تبون طريقة لإستجابة الدعاء حصلت معاي شخصيا صدقوني دشوا

السلام عليكم يا احلى بنوتات

بدش بالموضوع على طول عشان ما أدوخ راسكم
طريقه طبقتها والله إستجاب لي خلال ثلاثة أيام

على بركة الله نبدي..

1-تركت التلفزيون والنميمه وسماع الأغاني واعتكفت بالبيت
بالمختصر حاولت أترك كل ما حرمه الله

2- أول يوم قررت أسوي فيه هالشي صمت فيه وكنت ناويه أصوم ثلاثة أيام فقط..

3- حاولت اتقرب من ربي بشتى الوسائل وعلى راسها بر الوالدين..

4- أبتدي الساعه وحده بالليل بقراءة سورة البقره لين أختمها وبعدها سورة آل عمران كامله..

5- أول ما أخلص أصلي ركعتين إستغفار عن كل ذنوبي وأستغفر خصوصا عن النميمه يعني أستغفر
عن أي شخص سبيته أو أذيته أو تكلمت عنه بسوء جدامه أو وراه..

6- أصلي بعدها ركعتين حمد على كل نعمه أعطاني إياها ربي وحتى النقم أحمده عليها وأقول عوضني بدالها
خير يا رب وأحمده على كل إبتلاء وإختبار وعلى كل شي وعلى كل حال..

7- أصلي آخر ركعتين وهي ركعتين الدعاء اللي انا محتاجته كنت أطلب ربي ببكاء شديد جدا
لأني كنت حدي مهمومه وفوق ما تتصورون وكنت أقول يا رب إذا بتستجيب لي وقربت إستجابتك
لي حسسني بالراحه قبل ما يصير الشي اللي أبيه لأني تعبت من الهم اللي فيني وأبي أرتاح

8- وآخر شي كنت دايما استغفر وأسبح وأدعي لكل مظلوم ومظلومه وكل مهموم ومهمومه
وكل محتاج ومحتاجه وكل محروم ومحرومه من الذريه يعني أحاول أدعي لكل المسلمين ..

انتبهوآآآآآآ ركزوآآآآآآ

صيامي كان يوم الاربعاء والخميس والجمعه الساعه ثلاث الفجر تمت إستجابة الدعاء
واقسم بجلال الله العظيم إني كنت حاسه براحه يوم الجمعه بس على نهايته ولمن رحت لغرفتي
أشوف موبايلي لقيت مكالمات ومسج عرفت بعدها إن مشكلتي إنحلت وإن هالشي من رب العالمين

وصليت ركعتين شكر والحمد لله على كل حال..

وآخر نصيحه عليكم بالصدقه.. والله ينولكم كل ما تتمنون ..

جزاك الله خييير ..

يعطيكم العافيه على مروركم الرائع
ومشكورين على ردودكم الحلوة
وانا والله ما حطيت تجربتي إلا لأني أبيكم تستفيدون
وتبشروني ولكم مني صادق الدعاء..

تسلمين عمري :**

الله يسلمكم ويرضى عليكم يا رب
ويحقق لكم أمنياتكم كبيرة كانت أم صغيره..

وبنصحكم نصيحه انا مو مطوعه وعندي أخطاء كثيره الله يغفر لي ويغفر لكم
بس دايما أحاول جاهده إني أرضي ربي ولو بشي بسيط

واللي بدو يتجمل يتحمل
واللي يحب الدح لا يقول أح

يعني اللي تبي أمنياتها تتحقق ترضي ربها وتقوم بالأسباب وتصبر حتى تنال مرادها

ويعطيكم العافيه مره ثانيه على ردودكم..

مشاء الله ,يعطيك ربي العافية
الله يغفر لنا يارب ويهدينا للصراط المستقيم

جزاك الله خير

تم الحفظ بالمفضلة

الله يسعدك يارب

واح اطبق كلامك

ويااختي لازم تستمرن بلعباده والتقرب لربي لاتتركين لاشياء للي كنتي تسوينها قبل استجابة الدعاء

ويارب يثبتك

حبيبتي الحمدلله مشكوووره على ذكر تجربتج والله ينولج مرادج

جزاكم ربي كل خير
والله يكتب لكم نعيم الدنيا بما يرضيه ونعيم الآخره

واللي تطبقها يا ليت إذا ربي إستجاب لها تطرح البشرى هنا
حتى نتشجع أكثر ونستفيد

منورات يا عرايس..

جزااااج الله خييير ي قلبي

موفقهـ

ماشاء الله وشهالمواشيع الراقية الجميلة جدا احرجتينا وحسستينا بالاحتقار ماشاء الله، الله يثبتج دايما يااختي وينولج اللي بالج اجل اللهم امين