تجربتي في تجميل الأنف

السلام عليكم بنوتاااات
أنا أختكم من مصر و مسجلة في المنتدى من 2024 و متابعة كل مواضيعه و خاصة مواضيع تجميل الأنف لأن انفي مسببلي عقدة نفسية .. و من سن 18 سنة و أنا بطلب من بابا إني أعمل عملية و مكنش موافق أبدا أبدا و أخيرا وافق و حددت موعد عمليتي يوم السبت 20 أكتوبر عن الدكتور فتحي خضير .. أنا فتحت الموضوع دا لأني استفدت من تجاربكم و حابة أفيدكم بتجربتي إن شاء الله .. أول ما أقوم بالسلامة من العملية أوعدكم هكتبلكم كل حاجة بالتفاصيل المملة و ملحقة بالصور كمان .. ادعولي ربنا يسهلها عليا لأني مرعوووووبة من التخدير و من النتيجة و من كل حاجة .. ادعوولي يا بنات كتيييييييييير

أنا مشكلة أنفي : عندي عظمة بارزة و الأرنبة ملهاش شكل محدد يعني تشبه الكورة و أنفي كبير شوية على وجهي لأن ملامحي الباقية صغيرة و نعومة
اخترت الدكتور فتحي خضير لأنه يعتبر احسن دكتور تجميل في مصر و لأني مقدرش أسافر برة خالص

دعواتكم يا بناااات بلييز

الله ويااااج ياقلبى ان شالله تطمنينى عنج ضرورى
دكتور فتحى خضير شاطر تعاملت معاه امى من قبل

ربي يسهل عليج وتقومين بالسلامه
وننتظر منج التفاصيل

بنوتات معلش اتأخرت عليكم .. الحمد لله قمت بالسلامة .. بس عمليتي امبارح اتأخرت كانت المفروض 1 الظهر عملتها 8 باليل بسبب الضغظ على غرفة العمليات .. انا دلوقتي في المستشفى لسة اول ما اروح البيت هقولكم التفاصيل لأني من الموبايل دلوقتي و مش عارفة اكتب كويس اول ما اوصل البيت هكتبلكم التفاصيل

الحمدلله على سلامتك
ويارب العملية تكون كويسة

شكرا بنوتات على الدعوات الجميلة ربنا يجعلها في ميزان حسناتكمانا رجعت البيت بالسلامة الحمد لله
طبعا امبارح عمليتي المفروض 1 الظهر بس اتأجلت للساعة 8 بالليل بسبب الضغط على غرفة العمليات طبعا اتوترت اكتر و خفت اكتر و اكتر … خلال فترة الانتظار دخل لي مساعد الدكتور فتحي سألني اذا كنت باخد ادوية او عندي حساسية من ادوية معينة و بعدها دكتور التخدير اللي بجد بجد اكتر من رائع و اكتر من راقي شخصية جميلة فعلا و شاطر جدا ماشاء الله رغم صغر سنه .. فضل يضحك معايا و يخفف من توتري و يقولي العملية بسيطة و التخدير خفيف و مفيش اي خوف … بعدها جالي الكتور فتحي و هو كمان شخصة في منتهى الذوق و الاحترام .. انا لسة مشفتش نتيجة شغله علشان اقدر احكم على شطارته لكن انا بتكلم عن اسلوبه في التعامل … الكل كان تعامله راقي و حلو معايا الحمدلله حتى السيسترات … انا دايما كنت بفضل السيسترات الفلبينيات عن العرب و المصريين خصوصا اني عشت معظم حياتي في الكويت و مجربة السيسترات الفلبينيات لكن امبارح فعلا السيسترات كانو معايا في منتهى الاخلاق و دايما كانو يخففو عني قبل و بعد العملية … الساعة 8 تقريبا جاتلي السيستر قالتلي انسه هند اجهزي عمليات و طبعا انا كنت هموت من الخوف و جسمي كله بيرجف .. لبست هدوم العمليات و نمت على السرير و جالي دكتور البنج الاكثر من رائع ضحك معايا و ركبلي ابرة الدروب و قاللي هديكي حقنة تخليكي ريلاكس و مش خايفة و لا همك اي حاجة و فعلا سبحان الله بعد ما اداني الابرة حسيت اني مش خايفة خااااالص متوترة بس مش خوف فظيع زي اللي كان عندي و ودوني غرفة قبل غرفة العمليات قعدت حوالي نص ساعة و جالي دكتور فتحي يخفف عني شوية و بعده دكتور التخدير اللي كان في غاية التفهم و عمل حركة جميلة جدا .. هو كان عارف ان دي اول مرة ادخل عملية و اول مرة بنج و طبعا غرفة العمليات تخوف .. جه و معاه ابرةو قالي دي هتهديكي كمان زي اللي خدتيها في اوضتك طبعا انا صدقته و عادي و بعد اقل من دقيقة محستش بالدنيا .. خدرني قبل ما ادخل العمليات علشان محسش بخوف من غرفة العمليات و كمان مقاليش ان دي حقنة البنج علشان مخفش اكتر

