بيت الزوج – هل يحق للمرأة ان تترك بيت زوجها في كل خلاف؟ – الخلافات الزوجية المستمرة .

حياكم الله

هل يحق للمرأة أن تترك بيت زوجها عند كل خلاف؟؟؟؟

من الأخطاء التي تقع فيها كثير من الزوجات عند حدوث خلاف مع الزوج !!

أنها تقوم بترك منزل الزوجية والذهاب إلى أهلها

وفي هذه الحالة تتسبب الزوجة في تطور الموقف بفضح العلاقة الزوجية على الملأ

فيعرف بها الناس وقد لا يكون الموقف بتلك الخطورة وتكون الخلافات لأ سباب تافهة من السهل علاجها

لكن تسرع المرأة في الهروب من المنزل لبيت أبيها يزيد الموقف سوءاً

ويجعل الزوج في موقف حرج قد يدفعه لإ نهاء العلاقة الزوجية

خصوصا عند تشدد اهل الزوجة وتعنتهم معه

وكان الاولى بأ هل الزوجة ان ينصحوا ابنتهم بأن تتعقل ولا تتسرع وان تعود لبيتها وتحاول أن تستوعب

الموقف في محيط أسرتها وزوجها وأولادها.

"

"

ما رأيكم ؟!!

هل يحق للمرأة أن تترك بيت زوجها عند كل خلاف ؟؟

وهل يحق للرجل أن ينهي العلاقة الزوجية بالطلاق عندما تفعل زوجته ذلك ؟؟

وما هو الحل الأمثل لحل الخلافات بين الأزواج ؟؟

ابي وجهات نظركم في ها الموضوع

وبالنسبه لي كل مائيد ان الزوجه تتركه بيتها على خلاف بسيط ولا يحق للزوج ينهي علاقته بها السهوله

يسعدني ويشرفني اكون اول وحدة ترد

فديت الحكيمة النصوحة العاقلة الرزينة

حكيمة المنتدى (((((( ام ضــــــــــــــــــاري))

كلامج درر ولاهي فديتج والله

كلامج صح وانا بصراحة اشوف الي تطق الويه وتطلع لبيت اهلها مع كل خلاف اشوفها انسانة جاهلة جدا جدا جدا

وقبل كل شي تفضح نفسها قدام الخلق وتصير سيرة بكل لسان

يعطيج العافية ام تاري

لا خلا ولا عدم من هالطلة

هلا وغلا / ام ضاري

موضوعج حلو ويستاهل النقاش

هل يحق للمرأة أن تترك بيت زوجها عند كل خلاف ؟؟

طبعا لالالاوألف لا ، مهما تهاوشت مع زوجها ما تطلع من البيت شبر ، وصراحه هالنصيحه انا فادتني بحياتي الزوجيه لأنه محد يقدر يتشمت فيني ولا احد يقدر يعرف اسراري الزوجيه ولاشنو علاقتي بزوجي وفوق هذا الكل يمدحني لأني مره عاقله ومالي لسان >> ما يدرون عن شي لوووووول

وفوق هذا المره اذا تهاوشت وتركت البيت الزوج يرتاح وينسى اصلا الهوشة بعد دقايق ويعيش حياته ويستانس والمره تنفضح عند اهلها ويتحجون فيها حريم اخوانها والفريج كله يدري انا جايه ومعاها قشه فضييييييييحه

بس المره اذا تمت بالبيت والدشه والطلعه بوجه الريال بيحس على نفسه انه غلطان وبيصلح غلطته بس بدون كلام >> هذا طبع الرياييل يصلحون غلطهم بشي ثاني بعيد عن السبب الحقيقي للزعل

وهل يحق للرجل أن ينهي العلاقة الزوجية بالطلاق عندما تفعل زوجته ذلك ؟؟

هذا حسب تربية الريال وأهله في امهات ما يرضون على عيالهم الحجي فتقول لولدها اذا هاذي اولها ينعاف تاليها ويطيع امه بسرعه ، وبعضهم عاقل ويتم ساكت مره ومرتين وثلاث لين يشوف شنو اخرتها >> وهالنوع ينخاف منه لأنه صابر مو خبل او غبي مثل ما تضن المره لا هذا يشوف شنو اخر ماية المره وبعدين يطلقها اذا ما فاد فيها الصبر وذاك الوقت تقعد تصيح وتبجي وتقول ما بينا شي بس خلاث بسيط والصج انه الزوج حاسب لها كل شي .

