بيت التمويل الكويتي بليز مساعدة

السلام عليكم و رحمة الله و بركاته

بنات لحقو علي .. انا دقو علي و قبلوني بيت التمويل بس حدي مترددة و خايفة

شفتتين يكسر الظهر .. و راح اداوم بفروع مادري وين يقطوني اخاف الجهرا مع اني قايلتلهم مابي الجهرا لان بعيد ؟

بنات لااااازم بالتمويل لااااازم البس تنورة … شخباري … بنات فيدوني الله يعافيكم ؟

.. و اقدر انتقل من شفتتين الى شفته ؟

و اقدر اختار الفرع اللي ابيه ؟

مو خو مابي اتوهق على مكان الفرع باجر … اكلمهم باجر و انا اخذ اوراق الطبية .. و لا شلون .. اسألهم على راحتي و اقولهم مابي بعيد و اني بجرب شفتتين ما ضبط معاي اخذ شفته ؟

ترى مترددة عن جد

فيدوني افادكم الله

بنات بليز ؟

شوفي حبيبتي تقدمين عادي تروحين برج بيتك .. و تروحين الدور الرابع .. و تقولين ابي اقدم شوفي شيقولون لج و يعلمونج

قدمي اوراقج و عادي .. اغلب اللي يتقدمون فبيت التمويل يقطونهم افرع .. مثلي قالولي افرع

اما اذا تخصصج رياض اطفال ما ادري و الله اذا هالشي يساعد و لا لا .. و يقبلون و لا لا

عالعموم الواسطة شي مهم بس مو اساسي .. انا قدمت مع واسطة .. بس يا بلاش واسطتي .. ما انقبلت الى مع البنات اللي عادي ماعندهم واسطه .. بالنهايه واسطتج ربي .. و الله يوفقج

:d

بنااااااااااااااات بليز ردو :@

يالله عقبال ماتتوظفين بالمكان اللي تبينه وتصيرين انتي واسطتي ههههههه
عاد مو تنسينا ذاك الوقت خخخخخخ

رفع لعيونج بنات عفيه تفاعلوا مع الموضوع مو خسرانين شي كله دعسة زر <<<حلوه هذي
امكن تفكون ضيقة وحده وتفرجون كربه لها ويفرجلكم الله كربه من كربات يوم القيامه ان شاءالله بس برد

يا حتتاتتي :$

اي اي مشي سوقي .. سوقيلي سوقيلي

بليز بنات جاوبو على اسألتي

شوفي اللبس يا انج تلبلسين تنورة عاديه وبدي او نفنوف الكامل عرفتي

واما المكان اتوقع اقررب شي لمكان بيتكم على خبري جذي

روحي اساليهم لاتاخذين بجييناا اخاف نوهقج ههههههههههه

بس بغيت اسالج انتي تخصصج بنوك وهل يقبلوون اللي مو شي شهادتهم يعني مقبول او جيد فهمتي علي ولا عادي الدعوه سهالات

اقتباس:

المشاركة الأصلية كتبت بواسطة ريماس21 الله يوفقج ويسر امووورج شوفي اللبس يا انج تلبلسين تنورة عاديه وبدي او نفنوف الكامل عرفتي واما المكان اتوقع اقررب شي لمكان بيتكم على خبري جذي روحي اساليهم لاتاخذين بجييناا اخاف نوهقج ههههههههههه بس بغيت اسالج انتي تخصصج بنوك وهل يقبلوون اللي مو شي شهادتهم يعني مقبول او جيد فهمتي علي ولا عادي الدعوه سهالات

حبيبتي و الله ما ادري

انا تخصصي محاسبة و معدلي زين

و اللي كانو معاي بالمقابلة كانو نفسي محاسبة

انتي قدمي ترى ما تدرين بعدها بشهور يمكن يقبلونج و يمكن لا

وصج تراا حيل حيل بنك التمووويل حلوو يعني من كل النواحي القروض ولمن تفتحين سيارة وغيرهاا وايد مميزات

ودوامهم جنه اقرووه من 8 او 7 لي 2 او 3 وماكو شفتين

والله يوفقج

اقتباس:

المشاركة الأصلية كتبت بواسطة Velvet-RoseQ8 حبيبتي أول شي مبروك أنا قبلوني بعد الحمدالله بالنسبه للشفتات بس دوام واحد الا اللي يبي شفتين لأنه يعطونه فلوس زياده والمكان مادري الصراحه وين يقطونا واللبس اي تنانير أو نفانيف وأنا سمعت انهم اسمحوا بالبنطلونات الواسعه حيل بس مو متأكده لما نداوم بالدوره راح أسأل المسؤوله انشالله وانشالله أكون جاوبتج على أسئلتج وموفقه انشالله

حبيبتي .. الله يبارك فيج .. انا كنت متوهقه على سالفة الشفتات بس تطمنت من صوبين منج و من وحدة تصير لنا ان ما في شفتتين الا بالمجمعات التجارية و المعارض و السيارات

و قالت ان اول كان في التزام بلبس التنورة بس الحين عادي

و مبروووك لج عالقبووول و الله يوفقنا

اقتباس:

المشاركة الأصلية كتبت بواسطة Velvet-RoseQ8 وليش متردده هالمكان الناس ميته عليه وأنا أعرف وحده مو متحجبه وميته على بنك التمويل بس لأنها مو متحجبه ماراح يقبلونها وبعدين فيه مميزات وايد حرام تضيعين عليج هالفرصه واللي يبي الراحه ماراح يلقى الراتب الزين والمميزات

مادري انا عبالي شتفتتين و و مترددة عشان كنت حاطة امل بأماكن بالديوان بس الحين قررت اني اقبل الوظيفة و اشوف حظي فيها و اللي يكتب فيه الخير ان شاء الله

بالتوفيق لي و لج

مشكووورة عالتفاعل