|
|
على عضوات منتدى كويتيات
حبيت أطرح تجربتي مع
الدكتور علي صفر
استشاري أنف وأذن وحنجرة وتجميل الوجه
بخصوص:
1-عملية انحراف الحاجز الأنفي
2-ابر البوتكس والفيلر والنضارة
3-عملية تجميل الأنف
(1)
في البداية كنت أعاني من انحرافالحاجز الأنفي وسبب لي ضيق في النفس، فسألت عن دكتور زين وشاطر وامدحولي وااايد الدكتور علي صفر، وبالفعل طلع خوووش دكتور، وكان هالكلام في شهر سبتمبر 2024، اتصلت على العيادة وأخذت موعد وكان موعدي في ثاني يوم من اتصالي، طبعا فتح الملف عنده بـ 15 دينار والاستشارة بـ 15 وبعدين كل مراجعة بـ 15
دخلت على الدكتور وشرحت له المشكلة إلي كنت أعاني منها وهي صعوبة التنفس فقال لي معاج انحرف شديد في الحاجز الأنفي وقررت على طول إني أسوي العملية وقال لي إنها تكلف 750 دينار بدون المستشفى
سويت العملية في م. السيف لأن الدكتور قال إن يسوي عملياته في 3 مستشفيات (السيف والهادي والمواساة)
كانت مدة العملية ساعة تقريبا تحت تأثير البنج العام، ونمت في المستشفى ليلة وحده،وما كان في أي ألم يذكر عدا التنفس
لأن الأنف كان مسكر وما كنت أقدر أتنفس منه أبدا
وفي ثاني يوم ياني الدكتور المستشفى وشال الفتايل
وطلب مني مراجعة العيادة بعد أسبوع عشان يشيل البلاستيكات إلي كانت مثبته على الحاجز الأنفي
وطبعا خلال مدة الأسبوع ما كنت أتفس من خشمي أبدا
والنفس كان من الحلج
وبعد الأسبوع راجعت العيادة وشال البلاستيكات ونظف خشمي من داخل
وصار النفس عندي تمام التمام
(2)
بعد ما خلصت من هذي العملية قررت آخذ ابر البوتكس والفيلر والنضارة حق ويهي
فاستشرت الدكتور/ علي بهذا الموضوع وحدد لي الأماكن المحتاجة
وتوكلت على الله وخذيتها وكانت النتيجة روووعة 100%
(3)
وبعد ما سويت هالأشياء هذي كلها حسيت إن خشمي محتاج تجميل لأن فيه (نطه من فوق) وعريض شوي
وما كنت حاطه عملية التجميل في بالي لما قررت أسوي عملية الانحراف، فقررت إني أسويتها وتوكلت على الله وراجعت الدكتور وشرح لي بالتفصيل شنو راح يسوي وقال إن تكلفة العملية 1500 دينار بدون المستشفى ووراح تكون تحت تأثير البنج العام.
في البداية صورني 6 صور (طبعا أهوا بنفسه يصور في العيادة) وسعر الست صور 30 دينار ينحطون بالملف وبعد العملية قال إن راح يصورني بعد، بس لي لحين من صورت لأن توني مسوية العملية
بشهر مارس 2024 دخلت المستشفى (م. السيف) وسويت العملية وكانت مدتها ساعتين تقريبا (شال النطه من خشمي وضعّف خشمي من الجوانب) وحط لي الجبيرة لمدة أسبوع وكان في غرز برة تقريبا كانوا 14 غرزة (7 غرز في كل جانب) وكان خشمي فيه فتايل من داخل شالهم لي ثاني يوم قبل لا أطلع من المستشفى
وخلال هالأسبوع كنت أعاني من صعوبة في التنفس فكنت أتنفس من حلجي
وبعد أسبوع رحت العيادة وشال الجبيرة والغرز وطبعا الغرز ما تركت أي أثر أبدا ونظف لي خشمي من داخل وحط لي اللزقة وقال راح يشيلها بعد أسبوع
وبعد هالأسبوع شال اللزقة فكانت النتيجة خياااال
خشمي شكلة طبيعي جدا وإلي يشوفه ما يلاحظ إني مسوية عملية تجميل أبدا
ومستانسه حييييل من النتيجة الحمد لله
لأن شغل الدكتور وايد نظيف
تسلم الأيادي د. علي صفر
يعطيك العافية وما قصرت
وإلي عندها أي استفسار آنا حاضرة
وهذا عنوان العيادة ورقمها
الجابرية – الدائري الرابع – برج مزايا (كلوفر سنتر) – دور 13
ت: 22269322
موبايل: 97771090
لاني ما انصح بهالدكتور
سوري يعني بس هذي وجهة نظري بعد التجربة
بس معقوله سوالج العملية ب 750 دينار ؟؟
و انا ماخذ مني 2000 !!!!!
