هاي بنات اشلونكم شخباركم
بيسوون حق ولدي عمليه لوز ولحميه تاريخ 7/3 يعني الاسبوع الياي وولدي عمره سنه و4 شهور اوكي بس بعرف منو عندها ولدها او احد اتعرفه بهالعم مسوي عمليه لوز ولحميه لانه يقولون اللوز حرام بعدين راح اتعوره وايد ماايقدر ياكل حتى وانا خايفه انه يتعور وايد مادري شسوي
والله يا اختي انا بعد قالو لي سوي عمليه حق ولدي لوز ولحمية ولدي عمره 1 و9 شهور بس خفت عليه لانه وايد ضعيف واخاف عليه من البنج انا مره اشكبري يوم سويت عملية قيصرية بقيت اموت اشلون ياهل صغير حرام نطري لين يصير عالاقل 4 سنين حرام يلعبون بالياهل
اي انا ولدي وايد ضعيف
لا مااقدر انطر بس حده تاذى من اللحميه ولما بيشسيلون اللحميه قالوا تضخم اللوز على قولته خربانين لانه حرام مايقدر يشرب ممه مايتنفس مايقدر فلازم والقيصريه ايكد تعور انا سويت لحميه عادي بس يقولون اللوز اهي اللي تعور بس دام صغير يقولون عادي مايحس وايد
ماادري انا والله خايفه اني اسوي حق ولدي اخاف عليه من البنج جسمة صغير وكل اسبوع يطيح مريض ويشخر حتى واهوه صاحي يعور قلبي بس اخاف عليه توه صغير احسن استخيري وعقب سويله واذا طلع بالسلامة دزيلي عالخاص عشان اتشجع واسوي حق ولدي ومايشوف شر ان شاء الله
والله اختي استخيري بس حرام الياهل يتعذب بسبب خوفنا اللي ساعات نبالغ فيه روحي للدكتور عبدالله العلي انشاء الله يفيدج
لا حبايبي انا رحت المستشفى الاتصالات وسووله اشعه وطلع فيه لحميه وبيشيلونها بس هم شاف اللوز يقول خربانه ويقول غالبا اذا شلنا اللحميه اللوز تخترب فعلى هالاساس عطانا موعد وانشالله موعده الاسبوع الياي واهوه حيل ضعيف بس الدكتور اخبر
سألي اكثر من دكتور واستخيري
والله يشفيه ويقومه بالسلامه
والله حبيبتي قبل اختي الصغيرة مسويتها واهي كانت نتفه بس الدكتور قال لازم لان راح تتعب من اللوز لانها كل شوي طايحه مريضه من بلاعيميها تعذبت فا سوتها صج بعدين يعني عقب العمليه ما تاكل اي اكل لازم بارد اعتقد لان اللوز مادري شفيهم وهم اللحميه سوت صج تتأذين عقب اللعمليه بس بعدين يرتاح خاصه من الشخير لان يختنقوون اليهال بليل منه ……
لانه لانه حرام مايقدر يشرب ممه وحيل ضعيف من هالشي حتى الاكل مايقدر يختنق وبليل يكسر خاطري مايقدر يتنفس ولايصير منشول بعد يعور القلب والخشم خو طول الوقت يصب صب شغال وولد عم ريلي دكتور قاله ترى 80 بالاميه راح يشيلون اللوز لانه الي من صغره جذي ولا ينولد واهوه جذي اللوز تكون عنده تعبانه
انا اقول لا تسوين له بهالعمر بس مادام انه متأذي حيل منه شيليهم وافتكي
والحين اللوز يشلونها بليزر بس التعب عقب العمليه لمدة اسبوع لانه ما ياكل اذا بلع اي شي يعوره حلقه يعطونج ورقه شنو الي ياكل من جلي وبريد وابتعدي عن الروب واللبن >>> ما ادري شنو الحكمه من الروب يقولون يسوي بلغم والله اعلم
لاتختفين ياختي اناا سويتهاا البنتي كان عمره سنتين والله سهله الحمدالله لوز ولحميه سهله جدااااااا بس عطينه جلي ومهلبيه وربي يشفيهااااااااا ويفرح قلبك بسلامتهاااااااا
حبايبي ماقصرتوا انا امس من 7 الصبح كنت بالمستشفى عشان اسوي تحاليل سووله تحليل دم طلع كريات الدم البيضا حيل عاليه المفروض اقصى حد 9 واهوه كانت عنده 12 وشي وعطوني حقه مضاد عشا ينزل النسبه وباجر انشالله بليل دخلوه المستشفى والاحد الصبح العمليه بس قبل العمليه هم بياخذون له تحليل بيشوفون النسبه اذا ليلحينها عاليه مايقدرون يسوونها وانشالله اتكون انزلت الدكتور يقول من الالتهاب صاعده النسبه وفي دكتوره هنديه ورتنا الاشعه مالته ولا اللحميه اشكبرها مسكره على خشمه كله عشان جذي بعد عمري مايقدر يتنفس وانشالله قالوا بنفس يوم العمليه العصر يطلع والله يقومه بالسلامه
دعواتكم بنات بليز
لا تحاتين العملية اسهل من عمل الكيكة
يارب الله يعينج صج احس هالمضووع يصير مثل الهم على القلب في قلب الام..انا بعد قالو لي لازم عملية لولدي لحميه وو ماي ورا طبلة الاذن..بس حاليا رافضه سالفة العمليه لانه منم صج صغييييييييييير وو ضعييييييييييييييييف مادري شلون بيتحمل بنج …وبعد موسوسين نخاف يلغبوون في ولدي… يارب يسهل عليج وعلى ولللدج..وامانه طمنينا عنه
الله يعينه
ريحيه و فكيه من العذاب اللي هو فيه
و توكلي على الله
تراها عملية سهلة … صج يبيله من إسبوع لـــ10 أيام و يبرا إن شاء الله
أهم شي أكلاته آيس كريم .. جيلي .. مهلبية … روب .. قيمر … لبنة … شغلات باااااردة … و تنبلع تزلق بالبلعووم
بالأول بتعوره …. تحملي … و بيرتاح و بترتاحين بالأخير
أنا سويتها و أنا صغيرة
عيال إختي سووها و هم على 2 و 3 سنين
عسى الله يقومه بالسلامة