يتبععع

طبعا صحيت على وش دكتور التخدير الجميل بيصحيني ههههههه … و فقت و الحمد لله مرجعتش و لا حاجة و ودوني غرفتي و مكنتش حاسة بأي ألم الحمدلله و لا حتى الم في البلاعيم زي كل الناس ما قالو كنت بس حاسة اني عاوزة اناااام و عطشانة السيستر حطتلي في الدروب مسكن و مهدئ نمت شوية و جالي الدكتور فتحي يتطمن عليا و دكتور التخدير معاه برده … و طول الليل اصحى و انام اصحى و النام اكتر حاجة تعباني هي التنفس من الفم غير كدة مفيش اي الم ابداااااا الحمدلله و الصبح جالي مساعد دكتور فتحي شاللي الفتيل بس لسة مناخيري مسدودة كأن عندي برد و لسة بتنفس من فمي قاللي معلش استحملي شوية لانها مليانة دم و بعد ماشال الفتيل روحت البيت مش حاسة بأي الم الحمدلله غير ان جسمي مهدود و متدايقة من اني مش عارفة اتنفس من مناخيري

دا كل الموضوع … ادعولي يا بنات النتيجة تطلع حلوة و مفيهاش اي عيوب و تعجبني و اي استفسار انا في الخدمة و بعد ما اشيل الجبيرة بعد العيد هحطلكم صور قبل و بعد
ادعولي بالنتيجة الحلوة يا بناااات

يارب يطلع الخشم اللي تبينه لوووول وحمدالله على سلامتج

هههههههه الله يسلمك يا قمر

الحمد لله علا سلامتج حبيبتي اجر وعافيه ربي يقومج سالمه
عندي استفسار اذا امكن دام انج من مصر اختي ماتعرفين دكتور مصري شاطر للجلديه يعالج اكزيما بنتي الصغيره هتموتها الاكزيما شاكره لج

الله يسلمك يا قلبي انا اعرف دكتورة شاطرة جدا جدا اسمها هند على اسمي هههه هي اللي عالجتلي حب الشباب بعد ما اتبهدلت منه والله و دلوقتي مبقاش يطلعلي خااااااالص حتى ايام البيريود .. عملتلي جلسات ليزر منعت ظهور حب الشباب و خففت الدهون في وشي .. بس مشكلتها انها مش في القاهرة هي في محافظة تانية بعيدة عن القاهرة اسمها طنطا .. كنت بنزلها كل شهر اخد الجلسة و ارجع تاني لاني من القاهرة … دي عن تجربة بصراحة
بس هسألك عن حد كويس في القاهرة من عنيا الاتنين

الدكتورة هند دي دكتورة جلدية عامة مش لحب الشباب بس … بتعالج البهاق و الاكزيميا و كل الامراض الجلدية بالليزر .. انا بس ذكرتلك تجربتي معاها في معالجة حب الشباب بالليزر

الحمدالله عالسسسلامه

الله يسلمك يا حبيبتي