بنــات الاعـلام + الاداره العامه ,,, رايـكم بـليز :}

بنات شرايكم بموادي والدكاتره حق الكورس الياي والي تعرف طريقتهم في الدرجات وشنو يطلبون ونظامهم لاتبخل علي

نظريات الاتصال الجماهيري – طلال التويجري
تحرير الخبر ومصادره – مناور الراجحي
مدخل الى الاعلان – محمد البلوشي
مدخل علاقات عامه – هبه المسلم
ادارة المؤسسات العامه – حامد الفريح

شفتي تقيييمهم ابــ موقع التقيييم ؟؟

اذا تبيني اكتب التقييم ،،، قوليلي

و موفقه ~

والله ياريت :$
لان كلش ما اعرف عنهم شي والموقع كذا مره حاولت اسجل فيه مايصير
انا بس اعرف عن دكتور مناور الباجي ما اعرفهم كلش

اب اب ما عرفهم والله
بس حامد الفريح ما يمدحونه
موفقه

اوكــــي ،،،،،

محمد البلوشي > مدخلل اعلان

دكتور فاهم مادته وتستفيد منه
دكتور يقدم لك علم

الحضور شي كبير عنده
ادرس عدل تحصل على الدرجه
ما يزيد غير فئه معينه من الناس

لا تستغرب إذا قلت له شي وما رد عليك
لا تستغرب إذا نقصت درجة بدون سبب مقنع

مناور الراجحي > تحرير الخبر و مصادره

أخذ عنده وأنت امغمظ

—————-

ما أدري ليش تغير هالكورس ( الأول 2024-2008 ) ، أغيب عن المحاضرات بشكل أكبير ، وما أطور من منجه من 3 كورسات نفس الماده العلمية ونفس الأمثلة ، لو شنو تكتبلة في الإمتحان ما تاخذ درجة كاملة ، ورقة الأسئلة ما فيها درجة السؤال ليش ما أدري ، ما أصلح الواجبات وبالتالي ما أتعرف شنو حلك صح أم خطأ .

————–

دكتور مناور طيب لي ابعد الحدود ..والطلبه والطالبات يمصخونها وايد معاه …يزفهم ويطلع يظحك …ههههههههه ما يعرف يزف كلش..يشتغل للطلبه ويحبهم..بس اذا تبون اي شي دقوا عليه وما يردكم ..
درجات بشكل عام كلها زينه ما اييب عنده سي الا اللي مطينها
يقدر اللي يشتغل وااااااااايد واللي ما يشتغل يعطيه قدره

—————

هذي 2 ماده اخذ عنده وماخذه الثالثه الحين

امتحاناته من النوت وحفظ وتسميع..

كميتها شوي الفاينل طلع 2 ص مطبوعه..

كدشنا بالهوموركات بس عطاني درجات تسو هالتكدش..

باختصار احضر+ حل هوموركات+ احفظ=اي..

مدخل علاقات عامه > هبه المسلم

المحاضره مع الدكتوره هبه عجيبه تطوف بسرعه واهي قمه في التعامل مع الطالبات والطلبه .. امتحاناتها صعبه بس تسااعد اخر الكورس وترفع حدها بس الدكتوره عجييبه

——————-

إنسانه قمه بالإحترام و الذوق.. صج صج علاقات عامه..
إسلوبها روعه و شرحها ينن و جدا متفهمه و تقدر….

يعني لو تحضر عندها و تشد حيلك ماراح تنسى هالشي و تعطيك حقك..

إمتحاناتها عاديه مو صعبه مثل ما قالوا و خرعوني، بس لإن إهيا تحط الإمتحان عام و عبارة عن دراسه حاله، و هذا دليل على إنها دكتورة فاهمه و عارفه شنو درس لإن إحنا إذا تخرجنا ما راح يسئلونك شنو تعريف العلاقات العامه، راح يعطونك حاله و يقولون حلها!!

و إهيا ما تقصر طوول المحاضرة تضرب أمثله وحالات مختلفه..

