بنيتي والحساسية

بنيتي عمرها 3شهور
طلعت لها حساسية
بالبداية بس في وجهها
بس الحين جسمها كله
رحت الطبيب قالي اكزيما
عطوني كريم الفاكورت
بس يخلص الكريم ترجع تظهر الحساسيه على كل جسمها
اليوم رحت اطعمها قالت لي الممرضه
غيري نوعية حليبها
شرايكم …؟
الحليب له دور …؟؟

اتوقع هذا الصح ولا تكثرين لها الكورتيزون حرام مو زين لا يتعلم جسمها عليه

مشكوره شيهانه اناماحب سوالف الكرتيزون

شوفي انا بنتي اربع سنين واهي مأذيتني اكزيما برجولها يتشققون واتصب دم ما فيه دكتور ولا طب شعبي الا سويته بصراحه انا ما رضيت انهم يعطونها كورتيزون ابر لاني سمعت ان ضررهم وايد
المهم الا طحت لج على كريم بالصيدليه وحتى عند العطار بعد اسمه دريم فيت حق الحساسية كرتونه بيضا فيها خط اخضر غامج والله العظيم بعد اسنعمال كم يوم بس راحت الحساسيه عن بكرة ابيها والحين قاطعته لها جم شهر بس الايام هذي احس انها بدت ترجع والحين قاعده احط عليها صدقيني شهور وانا مستريحه حتى بنتي مستانسه اتقول رجولي صارت مثلكم << ياقلبي عليها

نصيحة لوجه الله ديري ديري بالج من اي كريم الا بوصفه (( طبيب جلديه))
ديرموفيت هو كلاس 3 كرتيزون شديد القوة انا مستغربه من الاخت اللي تعطيه بنتها بدون وصفه وماقول الا حسبي الله على الصيدلي اللي عطاها بدون وصفه لو تعرفون تأثيرة مع تكرار الستعمال تأثير مدمر لجلد وحتا داخليا للناس البالغين فشلون بطفله !!!

اختي الغاليه بنتج لازم تعرضينها على دكتور جلدية مو طبيب مستوصف وانا متأكدة ان اللي فيها ما يتعدا حساسيه بسيطة وبتروح ان شاء الله

ترى الحليب يلعب دور يمكن منه ليش لا
وبعد حاولي انه تلبسينها قط 100%
وانتي رحتي اي طبيب؟

دكتوري بلبنان قال ان الأكزيما ممكن تكون نوع مرض وراثي بس يا يصير ربو أو أكزيما ويالي انا على شكل اكزيما

ياريت تدشين ملفي وتشوفين مواضيعي عن الأكزيما
وياريت اذا عندج فرصة تودينها حق دكتوري بالبنان وايد زين والأول على مستوى لبنان

صارلي أكثر من 8 سنين أتعالج من الأكزيما بدون فايدة بس هذا فادني استشاري حده شاطر