بنوتات وين القى القطاوه السيمايه مثل هذول Siami cat

السلام عليكم

بنات من تبيع او تعرف مكان يبيعون نفس القطاوه هذي الي شعرها يكون اقصير او ويهه اسود نفس هذول يسمونها (سيماويه)

كان قبل عندي و ماشالله اذكى قطوه شفته

الله حلوييين !!
لما تحصلين قولي لي ^^
شكله شعرهم ما يطيح مثل الشيرازية

في ملجأ عايشة الحميضي أكو 3 يمكن أو 2 ومطعمين ونظاف وحلوين حيل مشالله، شوفي الرابط https://www.kspath.org/adopt-an-animal/adopt-cat شوفي بين الصور والصفحات للقطاوة وبتلاقين مثلها 3 أو 4 ووحدة جنه سيامي شيرازي

موبس ماتطيح شعر قطو ذكي عزج الله الي كانت عندي تروح الحمام مو نفس الشيرازي يو صخ البيت

شكله حلوو يشوق

انا عندي كل ماصار شعر القطوة اقصر انظف واحلى

مشكوووووووووووووووووره من كل قلبي لقيت نثيه و ذكر بس تتوقعين لو يبت ذكر مايتهاوش مع الذكر الي عندنا ؟

حبيت اعلق على كلامج وافيدج…القطو الشيرازي ما يوصخ البيت
وقطو الشوارع لو دخلتيه البيت وربيتيه وعلمتيه عالحمام بيروح الحمام
كل القطاوه تتعلم بالتربيه
وصح كلامج ان السيامي ذكي
انا عندي نثيه نص شيرازيه ونص سياميه وذكيه حيل ماشاء الله عليها
بس حبيت افيدج بهالمعلومه ان اي قطو واي نوع اذا ربيتيه وعلمتيه عالحمام ماراح يوصخ بمكان غيره
القطو حيوان ذكي يلقط بسرعه بس كل وحده وتعليمها

وبخصوص السيامي ما صار فيه نفس اول وبصحتهم والله اشوفهم ذاك اليوم بسوق الحمام ضعاف ومساكين حرام عليهم

بس يبيلهم بيت يلمهم واكل سنع وترد صحتهم حسبي الله على سوق الحمام ما يهتمون بالحيوانات

حبوبة kuwait_queen82 اهم قطاوتهم ما أظن يتهاوشون مع قطاوة الناس لإن في الملجأ القطاوة الذكور والنثايا مع بعض مهدودين ويلعبون مع بعض يعني قطاوتهم متعودين على قطاوة ثانية بس انتي شوفي جربي سوي زيارة لهم واخذي قطوتج وياج ومنها تشوفين التواصل والـReaction لقطوتج والقطوة الي تبينها ^_^

كويتيه بغيت اسالج هذي الملجا وين صاااير وعلى جم اسعارهم ؟

اختي حقوقيه زوغه الأثنين موجودين في الوفرة لكن واحد جنه قالو نقلوه لي جبد ما تأكدت لي الحين لإن صارت مشاكل معاهم وناس مشتكين عليهم حرام وظلموهم واااايد … الأسعار هي:

في kspath
30 د.ك للجلب الكبير أو الصغير
30 د.ك للقطوة الكبيرة
30 د.ك للقطوة الصغيرة أو قطوتين صغار

في paws
50 د.ك للقطوة أو الجلب المهجنين (( صغار وكبار ))
100 د.ك للقطوة أو الجلب من سلالة نقية أصلية بعيدة عن التهجين (( صغار وكبار ))

اممممممممم والله خووش شي تووني ادري ان في جذي بالكويت (: الله يعطيج العافيه حبيبتي ماتقصرين (:

العفو حبوبة ما سويت شي ^_^ وانشالله الاخت kuwait_queen82 تلاقي النثية لذكرها ^_^

حلو القطووو هذا بس ما يصلح مع الاطفال

انا شريت النوع السيامي من سوق الجمعه كانت تقريبا بعمر 5 شهور ب 20 دينار بس

ما توالمت مع عيالي

شيطانه

تطااامر بشكل عجيب

ما تقعد

شعرها قصير حيل ما يطيح

بدور لها صوره و انزلها انشالله

نثيه و الا ذكر ؟ اذا تبين اتبيعينها دزيلي على الخاص جم بتبيعينها؟

يمه تخرع موحلوه شوفي الشيرازيه احلا ..اختي تخاف من االقطاوه وابي اوصفها لها ااشر على وجهي وجسمي اخترعت ههههه وغطت وجهها خيالها واسع الاخت لوول