بيت الحموله

السلام عليكم ابسال عن شي موعارفه اتصرف في انا ساكنه في بيت حمولتي صارلي معاهم سبع سنين واعرف طبعهم عدل وحماي بيتزوج عقب اسبوع وماني عارفه اتصرف اذا جابو اغراض العروس يعني مادري شسوي هل اقعد او اطلع مادري واهمه من النوع الي ماتعرفيلهم وما يقولون عن شي ابعد ابي اعرف شي ثاني اهل ريلي من بدو اثثون وسوون وجهزون شقة ولدهم وبيتهم تحت انا ماقمت انزل وايد الصراحه عشان لا يقولون اتدخل او عطتنا عين لانهم وايد امنون بلعين فماحب ادخل بشي واذا نزلت جنهم زعلانين ليش مانزلت موفاهمتلهم يعني شسوي احسبون شايله عمري ومحتره بلعكس ماحب ادخل بشي لايضنون شي ثاني عاد ابيكم تفهموني شسوي بهلمواقف محتاره فيهم لانهم وايد طايرين بلعروس الجديده وكله احنا بنسوي وبنسوي للعلم بس يوم عرسي ماقصرو معاي بس في بعض الاشياء تقاضو عنها علبو اصيرلهم وحق العروس لا فشله لازم نسوي جذي لاينقدون علينا مادري شعوري صح ولا اكبر السالفه نصحوني

وعليكم السلام
وألف مبروك حبيبتي عادي كلمي ام ريلج قولي لها خالتي تبين اساعدج تبين مني شي
وانا ماعرف بهالسوالف لاني توني بنوته
والبنات مايقصروون انشاءالله يفيدونج

يا عمري الله يعطيج على قد نيتج انشاءالله … شوفي يا اختي انا مو عارفة شنو اطباعكم .. بس نصيحة انتي شوفي شنو راح يسون خوات المعرس وامه اذا والله قالولج تعالي روحي ووجبي مثلهم … اما بالنسبة للموضوع الثاني والله معاج حق بس شتسوين حبوبتي بس حاولي تبينين لهم انج مو زعلانه بس تبيهم يأثثون على راحتهم … مو غير ما انتي تتأخلين ..

بعدين انتي ما تكبرين السالفة لأن الموضوع يكون حساس والوحده تخاف لا احد يفهمها غلط .

اي والله انا بهلمواقف يوقف مخي بس طبعهم مايقولون تعالي او في ناس مفروض من نفسي اسوي وانا ماعرف

والله شوفي يا حلوووه اذا حسيتي ان وجودج معاهم ما يسببلج احراج ولا ضيق انا اقووولج روحي واستانس .. الحشرة مع الناس عيد مثل ما يقولون ولا تعزلين روحج عنهم … وهذا يعتمد على حسب الموقف والناس الي حواليج يا قلبي … ارجع واقوولج انتي ادري فيهم اكثر منا وانتي الي تحددين هالشئ

قولي لهم اذا يبون مساعده وساعديهم وعطي العرووس هديه منج عشان تبينين لهم انج مو غيرانه

مشكوره حبيبتي

انا ماني غيرانه كلش بس ماعرف اتصرف بهلمواقف وماعندي احد اساله

يعني انتي خليج على طبيعتج بس لازم تبينين فرحتج معاهم وحلو تشوفين تجهيزهم لشقة العروس اخر شي..وانتي ادرى باطباعهم

عليكم مبارك
عادي ياقلبي
المفروض تشاركينهم فرحتهم وتساعدينهم
شوفي من نفسج نزلي معاهم وسالي خالتج اذا تبي شي
وبيني لها انج فرحانه من فرحهم وانج مستانسه انه بتجيج صديقه جديده
وبيني الخالتج انج بتصيرين معاها مثل الخوات علشان يطيب خاطر خالتج وتكبرين بعينهم اكثر

ساليها خالتي تبون شي ما تبون شي اذا ما عندكم وقت ممكن انا اروح اييبلكم الشي لفلاني ..

يعني جذي واتوقع اذا بيسوون عرس لازم تكونين واقففه معاهم

خلك على اسلوبك هذا عين العقل
ماتسوى عليك لو ينكسر شي والا يتأخر شي قالوا من عينك
اعرف النوعيات هذي واسلوبك هو الصح ومايمنع تقولين لخالتك
اذا احتجتي مساعده مني انا مثل بناتك ولا تتدخلين فيهم ابدا
واشتري هديه ذربه للعروس وهديه لخالتك بمناسبة زواج ولدها هذي حاجه ضروريه