وما هو الحل الأمثل لحل الخلافات بين الأزواج ؟؟

الحل الامثل !!!!!!!!!!!!! امممممممممم الاهل الاهل وتربيتهم للبنت والولد قبل الزواج وفوق هذا معرفة اهمية العقد الغليظ اللي بينهم والخوف من الله ………….. وبعد ……….. الصبر والصبر والتنازل عن بعض الطلبات ………..

عموما في حلول كثيره بس منو يسمع وينفذ !! هذا مربط الفرس

انا برايي مو كل الخلافات تستاهل ان المره تهد بيتها وتطلع بس ساعات تحدها المشاكل وكثرتها يعني لم يكون الزوج يدور اي سبب بس عشان يطلع من البيت ويخلي المره مسكينه تعاني بروحها وفووق هدا يطقها ويجرحها بالحجي الي ما ينقال الا حق بنات ال…… اهني لا انا مع الي تخلي بيتها بس مو من اول خلاف اكيد اذا حست انها ما اقدرت تغير من طبع زوجها الشكاك فهذي صج مصيبه بس لازم انحط بعيد الاعتبار ان المره انسانه بالاول والاخير ويمكن اتغلط وتطلع من البيت اذا كانت المشكله جايده بينها وبين ريلها واهو بهالموقف يكون حط روحه بموقف ما يحسد عليه بسبب عمايله اكيد ومو من حقه ان يفكر يقطع العلاقه بالعكس يحاول مره ومرتين ومليون مره خاصه اذا كان في اعيال بينهم لان قبل ما يفكر بنفسه لازم يفكر بعياله وبالانسانه الي اهانها وداس على كرامتها

بالاخير حبيت اضيف بعد ان الريال لازم يحفض كرامة مرته وما يهينها ودايمن يحط بعين الاعتبار ان الي جدامه زوجته وام اعياله مو غريبه متى ما بقا هانها وداس عليها ومتا ما بقا حبها

تقبلي مرورري وسامحيني عالاطاله

يعطيج العافيه ام ضاري على الموضوع القيم
ان اشوف ان تحاول تتفاهم معاه احسن لأن اذا طلعت بره البيت صعب على الريال يروحلها راح يستحي من اهلها ويمكن تكبر المشكلة <<< الاخت مجربة لأن ريلي جبريت ومايبي يسمع مني شي الله يحفظه وانا وحده ماحب اواجه
بس الحمدلله عقلت لأن لقيت التفاهم اهو احسن حل لما يهدى الوضع كلش كلش ادز مسج واكتب اللي يضايقني وانخش بالغرفة واقرى قران وبجي وادعي الله يصلح الامور والحمدلله
اسال الله العظيم ان يصلح بين كل متخاصمين ويألف قلب كل زوجين اللهم امين
انا لا اؤيد الوحده على اي سبب تطلع وله ان ريال ينهي علاقته بالطلاق (الحياة تفاهم) *

لا طبعا مايحقلها عيب عليها مره شكبرها تقضب ارضها وتكبر مخها وتصير خوش مره
مو كل شوي طاقه البوز ورايحه بيت اهلها … جذي يملها الرجال وتصير زعلتها مااصخه
وتعالي شوفي لاراحت بيت اهلها وتشكت طبعا مستحيل طلع زوجها غلطان حتى لو اهي غلطانه بتقول اهو اللي
غلط علي واهو واهو … طبعا الاهل تاخذهم الحميه وهذي بنتهم بيفزعون لها … ولاتدخلو الاهل تصير السالفه معقده
وصعبة ترجع الامور الى مجراها الطبيعي << حلوه مجراها لوووول

والرجال مايحقله يطلب الطلاق بالعكس انا اقول لو يخليها تنطق وتخيس فبيت اهلها هذا اكبر درس لها ..

