|
|
بغيت اسال هل عادي الوحدة لي الاربعين يوم وليلحين ما طهرت؟؟؟
يعني الدم عادي قاعد ينزل ولا طهرت ولا يوم
تجاربكم وخبرتكم تفيدني باذن الله،،
والله يفتح ابواب رزقه على اللي ترد غلي وتطمني
..هذا اللي اعرفة .. لاتخافين احسن لك ان الدم الفاسد ينزل .. بس اهتمي بتغذيتك ..
ماتشوفين شر حبوبة
الله يطمنكم حبايبي ويفرح قلوبكم بس انا اللحين صارلي اكثر من 55 يوم والدم مو قليل واحمر حيل. هل هذا عادي ؟ وشلون اقدر اوقفه؟؟
وشلون اعرف اذا مو دم عرق؟
ودعواتي للي ترد علي.
وهل تشربين بيبسي وماي بارد؟
وهل تشربين زعتر؟
|
المشاركة الأصلية كتبت بواسطة candel in the desert
 عندي استفسار لج ؟ انتي ما تاكلين لهوم وحسو؟
وهل تشربين بيبسي وماي بارد؟ وهل تشربين زعتر؟ |
يارب القى عندج جواب. كليت لهوم وحسو
وماشربت بيبسي ولا بارد.
وكنت اشرب كل يوم مطارة زعتر ( اتوقع الغلط اهني بس اشلون اعدله؟؟)
ريحيني الله يرزقج
انزين استمري بالهوم بس من غير الحلبة لانه بس تاخذينها 10 ايام
واخذي حسو الي هو العصيده و على الريج اول ما تقعدين الصبح لمده 5 ايام تاخذين دهن ويفضل عداني او زبده بس شوية مو وايد وتاخذين لج 5 تمرات وتحطين معاهم رشاد
يعني اول شي تسخنين الدهن وبعدين ترفعينا عن النار وتحطين الرشاد عليه وتخلطينه ولما تاكلينه لا تمضغينه اكليه بسرعه وهو دافي اقرب ماله حار راح تلفين انه الدم وانتي بكرامه راح ينزل كله ..
وعقبه بساعه تتريقين بيضه وكوب حليب مع اللهوم
وعقبه شويه تاخذين عصيده مع البهارات الي هو الحسو
وعلى الضحى اخذي خبز ايراني وحطي معاه تمر وحركيه على النار مع شويه دهن واكليه (تمرية خبر) واذا ما كنتي يوعانه خليها حق العصر عقب الغدا بس لا تسوينها الا لما تبين تاكلينها عشان الخبز ما ايبس
طبعا الغد اخذي مشاوي بس من غير ليمون ولا تشربين عصير خليج على الماى والزعتر
ونفس الشي على العشا بس بالعشا اخذي لهوم ..
واي وقت تجوعين اخي حسو يعني اقل شي اكليه مرتين وراح تطهرين ان شاء الله