|
|
السلام عليكم
بنات عفيه فيدوني منو تعرف الدكتور فهاد العنزي مقرر تاريخ الكويت
ابي نظام والقرايدات وفي بونص والكلاس
ممل والا
عفيه ماتقصرون
أنا بسجلهــاا عنده .. بس الشعب مغلقة 
منزل 3 شعب بهالكورس ..
والله انا اللي سمعته من بنت خالي مآخذه عنده تقووول عجييييييييب …
فيدونـــاا أكثــرر ..
انا بسجلها بالباي فورس
بنت خالتي مدحته لي
موفقين ..؛
يقولون تقدرين تعادلينها بماده ثقافه اسلاميه
و ثقافه اسلاميه حييييل سهله
لو تسالين عن شلون تعادلينها وايد احسنلج
|
المشاركة الأصلية كتبت بواسطة amo0ni
 الدكتور ماعرفه بس الماده بااااايخه
يقولون تقدرين تعادلينها بماده ثقافه اسلاميه و ثقافه اسلاميه حييييل سهله لو تسالين عن شلون تعادلينها وايد احسنلج |
لا اختي غلطانه هذيج تاريخ حضاره الاسلامية وهذي تاريخ الكويت
مع حتى ماده تاريخ حضاره انا سألت عن المعادله وناس تقول تصير وناس تقول لا
على العموم نشكر مرورج
ما شالله من زمان ما دخلت المنتدى..
توني خالصة مادرة تاريخ الكويت عند دكتور فهاد العنزي
بتكلم عنه بالتفصيل…
اول شي انصحكم بالمادة للصيفي لان يحذف منها ..
الكتاب 12 فصل جنه .. درسنا 4 كان قايل 5 بس لان ما يمدي
2 للميدتيرم + 2 للفاينل
واللي بالميدتيرم ما دش بالفاينل
فالاكيد ان نظام الصيفي غير عن الكورس العادي
الدكتور فيه عيب حيل قوي
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااايد
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااايد
يعلللللللللللللللق يعللللللللللللللق و يتطنز و ما يخلي احد بحاله
عددنا بالكلاس 60 طالبة يوميا يعلق على وحدة وحدة حتى لو غبتي ولا سحبتي يظل يعلق
السيكيوريتي يدش و يعلق عليه
يعلق على الناس بالشارع
يعلق عالطلبة عالدكاترة عالفراشين على اهله على الكاتب " ابو حاكمة"
ما يخلي احد كلش والله يعينكم عليه
وعادي فجاة تسوين اي شي يفشلج و يزفج و يقولج طلعي برا ولما تيين بتطلعين يقولج لا اتغشمر
بين قوسين ( غشمرته ثقيلة)
صج دمه خفيف وايد وايد و يضحكنا و هون علينا الصيفي بس الشي ان زاد عن حده يصير" مصاخة" 
نظامه يتاخر عن الكلاس 10 دقايق
ما يرضى بالتاخير كلش ولا يسمح فيه .. اخر الايام صار يسمح لان صيفي و عرفنا عدل
وكان يحب شعبتنا حيل يقول اول شعبة مرت علي جذي فتساهل ويانا…
لو تلفونج مو سايلنت و دق لازم تطلعين من القاعة سيدا و اخر المحاضرة تعطينه اسمج يسجلج حضور
ان تكررت الحركة غياب + ينقصج
و هم نفس الشي في بنات عذرهم اخر الايام
وايد يسولف اول ثلث ساعة .. و يحب المناقشات وايد .. ويسمع جميع وجهات النظر
لكن هالمشاركة وهالسوالف ما تزيدج درجة !! يعني ما يعتبرها مشاركة فعلية
الزبدة
تقسيم الدرجات
10 غياب و حضور ( لو غبتي يوم ممككن تاخذين فل مارك , بس لو ما غبتي يعطيج بونص)
20 بحث ( البحث تكتبين عن تاريخ تخصصج مع بنات بالشعبة من نفس التخصص)
35 ميدتيرم ( امتحانه 15 سؤال صح و خطا + 20سؤال اختياري ) + بونص سؤال سخيف واهو يجاوبه بعد ههههههه 
35 فاينل موضوعي و نفس طريقة الميدتيرم بس بدون بونص
في مشاركة بونص 5 درجات .. كل مشاركة بدرجة
المشاركة انج تحضرين الدرس الياي و انتي بمكانج تقولين اللي فهمتيه واهو يشرحه
وكل مرة على بنيه.. وغالب البنات حصلو درجة
يكرررررررررررررررررررررره الواسطات
يحب اي مبادرة او نشاط .. اي معلومة من النت و تعطينه المصدر ؟
وصج نسيت ترى ما عنده سالفة الا الجهرا… راح تحسون انها سويسرا الكويت ! تحملو
يعطيكم ايميله لو بتغيبون او تتاخرون تبلغونه قبلها بيوم ..
