تاسيس ماده اللغه الانجليزيه للطلبه

هلاوغلا

حبيباتي ابي رايكم في معهد ودي ادخل اطفالي لتاسيس اللغه الانجليزيه وهم في الابتدائي

اتمني التفاعل لتعم الفائده للجميع

وشكرا

وانا اضم صوتي معاش ياحياتي

انا مااحب المعاهد ماادرى احس يهتمون بسوالف مالها داعى ويضيعون بالوقت انا بدرس لبناتى عند مدرسة ممتازة اهيه تخصص تاسيس الياهل اما المعهد ماادرى منو اللى هيدرس وعدد الطلبة وخصوصا بمرحلة التاسيس يحتاج الياهل تركيز ومعلم او معلمة زينين يفهموا اشلون يوصلون المعلوومة عدل وهذا راى وان شاء الله باقى البنات يفيدونج

يا حياتي

يشرفني

بالعكس المدرسه او المدرس حلاته بوقت الامتحانات بدرسه الي ياي بالامتحانات وبس اما المعهد الي انا اقصده ياسسه الانجليزي كلغه مو دراسه يعني ماله علاقه بالمنهج المدرسي التاسيس بشكل عام

واسعدتني مشاركتك حبيبتي

حبيبتي اقتبست لج رد للأخت ام بدير يمكن يفيدج

المعهد البريطاني

في المنصورية

عندهم من سن 6 سنوات الى 18 سنه

مستويات

والدورة ب 155

مشكوره حبيبتي علي هالمعلومه

بصراحه اختي انا ما انصحج تدخلينهم معهد.لانهم ماراح يفهمون عدل.انصحج بان تحطيلهم مدرس خصوصي واح يفهموم اكثر من المعهد. لاني مجربه المعهد حق عيالي مومثل المدرس.
وانتي براحتج بس حبيت انصحج..
ولا بعد عيالي تاسيسهم انجليزي

حببتي القصد ان المدرس عادتا ما ياسس مثل المعهد انا ابي لغتهم تصير ممتازه مو بالدراسه

واسعدني جدا مرورك الطيب

معهد أكسفورد بالشعب البحري مقابل عيادة طلال العلي أكثر من روعة

في الحضانة العالمية الإنجليزية في منطقة السلام بجنوب السرة عندهم دورات تأسيس إنجليزي ومدرسات أمريكيات لاطوفينها وايد وايد مفيدة دخلت ولدي فيها واستفاد بس مومن أول مرة دخلي كذا مرة.
وهذا رقمهم 9405323

مشكوره بدويه اصليه عالرقم بس بغيت اسال تدرس بالعطله

الحضانه العالميه بالسلام من اي عمر يبدون بالتاسيس ؟ ومتى تكون الدورات بالصيف والا طول السنه

يبدون من عمر 6 سنين وتجاوزا 5 سنين وفي دورة عندهم تبدي شهر 8