أما بخصوص البحث، أهوا صج متعب بس مفيد و إهيا متعاونه جدا، ما تعقد المسألة وبالعكس تشجعك و تقدر جهدك، و تقيمك على تعبك يعني تعبك ماراح يضيع على الفاضي عندها. و بآخر الكورس إنت المستفيد من البحث.

بختصار إلي يبي يتعلم ياخذ عندها لإنها دكتورة أكاديميه بمعنى الكلمة و أنا يشرفني إني خذيت عندها، و أكيد باخذ عندها بعد .
بالنهايه ربي يبارك فيها و يكثر من أمثالها.

—————

س/ شنو أسوأ شيء وأصعب شي على النفس؟
ج/ إنك تسوي بحث عند هبة
س/ شنو اللي اسوأ وأصعب منه
ج/ إنك تكتشف إنها ماتقراه!!!!
إي نعم وللأسف البحث عليه نص الدرجة 40 أو 50 وماتقراه والقريد ينحط على درجاتك اللي طافت وخصوصااااا حضوووورك ومشاركتك.
الدكتورة هبة تبي تاخذ عندها اي ويهك بويها وكل ماتشرح جملة رد عليها بجملة وتاخذ اي.
اسألتها المقالي كأنك تكتب تعبير عربي كثر ما كان أسلوبك مغري تاخذ فل مارك وماعندها إجابة غلط بالمقالي تقرق وتقنعها صح تقول إجابة بوسطر غلط اشرح لو بالكويتي تحب جذيه.
لاتكثرون مواد إذا خذيتوا عندها

—————

دكتوورة روعه بكل ما تحملها الكلمه من معنى

محترمة ابشكل مو طبيعي و اتحب الطلبة و اتعاملهم جنهم اعيالها و الصراحة هي من افضل الدكاترة في جامعة الكويت
مع اني خذيت D اب مادتين و -c اب مادة و طبعا هذا تقصير منيي انا مو من الدكتورة

شرح و لا اروع و استمتع في المحاضرة
امتحانات متوسطة الصعوبه على كثر ما تدرس راح اتزيد درجتك

—————-

حدها عجيبه وحقانيه بس اتموووووووووووووووت على التكدش كله واجبات بس صج صج انسانه فاهمه بس عندها عسي انا اذا دشت احترمي نفسج ولا تفجين الباب لانها ماراح اتدخلج وانسانه خلوقه ومؤدبه وراقيه بتعاملها وماتحب الملسن او اللي يقلون ادبهم واذا كنتي بتاخرين ودزيتي مسج حق رفيجتج ورفيجتج قالت لها اتخليج اتدشين وراها بس لازم رفيجتج اتقولها واهيا تنادي الاسامي يعني اذا نادت اسمج رفيجتج اتقولها وجدام البنات وامتحانتها نفس اللي بالنوت

اداره مؤسسات >> حامد الفريح

دكتور حامد وايد زين ومحترم وامتحاناته من اللي يحدده بالضبط .. الامتحان واااضح ما فيه اي صعوبة .. انا كنت خايفه منه بس الحمدلله درست اللي حدده ويانه وفهمته ويبت A
من ناحيه الغياب كل خميس اوف هذا غير سفرة المؤتمر كل كورس و غير انه يسامح احسن من وايد دكاترة .. اللي يقول عنه مو زين الصراحة فيه لانه الدكتور واضح و يعطي كيرف وشتبوون اكثر من واحد معطيكم 3 ارباع اللي داش بالامتحان من اللي يحدده !

———————

دكتور جدا محترم و طيب و شرحه ممتاز و حقاني جدا .. من أفضل دكاتره في قسم الإدارة .. ودي أخذ كل المواد عنده ….