امتحاناته فيها خدعة يعني ممكن السؤال نفسه بصح و خطا اهو نفسه بالاختياري.. فراح يشوف ويقيم اللي دارسة واللي تشير …
بس تبون الصج ترى اهو وايد طيب وقلبه نظيف وابيض .. على الرغم من انا نقعد بالقاعة على اعصابنا من التعليقات
صوته بالشرح واطي .. يفضل تقعدين جدام … و انصحكم بالتحضير والتركيز بالذات اول المنهج عن تاسيس الكويت
لان تاريخ قديم فروايات وايد و راح تتخربطون ما تعرفون الصح من الغلط
وشغلة وايد مهمة !!!!! اللي تحب تسأل انصحها تسكت .. انا كنت اختار اسئلة حيل عامة بالنسبة لي و اترك التفاصيل
ومرة كل 5 محاضرات اسأل ! يقولي ترى وايد اسألتج ! لا تصيرين دقيقة
نفسه ضيجة ما جنه يايين ندرس و نتعلم
ممكن تفاصيل وايد يطوفها بالمنهج..يقول انتو طلبة اقرو و احفظو
كل شي حفظ كل التواريخ و مرة فصل علينا قال حتى الهجري حفظوه p; بس ما حفظنا
والاسامي والمناطق بعد
نهاية الكورس عنده كيرف حلو .. يعني عادي وحدة C تاخذ B
بالنسبة للمنهج بنات
والله حلو بالذات الفصول الاخيرة .. حيل ممتع لو تدرسونه كحب للكويت و ثقافة عامة
مو عشان قريد .. لاتتخيلون انها صعبة والله انا ما احب التاريخ بس لان فخر تعرفين تاريخج صج بتحبين المادة وتدرسينها
وبالتوفيق يارب .. اي سؤال انا حاضرة ^_^
! 
بصرآحــه آستفدنـــاا
|
المشاركة الأصلية كتبت بواسطة ورور92
صباح الخير
ما شالله من زمان ما دخلت المنتدى.. توني خالصة مادرة تاريخ الكويت عند دكتور فهاد العنزي بتكلم عنه بالتفصيل… اول شي انصحكم بالمادة للصيفي لان يحذف منها .. فالاكيد ان نظام الصيفي غير عن الكورس العادي الدكتور فيه عيب حيل قوي عددنا بالكلاس 60 طالبة يوميا يعلق على وحدة وحدة حتى لو غبتي ولا سحبتي يظل يعلق وعادي فجاة تسوين اي شي يفشلج و يزفج و يقولج طلعي برا ولما تيين بتطلعين يقولج لا اتغشمر صج دمه خفيف وايد وايد و يضحكنا و هون علينا الصيفي بس الشي ان زاد عن حده يصير" مصاخة" نظامه يتاخر عن الكلاس 10 دقايق لو تلفونج مو سايلنت و دق لازم تطلعين من القاعة سيدا و اخر المحاضرة تعطينه اسمج يسجلج حضور وايد يسولف اول ثلث ساعة .. و يحب المناقشات وايد .. ويسمع جميع وجهات النظر الزبدة في مشاركة بونص 5 درجات .. كل مشاركة بدرجة يكرررررررررررررررررررررره الواسطات يحب اي مبادرة او نشاط .. اي معلومة من النت و تعطينه المصدر ؟ وصج نسيت ترى ما عنده سالفة الا الجهرا… راح تحسون انها سويسرا الكويت يعطيكم ايميله لو بتغيبون او تتاخرون تبلغونه قبلها بيوم .. امتحاناته فيها خدعة يعني ممكن السؤال نفسه بصح و خطا اهو نفسه بالاختياري.. فراح يشوف ويقيم اللي دارسة واللي تشير … بس تبون الصج ترى اهو وايد طيب وقلبه نظيف وابيض .. على الرغم من انا نقعد بالقاعة على اعصابنا من التعليقات صوته بالشرح واطي .. يفضل تقعدين جدام … و انصحكم بالتحضير والتركيز بالذات اول المنهج عن تاسيس الكويت وشغلة وايد مهمة !!!!! اللي تحب تسأل انصحها تسكت .. انا كنت اختار اسئلة حيل عامة بالنسبة لي و اترك التفاصيل ممكن تفاصيل وايد يطوفها بالمنهج..يقول انتو طلبة اقرو و احفظو كل شي حفظ كل التواريخ و مرة فصل علينا قال حتى الهجري حفظوه p; بس ما حفظنا نهاية الكورس عنده كيرف حلو .. يعني عادي وحدة c تاخذ b بالنسبة للمنهج بنات وبالتوفيق يارب .. اي سؤال انا حاضرة ^_^ |
ي عمري مشكوره وماقصرتي
وعساج علي القوه ويجزيج ربي خير
بس للامانه كلامج خلاني احاتي والمشكله ماكو غيره
ليش تحاتين
ترى اهو احسن دكاترة من الموجودين.. وعلى قولتهم دكاترة التاريخ يا ابيض يا اسود
وللامانة اهو ييقول : انتو طلبة مفتحين باللبن و عارفين ان انا من احسن الدكاترة ..
و الدكاترة الثانين يعطون 3 كتب ..
بس اللي عليج ( حضري للدرس + قعدي طول المحاضرة ساكته + ولا تفكرين تغيرين مكانج لان بيعلق + حاولي تكتبين شرحه لان وايد ارتب من الكتاب لو كنتي محضرة + ودرسي للامتحان مبجر ) تضمنين الايه ان شالله
الكورس اخف ضغط من الصيفي .. بس ميزة ضغط الصيفي يخليج ما تنسين شرح المحاضرة .. لي امتحان الفاينل كل شي راكز بمخج ما يمديج تنسينه
عموما انا انصحج بــ : 1- نواف المطيري 2- فهاد العنزي
عند غيرهم لا تاخذين !
الله يوفقج اوطان :*
|
المشاركة الأصلية كتبت بواسطة ورور92
ولو يا قلبي ما سويت شي ..الله يقويج .. واللهم امين اجمعين…
ليش تحاتين ترى اهو احسن دكاترة من الموجودين.. وعلى قولتهم دكاترة التاريخ يا ابيض يا اسود وللامانة اهو ييقول : انتو طلبة مفتحين باللبن و عارفين ان انا من احسن الدكاترة .. و الدكاترة الثانين يعطون 3 كتب .. بس اللي عليج ( حضري للدرس + قعدي طول المحاضرة ساكته + ولا تفكرين تغيرين مكانج لان بيعلق + حاولي تكتبين شرحه لان وايد ارتب من الكتاب لو كنتي محضرة + ودرسي للامتحان مبجر ) تضمنين الايه ان شالله الكورس اخف ضغط من الصيفي .. بس ميزة ضغط الصيفي يخليج ما تنسين شرح المحاضرة .. لي امتحان الفاينل كل شي راكز بمخج ما يمديج تنسينه عموما انا انصحج بــ : 1- نواف المطيري 2- فهاد العنزي عند غيرهم لا تاخذين ! الله يوفقج اوطان :* |
جزاج الله خير وربي يريح قلبج مثل ما ريحتي قليلي
—–
اوطان..
اللهم امين يارب اجمعين .. تسلمين على الدعوة الحلوة ما تقصرين حياتي و ان شالله دوم مرتاحة :*
—-
شدو حيلكم و بالتوفيق .. لاي سؤال انا حاضرة ^_^