|
|
بعد ما حطيت استفسار بالمنتدى بموضوعي السابق عن ابر الفيلر وخطوط الحزن
https://www.q8yat.net/showthread.php?…8#post15181578
ومحد عطاني الردود الي ابيها لكن شسوي مو شي يديد بالمنتدى
والحمد الله بعد البحث والدوران
رحتعند الدكتور محمد فتحي بالمواساة وسويتهم
بعد ما شفت الكل يمدحه وبعد ما قريت موضوع الاخت لولي عن الفراكسلو وقالت انه خش دكتورو يخاف ربه
سويتهم يوم السبت
فتح الملف 17 ورحت 9 الصبح ماكان في احد دخلوني على الطول
وسالني شنو مضايقج وقلته عن الحاله وقالي لا تحاتين قالي راح اغز لج ابر نسيت شنو اسم التركيبه بس قلته فيلر قال اي وقالي احتاج ابرتين ب 120 دينار قلته اوكي
سالته شكثر مدتهم قالي سنة وبعد السنة تردين طبيعي لكن الخطوط ما راح تطلع مثل الحين بيرد ويهج اجسن واذا حسيتي احتجتي تيين تسوين بعد سنة وما يغير ملامح ويهج بس يعبي وقالي لا ختافي نكل شي اوكي
خذتني السستر بغرفة ثاينة وحطت لي مخدر ايملا لمده ربع ساعه وقامت اتطمني تقولي وايد يوون عند الدكتور واهو شغله زين لا تحاتين وكل شي يمر بسرعه
بعدها رحت عند الدكتور وجيك اذا التخدير اوكي او لا
الابره تقريبا حجم ابرة السكري وغزني من صوب الخشم انا جسيت بدخلة الابرة وانه شي ايدش داخل لكن ما يحرف كنت مصكره عيني
بعد ما خلصه قلت دكتور احس بدوخه
مسكين نومني ورفع ريلي فوق عشان الدم يصعد للراس وقالي لا تخافي نقلت انا اول مره اسوي جذي وو اغزابر بويهي وقام المسكين يطمن قالي ريحي واخذي وقتج ومتى ما حسيتي انج اوكي قوليلي
وصج خفت الدوخه وانجرحت قلت له اسفة دكتور خل انكمل
وكمل بالخد الثاني ولما خلص خلاني انام وحط مثل كريم بويهي وقام يفرك مكان الابره
وقالي جيكي على ويهج والا اشوف الخط صج تعبا لكن مكانه في مثل بقع خفيفه قالي هذه تروح لانه الخط من زمان عندج
وقالي لا تفركين ويهج حيل لا تضحكين وايد خل عادي عشان تتوزع الماده عدل وبعد اسبوع اشوفج واذا حسيتي انه مو عدل او تبين بغزج وحده ثانية بس مع السعر الي دفعتيه يعني الدكتور مو مادي الي قولي هات هات
والحين صارلي 3 ايام والنتيجة مرضية جدا جدا
ويهي احسه صاير حلو واحس طلع لي خدود خفيفة مو اوفر مع انه بس غز الخط ووايد فرق ويهي كنت اشوف ويهي وايد مبرطم وحزين وحني ببجي لكن خفت هالتعابير
وهذه تجربتي
وجم كلفج هالشغل ؟؟؟
وتنصحين نروح عنده حق التجاعيد التعبيرية مالت العيون ؟؟؟
والابرة الوحده 120 وانا خذيت ابرتين يعني 240
شوفي اهو دكتور تجميل وجلدية ةاتوقع يعرف في هالامور
انتي دقي على المواساة وسالي عنده هالابرة للعيون انا قبها سالت الاخت لولي اذا عنده ابر النفخ واهي مره كتبت مموضوع استفسار عن هالشغلة و من كلامها تشجعت ورحت
وترى ماكو مواعيد لازم بالدور واحسن وقت الصبح
ارجو انه ساعدتج
والماده اللي احقنج فيها سويسريه وافضل شي
بس ها لازم بعد اسبوع ترجعين له علشان اذا البشره تشربت الماده يحقن لج مره ثانيه وبدون فلوس
ويالله انتم السابقون ونحن اللاحقون
رحت بعد اسبوع حق الدكتور عشان يشوف النتايج وقلت الي مضايقني
انا حسيت انه من صوب الخشم طلع مشدود وبارز لكل لما انزل صوب الحلج احس للحين فيه خط خفيف مو عميق مثل اول ولكن موجود
وقالي تحتاجين ابره ثانية بس ما حاسبني عليها لانه من بقايا الابره السابقه وهالمره رحت وخوفي كان اقل بوايدمن اول يمكن عشان تعودت
وماحسيت بعوار وايد شي بسيط
المهم ما تبقع ويهي بس طلع دم خفيف مكان الابر وقلت له دتكور هل احتمال يفش او شي جذي
قالي ترى الي انتي سويتيه تجميلي مو تكميلي مو تتوقعين نه اميه بالميه بتصلح ؟؟ استغرربت عيل انا يايه حق شنو
بس قالي حاولي لا تضحكين وابد او تسوين حركات بويهج وايد عشان ما يخترب و4 ايام تشوفين النتيجه
بصراحه انا نسبة التحسن بالنيبة الي كانت بين 50 الين 60 بالميه وبالنسبه لي كافي
ما تغير بويهي شي بس تحسن يعني اهو ما يطلع خدود ويتفخ حيل بس يعبي
وقالي مدته اكثر شي سنه
الماده الحين توزعت بويهي ومن ناحية اذا احد لاحظ فرق امي تقول تحسن مكان الخط بس ما غير ويهي وايد بس حماتي امس تقولي في شي متغير بويهي بس مو عارفه شنو بالضبط
من ناحية اذا انصح اذا احد يسويه او لا اذا اكن الي عندج واضح او عميق روحي لكن اتوقع دكتور تجميل افضل تروحين له لانه تخصصه
وشكرا خواتي
حبوبة انصحج تاكلين حبوب كولاجين قبل النوم تشد البشرة
بس يبيلها وقت عبال ما تتطلع النتيجة
^
^
ا حبوب يا عمري يا ريت الصورة او الاسم
انا كاتبة عنها هني
وهالخطوط صج تلوع الجبد تخلي الويه حزين
بس انا اموت من الرعب من الابر
الحمدلله على سلامتج
انا قرييت انج دختي ورفع ريووولج
حسييت ان رااسي يدوووور!!
ماقصرتي على الموضووع وعرض تجربتج اتوقع بتفيدين واايد بناات ان شاءالله
