بنقل من الصحه الى بيت التمويل اشرايكم؟الله يخليكم ادخلو وساعدوني

بنات كويتيات ابي مساعدتكم ومشورتكم علي
انا حاليا اشتغل في اداره تابعه لوزارة الصحه
وفي منطقتي وقريبه من بيتي
والدوام شفتات يعني اذا اخترت مسائي اداوم اسبوع بس في الشهر وكل يوم ساعتين ثلاث بالكثير
واذا الصبح اطلع الساعه 1 ومافي شغل

وانا صارلي سنه اداوم مسائي
مريحه نفسي من الدوام الصبح

المشكله اني مولاقيه نفسي في هالدوام واحس اني درست وبالنهايه دوام يلوع الجبد
والمعاش ضعييييييييييف
يعني تخيلو نزلت علاوه حق الي مسمياتهم سكرتاريه والله معاي وحده شهادتها متوسط صارت نفس معاشي وانا دبلوم
راتبي 408 يعني كلش مايسوي شي وطبعا اخصمو الاقساط والبلاوي

والحين زوجي قدملي على بيت التمويل ووافقو علي (بواسطه طبعا) بس انا متردده اروح للمقابله النهائيه بس علشان اوقع المباشره
واهما قالولي ماتستقيلين من دوامج الا بعد مااداومين عندنا

شرايكم بنات؟الراتب مغري
بس انا تعودت عالكسل والسهر والنوم في النهار
وعندي زوجي وبنتي عمرها 3شهور ونص اكيد محتاجتني شسوي؟اقبل ولا لأ؟

انا محتاجه الراتب وبنتي اخليها عند خالتي ام زوجي؟

منو جربت دوام البنك؟اقدر استأذن؟في اجازات؟
وشلون طريقة دوامهم كل يوم صبح وعصر؟والراتب للدبلوم كم؟
لاني انحرجت ماقدرت اسأل يوم رحت

انا رفيجتي توها مشتغله في بنك التمويل
واتقوول دوامها متعب لانه صبح وعصر
ومعاشها مع دعم العماله 700 دينار واهيه شهادتها دبلوم
والبونص ينزلهم كل 3 او 4 اشهر تقريبا 300 دينار

بنات الي شهادتها متوسطه +دوره دبلوم اداره مكتبيه

يقبلها البنك ؟

وجم يكون معاشها ؟

ولازم واسطه ماعندها البنت

اهي رفيجتي وقلت اسئلكم يمكن تفيدوني

اشكر كل وحده ردت على موضوعي

يلا بنات منو تشجعني ادخل ولا اقعد على دوامي؟

والله قعدي علي مينونج احسن لج معاشج ماشي من الحكومه غصبن علي الكل ودواااام مريح ولا القطاع الخاص البنوك و الشركات مووووووووووت والله ساليني انا كنت اب بنك والله اطلعت لي تجاعيد من الشغل من اللوعه لا انام ولا اطلع مثل الاوادم كرهت عيشتي ويهي صار هالكبر من التعب و الكرف و ريلي ابنك بعد مسكين حدا تعبااااااااااااان كرااااااااااااف متنا والله والحين الحمدالله رحت وزاره ومرتاحه صج معاش اقل بس مضمون البنوك حبيبتي مو مضمون و تعب لانه باجر اذا ما سويتي الاشياء المطلوبه منج التارقت يقولون لج برا يقضبونج الباب و كل شهر يزيدون يرفعون التارقت عليج والله صدقيني قعدي بالحكومه معاشج ماشي ومرتاحه وخصوصا انه عندج بيبي مثل ما قلتي هذا مكان مو مضموووووووون الحين ارتحت يوم رحت وزاره و لا قبل كل شهر اقعد علي اعصابي اخاف يفصلوني اذا ما يبت التارقت ولاشي او اي غلطه بسيطه حتى مو شرط اللي بالفروع حتى اللي بالرئيسي هم جذي كل شي محاسبين عليه لوووووعت جبد يذولج علي هالجم فلس وبعدين معاشهم عادي حبيبتي بس اللي يزيد عنه دعم العماله انا بوزاره الحين اخذ 500 وانتى حسبيها مع الاعمال الممتازه سنويا ناخذ 1000

يعني جذي جذي هم انطلع افلوووس و شغلنا مضمون بالحكومه محد يقدر يقولنا برا مثل القطاع الخاص لانه اموال انا و شركات مو مال حكومه اذا مانفعتيهم ما يبونج يشوفون غيرج بس الحكومه ديوان الخدمه و الحكومه ضامنتج محد يقولوج شي عرفتي و اهم شي راااااااااااااااحه بال و استأذانات و مرضيات و اجازات وطلعه مبجر اهناك هذا كلا انسيييييييييييه مافي اكو كرااااااف وبس ماتسوى عليج اذا حيل حيل متضايقه من المعاش نقلي من الاداره مالتج او من وزارتج سوي انتداب حق وزاره ثانيه عرفتي بس لا اتهدين الحكومه ابداااااا

ماشفت العافيه الا لما رحت الحكومه والله صج معاشي اقل بس مرتاحه و كل واحد له نصيبه اذا اشتغلتي في تقدير في اعمال متازه اخر السنه وفي بدلات الحمدالله اهون علي وايد من قبل لما كنت بالبنك والله نسيت حياتي الاجتماعيه اهلي ما يشوفوني ارد انام و بس من التعب

