تجربتي بشفط الدهون بالليزر تعالوااا وشووفوووااا

بسم الله الرحمن الرحيم
قوة بنات منتداي المفضل
بنات انا من زمان ادخل المنتدى واقرى تجارب البنات في كل شي بس ماتشجعت اسويلي حساب بالمنتدى الا لمن قررت اسوي عملية الشفط بالليزر عشان الكل يستفيد

والله ثم والله ثم والله اني راح انقل كل شي بكل امانة وصدق عشان كل البنات يرتاحون
اول شي
انا متزوجة وعندي ولد وبنت عمري 26 سنه جسمي حده سمبتيك قبل الزواج طبعا ، وبعد اليهال ظل جسمي مثل ماهو عليه الا ان طلعتلي شويته كروشه كريهه تحت السرة وعلى الخواصر ، عاد ريلي كان ميت بجسمي قبل اليهال وبعد اليهال كنت اترجاه اسوي ليزر واهوه يقولي لا انتي جذي عاجبتني ، طبعا اهوه خايف علي عشان جذي مايبيني اسويها

قلتله انزين مو لازم عمليه بسوي حقن تذويب الدهون ، قالي مايخالف

رحت حق مستشفى دار الشفاء اللي بحولي وشاف الدكتور كرشي قالي تبين اسويلج عمليه شفط قلتله لا زوجي مايرضى ابي ابر تذويب الشحوم ،، قالي انتي يبيلج 3 جلسات وتصيريلي سمبتيك ، وحقنت اول جلسة 3 ابر في الكرش والخواصر طبعا الابره الوحده لها 5 روس بحيث يتوزع المحلول على 5 اماكن من الشحم ،، المهم كانت الابرة ب30 دينار وقالي تعالي بعد اسبوعين واشربي ماي وايد ،، سويت اللي قالي عليه ورجعت له بعد اسبوعين قلتله دكتور ترى مافيه نتيجة قالي اي لازم 3 جلسات جان اخذ جلسه ثانيه ب3 ابر هم الوحده ب30 دينار ،، ورحت وشربت ماي ورجعت مره ثانيه بعد اسبوعين للجلسه الثالثة وطلعت بس والله يابنات مافي اي نتيجة عشان جذي رحتله وقلتله يادكتور مافي نتيجة قالي اي ما أنا أيلك الشفط احسن من الابر !!
امبيه والله صدمني هالدكتور ،، قلتله انزين على جم بتسويلي شفط قالي 1300 قلتله الشفط بالليزر ولا شنو قالي لا احنا مانستخدم الليزر الشفط اللي عندنا الشفط العادي ،، وبعدها طلعت ومارتحت له
بعدها قررت اروح حق الدكتور سامح صادق في عياددته ،، رحت للعيادة انا وبنت خالتي عاد بنت خالتي اهيه متدينه وماكانت تبيني اروح بس شافتني معزمه قالتي ريلي على ريلج ماراح اخليج تروحين بروحج ،، لما دخلنا العيادة الدكتور سامح شاف بنت خالتي متغطيه وجذي جان يتكلم بالدين وانه اهوه راح العمرة وانه المشايخ دايما يشكرونه على مجهوده في العمليات التجميليه ،، بعدين قلتله بجم العمليه قالي 1450 دينار وقلتله غالي يادكتور ما اقدر عليها جان يقولي انا مو اي دكتور انا خريج امريكا ، يعني لازم تقدرون شهادتي ،،
وطلعنا منا انا وبنت خالتي وصارت فكرتي عنه x بعدها قررت اروح حق عيادة ؟؟؟؟؟؟ ( ماراح اقول الاسم ) عشان ماتصيرله دعاية ،، رحتله وشاف جسمي ××××××××××××××× بس عطاني سعر وايد حلو 800 شامل كل شي
وقررت اسوي العمليه ،،، يابنات عمليتي بعد اقل من 48 ساعة بليزززززز شجعوني والله خايفه عشان اقولكم كل شي

المشاركة الأصلية كتبت بواسطة شموع & دافئه تقومين بالسلامه بس شنو عمليتج شفط ونحت وشد يعنى فيها شق ؟؟؟؟؟؟؟؟

المشاركة الأصلية كتبت بواسطة احلى^فراولة هلا حبوبه ان شالله تقومين لنا بالسلامه والاهم النتيجه ان شالله تكووون عاجبتج بس نبي التفاااصيل انا جسمي عقب الولاده ووووووووووووووووع ماحب اتسبح من كثر ماهو قبيج ":< بسالج بنج كامل ولا موضعي