تجربتي لعملية تكميم المعدة عند احمد الشرهان تاريخ 72024

من ايام الصيف اللي طاف وانا كنت افكر اني اسوي هل عمليه وبصراحه كنت متردده وايد وما كان فيه تشجيع خصوصا وزني ما كان وايد ..! فالكل كان يقولي لا تسوينها حرام انتي بس يبيلج رجيم وشويه رياضه وحتى بالمنتدى اهني كان عندي
مشاركات عن العمليه واغلب البنات ما انصحوني ..!
وفعلا وزني كان بحدود 83 وطولي 166 الوزن مو وايد بالنسبه للطول وكتلتي 30 !! يعني مو وايد متينه بس شكلي والله عملاقه يعني لي درجه كانوا يسموني كبت وثلاجه ام 7 اقدام وصندوق مبيت ولمن كنت اطلع مع ارفيجاتي امبيه كنت جني امهم !! وبسبب جسمي وانا للحين صغيره وعمري 21 سنه فتعبت نفسيا ماكو دكتور تغئيه ما رحت له بدر نصر الله وعبدالله مطوع وليلى الصليلي ودشتي وطالب الشمري وغير التخفيف والنواادي اللي دشيتها مااااكو
فااايده المشكله مو بالدكااتره لأ المشكله فيني انااا اناا وحده ما عندي اراده كلش !!! للأسف يعني عند نصر الله نزلت 14 كيلو وجسمي صار حلو ومرتب لمده 6 اشهر طقت جبدي وهديت رجيمه وزدتهم كلهم ودبلات بس مده شهرين !! فتعبت خلاص ..

(( قررت اني اسوي العملييييه ))
ومن بعد هل معاناااه واخيرااااااااااااا فكرت واقنعت اهلي بعمليه التكميم طبعا من بعد تجارب بنات اعرفهم ومن جم وحده من اهلي فقررنا انه انسويها انا واخوي رحنا عند دكتور عبيد الحربي بمستشفى الفروانيه المهم خذينا موعد اهناك من طرف بنت خالتي لانها كانت توها مسويته عنده واهيا تشتغل اهناك بنفس المستشفى والفروانيه مافي زحمه مثل الاميري .. المهم رحنا عند الدكتور انا واخوي شافنا ووزنا قالي انتي لأ ما اسويلج اياها لانه كتله جسمج 30 !! وسوي رجيم ورياضه انا اهني تحبطت حدي ودمعتي بعيني واخوي رضا قاله اوك .. قالي انا انتي يمكن انسويلج حلقه أو بالون وانشوف بعدين افكر قلت له اوك عطانا تحاليل انسويها انا واخوي تكرمون تحليل بول وتحليل دم شامل ومنظار حق المعده و سونار سوينا كل تحاليلنا طبعا هل فتره كانت كلها لمده شهر شهر واحد اللي طاف وطبعا انا هل شهر زدت 6 كيلوااات ههههههه يوميا بلعه ومطاعم المهم رحنا عند الدكتور وشاف تحاليلنا وقال كل شيء اووك وتمام ولمن شاف وزني وصل بحدود 89 و 90 اهني قال خلاص توكلي ع الله ورضا وعطانا موعد العمليه !! احنا اهني انصدمنا توقعنا انا اواخوي اسبوع اللي ياي ولا يقولنا شهر 4 @@ احنا اهني طقتنا البوهه وقلت انا ما اقدر استحمل !! لانه ويهي بعد انترس حبوب من الاكل فقررنا بنفس اليوم انه انروح خااص عند دكتور احمد الشرهان بمستشفى السلام رحنا له بنفس اليوم وشافنا وشاف تحاليلنا وقال كل شيء اوك وقال راح نستأصل من معدتكم 80 % ويشيلون هرمون اليوع وقال يالله بعد 3 ايام عمليتكم انتوا الاثنين انا واخوي وكانت العمليه بتاريخ 7-2-2011 يوم الاثنين اللي طاف وكنت حدي خاايفه بنفس الوقت بس الحمدالله الله يسر الامور وسويتها معنى تعبت حيل حيل من البنج وترجيع وعوار معده وكنت تكرمون ارجع دم ومن خشمي يطلع دم واخوي تعب حيل ويقول الدكتور كانت عمليته صعبه وحطوله بربيش انا ما حطولي ولكن الحمدالله نمنا 3 ايام اهناك بالمستشفى والحمدالله ع كل حال احنا الحين بالبيت وبلشنا نمشي والحمدالله يارب سهالات بس اشوي تعب من ناحيه الاكل 24 ساعه حاطه قناه فتافتيت ههههههه لان نظام الاكل عندي كله تغير بس نشرب عصير تقاح وماي اللي يسلقون فيه الدياي والخضرا والماي العادي بس لمده 10 ايام ويوم الاربعا اللي ياي عندي موعد عند الدكتور وراح يزيد الاكل راح يعطينا روب ولبنه وجيلي وشوربات خاثره ولبن ومهلبيه ومن هل سوالف يعني .. نااطره يوم الاربعاااا ع ناااااااار
هههههه بس الحمدالله اناا مستااانسه ومرتاحه لاني سويتهاااا وشوي عوار معده والجروح عباره عن 5 فتحات صغيره بالبطن وما شاء الله وزنت وانصدمت !! لمن شفت الميزان انه بدا وزني ينزل بسرعه ولله الحمد ….