|
|
السلام عليكم ورحمة الله وبركاته ،
حبيباتي كويتيات .. شلونكم ؟
بصراحه انا حدي متأزمه 
آنا حامل وبشهري الاخير .. ولايعه جبدي من نفسي
اسمرّ جسمي وصارت بشرتي مو شي .. حاولت اهتم بس ماكو فايده احس الجلد مو جلدي
هذا غير الانتفاخ الغريب في صدري ورجولي وايديني ..
ومنطقة الرقبه معقدتني صايره جلحه وتجيب الهم زوجي اكثر من مره يعلق علي
بسألكم بس للي مجرب ..
هالشي طبيعي والا بس انا !!!
وهل عقب الولادة يرجع لوني طبيعي ؟؟؟
أمانه ريحوووني
انا مثلج والحين بالتاسع
ريولي متنفخه .. ورقبتي سوودااا .. وريولي وجسمي وظهري وكلي كلي خرااااااايط الوان
والله ما ابالغ
بس كله اقول حق زوجي .. واااي الحمدالله يارب ماصرت مثل فلانه حمالها غرييب صاير جسمها بقع ؟
ومن ايعيب ابشي هههههههه اقوله احمد ربك انا مو مثل غيري ترا في غيرك متحملين اكثر وحريمهم ايلوعوون الجبد من الحمال
وكذاا مره اقرا موضوع مثلن وحده تشكي من شكلها ومن زيااده وزنها .. ويكون هالشي مو فيني .. اقوله تعاااااال اقراا مسكينه اشفيها من الحمال
والله الريااييل على التعليق النفسي .. انتي بس دخلي ابمخه حجي .. مو اتقولين وااي صرت جذي واااي انا بطه واااي انا الوع الجبد وانا حامل
ترا صج اتم ابمخه وايشووفج مقرفه .. سوري على الكلمه بس الصج احنا مقرفات بالحمال ههههههههههههههه
وبالنسبه حق اتردين بعد الولاده مثل اول
اي اتردين بس بالرضااااااااااااعه لون الرقبه ايروح .. والباجي ايروح بسرعه سبحان الله بس عاد يبييلج اهتماااااااام بنفاسج
مو تنامين على روحج ..
واسفه كثرة حجي ..
ماعندي خبر والله
الله يسهل عليج
حتى بالبيت حاطه الشيله على رقبتي
المناطق الحساسه سوده ما ادري ليش مع ان هذا ثالث حمال لي بس حمالي الاول والثاني ماصار جذيه فيني !!!!
هذا اللي انا قاعده أسويــه .. كل ما تحجى الريال قتله الحمدلله ماني مثل غيري
اكو حريم اللهم احفظنا جلدهم يتقشر << استغفر الله عن الجذب بس شاااسوي مابي ينقرف مني
لكن حايشتني حاله احباط مو طبيعيه والسبب هالتغيرات المقرفه
انا انطر الولادة بفارغ الصبر عشان اشوف عيون البيبي الله يسهله ويحسن خلقه ويكمله بعافيته وعشان اسنع عمري واحس اني انثى
فديتج مشكوره ع المرور العســلي ^_^
اسأل الله العظيم رب العرش الكريم أن يرزقج بالذريه الصالحه ويفرح قلبج
عاجلاً غير آجلاً
خخخخخخخخخخخخخخخ أنا اشهد انج جبتيها رااااااااااااايت
ارقابنا تقول مدهونه بككاو خخخخخخخخخخخخخخخخخخخخخخ
عسى ربي يعين ويرجعنا مثل اول واحسن
وربي طمنتوني حسبالي بس أنا
فديتكم