الحل بنظري ان المره لازم تشد وترخي مع زوجها وهمن الزوج بعد ..
وانا ضد ( انطح الصياح بصياح )
المره لازم تحكم عقلها وتعرف زوجها عدل وتعرف شنو يحب وشنو يكره واذا زعل انا ضد انها تروح بيت اهلها
تقعد فبيتها وتزعل وتتغلى على كيفها اهم شي انها تكون قدام عينه عشااان يتعب خخخخخخخخخخخخ

شوكرا ام ضاري موضوع حلو يستحق المناقشه

انـا بـرايـي انـه الـمـره لازم مـا تـتـرك بـيـتـهـا لأي سـبـب كـان

الـزوج اهـو الـلـي لازم يـطـلـع مـن الـبـيـت مـو الـمـره

الـريـال لـمـا يـتـزوج مـو مـن واجـبـاتـه انـه يـوفـر بـيـت حـق الـمـره؟

هـذا يـعـنـي انـه الـبـيـت بـيـتـهـا اهـي

والـلـي لازم يـطـلـع مـنـه اهـو "الـريـااال"

الي اعرفه يا ام ضاري انه مايجوز
بس انا من النوع الي اكتم في صدري كل شي يضايقني واطوف بس اوصل لمرحلة ماقدر اتحمل عقبها اطق شلايلي واروح بيت اهلي

قبل كنت اتشكى واقوللهم
بس شفت نفسي اتالح معاه وهم مالهم غير عوار الراس

قمت اقولهم في عمال في البتي عشان لا يدرون منها اغيب عنه شوي واحس بقيمتي ومنها اعلمه انه وراي ظهر>>> عوبة ها

هالله هالله

ردود اطيب الخاطر

موضوع عجبكم حلو للنقاااش

يالله وين الباقي مانبي احد يزعل ويشيل قشه ويروح بيت اهله يوم يومين شهر سنه وبالنهايه تندم وترد بيتها

تزعل في بيتها اتشره عليه تاخذ حقها بالسكوت والصمت اهو يتعذب

والله انا ضد انه الزوجه تروح بيت اهلها نهايئااااااااا
الا اذا خلاص العشرة صارت مستحيله
لازم ما تعود زوجها على فراقها … بالعكس لازم تعوده انه ما يستغني عنها لوشنو كان السبب و تكون اهم شي ابحياته
<< بدوووونهااا يضيـــــــــــع >>

انا مااسميه بيت الزوج وان صح التعبير البيت للزوجه

واذا كان الخلاف بين الزوجين و بتنحاش الزوجه عندها كذا غرفه بالبيت وتزعل ماهي سالفه كل مازعلت اخذت قشاشي ورحت لهلي شكل الوحده يصير غلط احسها مذل الاهانه وخاصه اذا في ناس تتشمت

عالعموم انا ضد زعل الرزوجه خارج بيتها نهائيا وتقدر تزعل ببيتها واذا الوحده تقدر تمشي الخلافات تمشيها علشان تمشي الحياة

انا ضد اللي تاخذ شلايلها و تروح بيت اهلها على اقل شي ، ساعات الزعل بالبيت يحنن القلوب و يحلون المشاكل من غير لا احد يدري شصار بينهم .. وهذي عن تجربة شخصية ، الا في حالة عدم التوافق من البداية و العشرة استحاله مع شريك الحياة هني كلام ثاني ..

لا وألف لا لومستحيل اهد البيت لو مهما كان ما اسويها واحنا متفقين مشاكلنا احنا نحلها واذا احد دره سواء من اهلي او اهله راح يكرهوني ويكرهونه فـــ ليش اييب الكلام حقي وحقه ما احب جذي

وتسلمين حبيبتي على الموضوع الحلو

اب

اب

اب