عن ابوو النصب بس
عشان چذي أخذ منچ ٢٠٠٠
بس اشكثر صارلج من سويتي خشمج ؟؟
ولا انتم اشرايكم بنات ؟؟؟؟؟
وتقولون عن تجربتها دعايه
ابچذي عيل محد يشارك
ويكتب عن تجاربه
لان دعايه على قولتكم
قبل وبعد التجميل
قبل وبعد التجميل
ممكن صورة من جدام ؟؟
لان توني مسوية العملية صار ل شهر ونص بس
ان شالله لما يتحسن اصور وانزلها بإذن الله
وصح كلامج نحت العظمة وضعف لي الأرنبة
وحتى من الجوانب لامّه لي
هذي تجربتي وحبيت
اكتب كل شي بالتفصيل
يسلموووو
حسبي الله على هالدكتور عسى الله لا يبارك فيه ولا في عياله وانشالله حوبتي وحوبه غيري يشوفها بأعز ناسه،،لحد لحد لحد يفكر يسوي عنده عمليه حق خشمه واقسم بالله إنه من أفشل ما رأت عينه وبياع حجي ولا يعرف بالتجميل شعره،خشمي كان شزينه مجرور مجرد الفتحات كانت كبيره ويصغرها،،لعب فيه لعب وقصقص الغضاريف وقصر خشمي حيل مع انه مجرور شحلاته،،أشوف فيك يوم أسود سواد الليل والله لا يسامحك لا دنيا ولا آخره وكل فلس حرام فيك ومو محلل چانك يا دكتور تقرا كلامي،،والله لا يسامح سكرتيرتك مشاعل لأن ساعدتك بخداع الناس واللع ما أحللهالأني كنت خايفه قبل العمليه ومتردده جان تقولي توكلي على الله شغله يهبل وانا شايفه عمليات شوف عيني بالعياده الكل مستانس من النتيجه ،،، شلون ترضى تحلل شي حرام ماخذه بخداع الناس انت تدخل الفلوس على بيتك وعيالك،،والله إن المشكله مو بالفلوس طبعا ألف مرض بس إللي إخترب شلون يتصلح وأهو مو مخلي مجال حتى إن دكتور ثاني يقدر يصلحه ما بقى فيه شي الخشم،،عسى الله لا يبيحك ولا يحللك وتلقاها بدنياك قبل آخرتك قولوا آمين
وفي شغله بعد نسيت أقولها الحين بيصيرلي اربع سنين من سويت العمليه والله العظيم إن خيط العمليه بخشمي ويبين فالت يعني لما بيي اطلع من البيت لازم أجيك على فتحه الخشم اذا الخيط مان مبين احاول ادزه داخل،،مأسااااااة مأساااااااة جد آنا حزينه على حالتي ألحين لو يردني الزمن ما أجيسه وأرضى باللي عطاني ربي والحمدلله على كل حال يمكن بعد هذي تجربه تخليني ما افكر ألعب بخلقه ربي ،أرضوا باللي عندكم ولا تسلمون نفسكم بيد أي جزار هذي نصيحه والله يعافي الجميع،،أدعولي دعوه من قلوبكم ألقى لي دكتور يعدل لو شي بسيط من حاله خشمي المأساويه
كتبت تعليق بخصوص الدكتور علي صفر وللأسف ما انشر واختفى كأن لم يكن،،حوبه الناس اللي ما تعرف حقيقه هالدكتور بتكون برقبه كل من يحاول يغطي عليه وما يظهر الواقع الحقيقي له،أحلفكم بالله لحد يسوي عنده عمليه تجميل أنف تجميل لا غيره كيفكم.والله خشمي جداً شكله سئ لدرجه آنا ماني متقبله أشوف ويهي شحال الناس إللي تشوفني،،حسبي الله ونعم الوكيل له يوم هالدكتور بيشوف سوء عمله،ومو كل شي بالدنيا فلوس ،هذي دنيا دِنيه وما تسوى إن الانسان يشيل ذنوب هالعالم وتنهال عليه دعاوي هالناس إللي ضرهم إن ما صابته هالدعاوي صابت عياله وحوبه هالناس ما راح تتعداهم،وآنا من كثر ما ادعي عليه أكثر من أوقات صلاتي في اليوم الواحد وما أنام الليل إلا ادعي عليه وانشالله الله مو مقصر بيعطيه ما يستحقه،،وعلى فكره كل من يمدحه والله إن ماقال الحق وعليه من الله إللي يستحقه والله فوق الجميع
حبيبتي اللي كاتبه ادعي ليل نهار
محد بيحس بمعاناتج كثري نفس التجربه الماساه عنده شوه الشكل والوظيفه ليل ونهار مختنقه حاولت وصلحت بعمليه ثانيه بس شغله مايرقعه شي
مااقول الا حسبي الله عليك واشوفك فيك يوم بالدنيا قبل الاخره