تجربتي الفاشله بطيبه كلينك

عمري 22 سنه ومتزوجه من سنه ونص حملت شهر 6 ومات الجنين بعد شهرين الحمدلله على كل حال
ولمن كنت بالاربعين شهقت مرت حماي الحسوده عبالها حامل بعد وحاشني نزيف لمده 25 يوم ورحت العدان ( الاعدام ) الحمدلله والشكر يقولي حمل فوق حمل شلون مادري
انزين
ووقف النزيف بروحه
الله يسلمكم نيي حق المجزره الثانيه ( طيبه كلينك )
وقفت علي الدورة كانت اخر دورة تكرمون 25 فبراير يتلي 3 ايام ووقفت تاريخ 9-4 رحت طيبه كلينك ويا خالتي ( اخت امي ) سويت سونار قعدت تتحلطم مالت السونار مالها خلق اللي يسمعها يقول بلاش
المهم
ولا تقولي في جيس على المبيض حجمه 4 سانتي اذا مانزل راح انسويلج عمليه انا قلبي وقف ولا تعطيني حبوب قالت 5 يوم راح تنزل تكرمون الدورة واول يوم تنزل لازم اعالج عند دكتور عقم قتلها انا مافيني عقم حملت قبل قعدت تتحلطم طنشت وطلعت كليت الحبوب ومانزلت الدورة تكرمون الا بعد 8 ايام نزلت العصر وقفت بليل كان تاريخ 17-4 وللحين ماشفت شي نزل
وطبعا صايرلي شهرين كل شهر اتنسى بشي واتوحم من هالسوالف قلت يمكن حامل
رحت امس مستشفى الراشد عند دكتور محمود (( اهو اللي ولد مرت اخوي )) كنت اول شي ابي دكتورة ايفا بس كان عندها زحمه
قالي اول شي سوي تحليل دم سويت وطلعت مو حامل (( معلومه انا ترا حتى بحمالي الاول لمن كنت احلل بالدم اطلع مو حامل مايبين الا بالسونار ))
سوالي سونار طبعا والله محترم خلى السستر تسويلي وبعدين اهو يا مو مثل مستشفى العدان بس يطلطلون الحمدلله والشكر وورانا انا وريلي وقعد يشرح لنا ورانا المبايض والرحم وقال كل شي سليم الحمدلله
وطلب منا تحاليل انسويهم
وطلعت دكتورة طيبه كلينك نصابه وجذابه
وهذي اخر تجربه وياهم خلاص كله بعالج عند دكتور محمود
مع اني رافضه اني اعالج عند دكتور بس الله كريم
وان شاءالله ناطره الجميله تشرف
بنات ادعولي احمل انا وكل محرومه يااارب اجلا غير عاجلا