غلطه

المميزات:

1-اختارو الطبيب اللي تثقون فيه
انا الله وفقني بدكتورتي ومارحتلها الا عقب بحوث طويله ونزلت مواضيع وايده اسال البنات اخر شي استقريت عليها عقب مارحت لاطبا دار الشفا اللي اكتشفت انهم موشي

2-المستشفى:انا ولدت بدار الشفا فعلا ممتاز السسترات 100%

3-النفاس:لاتكثرون من الادويه خلوا اكلكم منتضم بعدوا عن العيش والفلفل الاسود وايد زين عن تجربه

واللي فيها الالتهاب خل توخر عن العنزروت لانه بغى اييب اجل كليتي

اللي باخر نفاسها وصار فيها خوا خل اتييب المدلكه الصينيه اللي تشب النار فوق بطنج والله على ايدها طلع كل الهوا

4-باخر النفاس اخذي دش مهبلي بس مره وحده وتحميلات راح تنضفين
5-كلما مايالكم ضيوف شمي المره وشربي منقوعها شوي او الخوا جوا بس شميه وحطيه على خشم وليدج لان العطر راح ياذيه ويتعب صدره وانتي الجرح راح يشم عليج