تجربتى فى استخدام القسط الهندى الرجاء مهم جدا دشوا بنات

السلام عليكم ورحمه الله وبركاته
خواتي انا متزوجه صار لي ثلاث سنين ولم احمل

معاي تكيسات وضعف اخذ كلوميد يصير تبويض بس ما يصير حمل الحمدلله على كل شي
عاد مليت من المراجعات والكلوميد سمعت عن (( القسط الهندي))
الدوره اخر مره جتني تاريخ 15/6/2008 رحت شريت القسط الهندي وسمعت انه يدر الطمث
كليته بعد ما طحنته سادس يوم من استخدامه نزلت الدوره وهي اصلا تخربط تقعد شهر ولا اربعين يوم
المهم وقفته لما نظفت استخدمته الحين باديه اخذه خمس مرات باليوم اخذ مقدار ملعقه الشاي مطحون والهمه واشرب وراه ماي
بنات بستمر اخذه ونهايه الشهر بقولكم اذا انتظمت ولا لا وراح اشيك على التكيسات على الدوره الجايه
نجي عاد شكله (( نفس عود البخور بس كبير وريحتهطعمه : انا شريته من عطار المملكه علشان اظمن انه نظيف انا شفت بنات كثير استخدموه وراح التكيس والضعف وانتظمت الدوره معاهم
منو حابه تشارك معاي وتجرب وننطر للدوره الجايه ونقول شنو صار ((حتى الرسول صلى الله عليه وسلم نصح فيه)) انا سالت واحد بالطب البديل قال خمس مرات اذا تبين خوذيه بعد كل صلاه
عندي ردوود كثيره من بنات بمنتديات اخرى بس ما اعرف انزلها التي تعرف تقولي علشان يقتنعون البنات
شوفوا خواتي انتم شنو راح تخسرون جربوا شهر وشوفوا .
اي سؤال انا حاضره

بسال عنه وجرب و قوللج

ليش ياخذونه هذا؟

اختي هذا تاخذينه علشان تنظيم الدوره وازاله التكيسات وتنشيط المبايض ويعالج مشاكل المعده واللوز وكثير من الامراض بس كل مرض له طريقه علاج واي سؤال انا موجوده

اليوم بشترييه ويارب نبشر بعض بحمالنا يارب

اهوه وصفه نبويه يعني من الطب النبوي والله ينفعكم فيه يا رب

انا امي واهلي مايستغنوون عن القسط الهندي وامي تسويي بالبيت وتوزعه على عايلتنا ومشاءالله له فواايد وايد وفيه منه بودر بعد

انصحكم فيه وانا كله ادهن جسمي فيه واحس براحه عقبها

يسلمووووووو عالموضوع

هلا اختي القطانيه اول وحده بتاخذه معاي جربيه شهر بدون اي حبوب منظمه للدوره ولا اي شي بس القسط وشوفي ان شاء الله نبشر بعض شنو متمنيه اشوف خطين الله كريم
هلا اختي بيداء مشكوره على المرور وهو صح من الطب النبوي
هلا اختي ام جسوم مشكوره على المرور وفوائده كثيره
ان شاء الله يارب ترزق كل بنات المنتدى الذريه الصالحه المعافاه آمين

حبيبتي ياليت تقولين لونه وشكله ؟ وكيف اطحنه ولا ادقه؟

هلا اختي السعوديه تاج راسي
القسط الهندي لونه بني نفس لون الدارسين ونفس شكل عود البخور انا ادقه ما اطحنه
في قسط لونه ابيض اسمه القسط البحري لا تاخذينه انتي استخدمي الي لونه بني ( القسط الهندي)

مشكورة حبيبتي فاهية … رحت وجبته من عند العطار وقمت اليوم وطحنته واستعملت منه ملعقة صغيرة مع مويه بس طعمه مره مر وغير مقبول والصراحة طعمه عيي يروح من فمي … حبيبتي كيف تحملتي طعمه مشاء الله عليك

مشكوووووووره حبيبتي عالمعلومات بس سؤال انا الدوره منظمه عندي وفيني تكيس خفيف يعني صغار حيل ومشكلتي ضعف بالمبايض شلون اخذه ووين احصله اي مكان او في مكان معين

راح اشترية واجربة واللة يعينى على ريحتة وانشاللة نحمل كلنا ونبشر بعض انشاللة

شكووووره حبيبتي

هلا اختي السعوديه تاج راسي اختي اشربي الماي كذا شربه وثاني شربه اشربه كاني اتمضمض واشربه بس بعدين تعودين عليه ولا انا ان شاء الله مسافره بكره وراح اخذه معاي
هلا اختي سهوومه عادي استخدميه هو يشيل التكيسات ويقوي التبويض بعد انا شريته من عطار المملكه او اي عطار راح تلقينه طريقه استخدامه خمس مرات مقدار ملعقه شاي الصغيره مطحون تلهمينه وبعدها تشربين ماي انا اخذه بعد الاكل
واذا تبين بعد كل صلاه اكليه
هلا اختي فتكات بنت كايدهم ان شاء الله نبشر بعض بالحمل عن قريب ان شاء الله
العفو اختي كويتيه مذهله
شدوا حيلكم بنات مو تنسون تاكلونه و لا تكاسلون ناطرين البشاره