يعطيكم العافيه بنات

بس انا والله نفسيتي تعبانه من راتبي يعني موقاعد اساعد زوجي كلللش
الصافي من راتبي 170 دينار بس

مرات نفسي اشتري شغلات لاراتبي يكفي وانحرج على طول هات فلوس هات فلوس

وافكر اتعب بس مااقعد على هالوضع اكل ومرعى وقلة صنعه
وعلى الاعمال الممتازه والبنص احنا مو نفسكم كل سنه بس 100 دينار ومرات يتحسفون ومايعطونياها

قولولي شورو علي شسوي؟
170 زين تسدد فاتورة تلفوني والبانزين

وشنو المكان الي انقله ؟شرايكم بالتأمينات؟

شوفي حبوبه خل اقولج شي اول شي استخيري ثاني شي حطي ورقه وقلم

وحطي وزراه الصحه وحطي بنك التمويل وحطي الايجابيات والسلبيات وشوفي شيطلع وياج يعني مثلا

1- الوزاره
– دوام مريح
-ضمان مستقلي
-مرضيات واذونات براحتج
-ماكو مسؤليه على طبعا كلامج ان شغلكم خفيف

السلبيات
-معاش ضعيف

البنك
-معاش قوي
-مستقبل اذا انتي وحده تحبين الشغل
السلبيات
مرضيات واذونات حيل بحدود
شغل البنك مسؤليه كبيره ولازم تتقبلين التعامل مع الجمهور الي بيتعاملون وياج لان دايم العميل على حق
ماكو ضمان اذا انتي مو فعاله بالقطاع الخاص مو مثل الحكومه غصبن عليهم بيمشي معاشج ممكن يصير عدم تثبيت حقج اذا ما اثبتي جدارتج
دوام شفتين صبح وعصر

طبعا هذا شي افتراضي لا اكثر ولا اقل اضافه حق هالشي تقدرين تاخذين اجازه من شغلج اسبوع وتروحين تداومين بالبنك تجريبي انتي تجربين نفسج تشوفين انتي حابه الشغل ولا مو حابه تقدرين على شغلهم ولالا

اما نصيحتي الخاصه لج اذا انتي تحبين الشغل ولج طموح انج تطورين بمجال عملج وتقدرين على مسؤليه العمليات الماليه ولج خلق تعب والتزام وتضحين بجز كبير من اهتمامج حياتج ورا الدوام روحي

اذا انتي تحبين الراحه تعودتي عليها وترا هذا مو عيب كل انسان له طبيعه بحياته يعني في ناس تضحي بجزء من اهتمامهم بعايلتهم في سبيل معاش افضل وفي ناس لا تقول اشتري راحتي وحياتي الخاصه

والله يوفقج وين مارحتي

مشكوره حبيبتي داريت على النصيحه

وربي انشالله يكتبلي الي فيه خير

انا بصراحه احب الشغل والمسئوليه

بس انا من تزوجت تعودت على الرباده والكسل(من سنه و3شهور) لان دوامي حيييييييييييييل مريح وحتى لو اغيب بدون استأذان ومرضيات مسئولنا موافق بس لازم انسق بينا احنا الموظفات

علشان جذي اقول انا برجع مثل اول نشيطه ولا خلاص راحت علي

بناااااااااااااااااااااااااااااااااااااااااااااااا اااااااااات

بعد منو تنصحني؟؟

اختي ام مضاوي شلونج ؟
انا بقول رأيي بصراحه واقولج مشاءالله تبارك الرحمن ان عندج واسطه بيت التمويل لاني انا ميته عليهم وصارلي سنه مراكض وراهم وليما الحين مادقو والله يتمم عليج حبيبتي
شوفي الحين انتي استخيري ربج اول شي ثاني شي بما انج متزوجه تخيلي انج اداومين دوامين صبح من الساعه 8 لي 1 او 1ونص والعصر من 4ونص لي 7
وفي عندج الرئيسي ومجمع الوزارات يداومون الصبح بس بس المعاش مشاء الله تبارك الرحمن يوصل لي 900 تقريبا هذا بالبدايه وشوفي بعدين جم يوصل وانا اقولج ترى مو متزوجه يعني بجرب الشغل عندهم وبأخذ خبره واشوف نفسي اذا قدرت اكمل بكمل عرفتي اشلون وانتي شخسرانه جربي سنه اذا ماقدرتي حولي اي وزاره زينه والله يقدم اللي فيه الخير والله يوفقج ان شاء الله

حبيبتي مزيونه مشكوره عالافاده

والله ينولج الي تسعينله

انا مفكره اني اقعد فيه سنه بس اجرب
بس اخاف اذا قدمت على ديوان الخدمه واستقلت من بيت التمويل بطول على ما لاقي وظيفه وانا عندي قصد سياره باقي عليه 4سنوات انشالله اذا الله عطانا عمر

يعني الي استفدته من راتب بيت التمويل بقطه على السياره

عموما مشكورين حبايبي الي ردو علي وماقصرتو
وانا بفكر الف مره وبستخر قبل لا انقل
وشكرا بعد للبنات الي عطوني معلومات عن بيت التمويل

ام مضاوي شخبارج وشصار على بيت التمويل يعني تنصحينااا ننقل والا نمسك الوزاره اضمن

بليز لا تبخلون علينااا بالمعلومااات

للرفع