|
|
السلام عليكم
خواتي مربيات الهمسترات
اليوم استغفر الله الناس تعيد وانا من حاله لي حاله
اول مصيبه مات طيري الكوكاتيل 
لدرجت ان حتى امي بجت عليه من كثر ما تضايقت قامت تصارخ علي وان انا السبب ويشهد علي ربي ان مو مخليه عليهم قاصر
استغفر الله كله من ولد اخوي الله يسامحه كل ماشافهم قام يهز القفص ولا يسوي اشياء تنرفز الطير ويقعد يطير ويضرب بالقفص
الحين المصيبه الثانيه
همسترتي جوجو ولدت 4 بيبيات وعمرهم اسبوعين عقب ولادتها البكر اثنين وكلتهم من الذكر ما كنت اعرف ان لاززم اعزلهم لان قالولي ان السوري ما ينعزل واكتشفت ان لازم ينعزل
المهم ان الحبيب ولد اخوي ليش النثيه والده بالانبوب ما ولدتهم بالبيت والبيبيات قاعدين بالانبوب وللحينهم عمرهم اسبوعين
روح يا الخايس بطل الانبوب وطاح منه بيبي من القراده وخاف الولد جان يرده ويصك الانبوب ولا ع ريله البيبي
وراح ماقالي
ييت انظف القفص ولا اشوف البيبي مو راضي يتحرك بمكانه
احاول احاول
ولا اشوف ريله من برا طالعه ومصكر عليها
وااااااااااااااااااي بنات قمت الطم لطم والله
ورديت ابجي من القهر والظيم
الحين البيبي الحمدلله ماعليه عادي يزحف ويروح لامه حتى قمت غيرت القفص بكبره لان خفت ان الام ما اتيي صوب البيبي وولا ان البيبي يقدر يقرب من امه عشان الصعده والنزله
رحت يبت لي حوض سمك عندي قديم رفيجتي كانت بتقطه وخليته ما كنت عارفه شستغله فيه ويات لي الفكره
وحطيت قش وبيت ومكان المشربه والاكل
ونزلتهم كلهم من دون ما المسهم
من الانبوب لين دخلوا بالحوض
واستانسووو
بس الحين قعدت اراقب حركته وريله وااااااااااي حمرا تخرع
رحت الصيدليه اشتريت ابرتين وحده كبيره ووحده وسط
الكبيره حطيت فيها سيريلاك
والثانيه حق الحليب
واشوا قاموا ياكلون بس اهو شويه مو كثرهم يمكن من الالم ما ادري
بس اشوفه يمشي مع اخوانه
مابي اطول وايد بس حبيت انقل لكم الي صار معاي عشان لو لا سمح الله صار مع احد
واي دقيت ع مستشفى البيطري الكويتي الي بالوفره
والي اهواا الثالث ع العالم العربي من ناحية تقديمه للخدمات الطبيه
وادري اول يوم العيد من له يلقي ويهه صوبي
بس باجر الصبح راح يردون علي ان شاء الله
وهو معروف بعنايته للقطاوه والجلاب
فتح الملف 8 دنانير والله يعين ادعولييييييييييييي
والله يعيينج ان شاءالله ويعووضج بدال هالطير طير ثااني
وتتشافى ريول الهامستر
والله لو شايفته الله يسامحه جان طقيته طق
الله يسامحه بس فيه حب السنع الي انا اعرف ويلا ياهل شتقولين بعد الغلطه غلطتي جان قافله داري
دام تعرفين انه شيطون ويتعبث وله سوابق اقفلي غرفتج عنه ولا خلي عليه رقابه دائمه او على حيواناتج..
شوفي انا عندي عيال عمي وبنت خالتي يزعجون قطوتي بس لما يجون اقفل غرفتي او اهددهم واخوفهم وانا ما يخافون مني الا بسالفة غرفتي لأن ممنوع يدخلونها الصغار..
والله طلعي الوجه المرعب لأن هذا الحيوان انتي مسؤوله عنه.. والله يعينج ومادري اذا في حل للهامستر ولا لأ !!
سأليه هالشئ ينفع مع الهامستر و لا لا ,, اذا ينفع خلي الدكتور اهو يسوي شغله انتي خوفج تمسكينه بالغلط و يتأذى
و بعدين لا تحاتين الجروح تتعالج بالمره ,, نفس ما علمتج و بالجرعات اللي قلتلج عنهم
و حاولي تعتنين فيه و تركزين عليه اكثر علطول حاولي تشربينه ماي من الابره و توكلينه بيدج
و زين سويتي غيرتي القفص و حطيتيهم بحوض افضل ^_^
و الله يكون بعونج في مصيبتج .. احححح والله كل ما اتخيل يعورني قلبي
بس ماعليه انشالله اسبوع و لا اسبوعين الا و اهو متشافي
ديري بالج حبيبتي
عليه العووض صار معاق ,,
بقولج سالفتي
انا اول ماشريت الهامسترات
كانت عندي وحده كنت شايلتهااا
وكنت واقفه وجان تطيييح
تعورت وصار فيهااا رضه
باونتي الله يذكرها بالخييير
قالت لي قربي الاكل صوبها
والمااااي ولا تجيسينها
وراح تصيير زينه.. والحمدالله لك ياربي صارت
زينه ويابت عيال فديتها وعيزت وماتت لوول
انا اقولج الحيين خليها ولا تجيسينها
خليها تاكل وتشرب ماي وقربي كل شي صوبها
والشافي ربي العالمين
ياقلبي انتي سوي الي عليج والباقي على الله
ويااااااااااارب تصييييييير زينه
والله من قلبي ادعيلج
يبي يكحلها عماها
صغار الهامستر دايم تموت من العطش
قربي له الماي
حطي الهامسترات بغرفتج وصكي الباب
انا دايم الهامسترات اللي عندي ينامون بالانبوب ويرفعون النشاره عندهم
مليت منهم وخفت تولد فيها
صكيت الانبوب وصارو ينامون بالبيت
اما على البيطري
مادري
لانهم مايقدرون يجبسونها
احتمال يبترونها عشان مايتالم وايد
او يخلونها وهي تصير زينه بروحها
ابشركم
البيبي صار زين ولا شيطوووووووووووووووووووون يا بنات
وحاطتلكم صورته بعد
بعد عيني عاد بنات وايد اهو صغير البنيه
بس اليوم طليت عليه شكله ريله عابت كلش
وصارت سوده
شكلي بوديه لدكتور يبترها احسن له ولا يحوشه تسمم ولا شي