——————-

وااايد زين
يودي رحلات
يسوي اسبوع ثقافي الي حاب اييب اي شخصة تتكلم في مجال تخصصها ويعطيه5درجات بونص

——————

دكتور محترم
صج اسلوبه مرات ينرفز
بس شرحه حلو
مادة سهله
امتحانات مباشرة كلها موضوعي
مايظلم بالدرجات ابدااااااااااااااا
حقاني ويزيد بالمشاركه من عنده

———————-

لا انصح بهذا الدكتور

——————

ما انصح تاخذون عنده كلش مو زين عادي اقولك بالفاينل انت مسوي زين واخر شي تنصدم بالدرجة واحسه وايد احط على الطلبة ، وما يعرف يشرح كل تخطيط من الكتاب والمادة سهلة بس اهوا يصعبها ولي يبي بونص 5 درجات يسوي برزنتيشن وامتحاناته موضوعي كلا المدتيرم والفاينل

—————-

امتحانات متوسط الصعوبة بس ماكو شرح كل الكتاب مطلوب بالفاينل وبس يخطط معاك المواضيع المهمة امتحانات اختياري، وانت شدة حيلك ممكن تاخذ A بسهولة .

————

دكتور يحب الفلسفه
تساله سؤال يرد على شي ثاني

واسلووب مو شي

ما انصح فيه

————-

نظريات > طلال التويجري

دكتور ممممممممل جدا جدا اسلوبه جااااف ودقيق بالبحوث علباله كلنا انولدنا علماء تروح تبي استفسار بسؤال يشرشحك ويهزأك طبعا اسلوب مااافي و المحاضرة تحس الدقيقه بساعه ممله لأقصى حد .. مايركز عالاختبارات وايد حيلكم بالبحوث وحدديييي لا انصح فييي

——————-

الدكتور بكل صراحه اول يوم ادشون عنده يعطيكم اياها من الاخر اقول انا دقيق او اهتم بالبحث البحث وايد مهم عنده ترتيب المصادر التنوع بالمصادر

اهوا واااااااااايد اسلوبه جاف بس بالقريدات حقاني او الامتحان مو مهم لو شنو اتسوون فيه مو مهم عنده كثر البحث هذا اهم شي بالماده

—————–

عن الدكتور طلال وبكل أمانه :

– بالنسبة للدكتور : الدكتور تعامله زوين بس وايد يشرح وما شاء الله عليه وايد فاهم بالنظريات وساعات يقط قطات على طلبه معينين من اللي مو منتبهين او غاثينه بالأسئلة الزايدة , ووايد يعطي عطل وما يدوام وهذا احلى شيء .

– بالنسبة للمنهج : المنهج كله عن النظريات وأغلبه اهوا اللي يشرح ويعطيك مذكره تدرس منها ووايد يلغي منها .

– بالنسبة للإختبار : كله مقالي وما عنده موضوعي وييبلك رؤوس أقلام وانت أكتب واستقبل ييبلك 14 سؤال بالفاينل بس يقولكم أكتبوا كثر ما تقدرون مو مهم عندي تجاوبون على كل الإمتحان , لأنه اهوا ما يهتم للأمتحان الأهم البحث عنده .

– البحث : هذا شيء مقدس عند الدكتور وعلى بحثك تاخذ درجتك يعني الإمحانات مو مهمه الأهم البحث , يخليكم تختارون نظرية ويعطيكم بحوث سابقة ويقول ضيفوا عليها معلومات ومصادر وأسئلة بحثيه وهذا راح يتعبكم وايد لأنه أغلب البحوث متكامله وصعبه تحصلون معلومات يديدة .

– بالنسبة للدرجات : أقل واحد عنده ياخذ ب- هذا يعني مو شيء والباقي كلهم فوق يعني انسى تاذخ س عنده الا اذا كنت ما تداوم والمفروض تاخذ fa يعطيك س- مكانها

بصراحه انصح فيه راح يكدشكم شويبه لكن بترتاحون من قريداته

——————–

دكتور طلال قريت عنه قبل لا اخذ عنده
وسمعت عنه وااااااااايد بان دكتور يحبط
بس اللي شفته منه اكثر
والله مو بس كرهت الماده الا كرهت الجامعه بكبرها
محاضره مملللللللللللللللللللللللللللللللللللللللللللللللل للللله لاقصى درجه يعني الدقيقه تمر جنها ربع ساعه من غير مبالغه واذا مو اكثر وجان زين نستفيد شي!
وعنده اهم شي بالدنيا البحث وكثر ما تشتغل وتعفس كل الكتب اللي بالمكتبه ما تفتك من كلمه "المزيييييد"
يقوول تعالوا المكتب واذا رحتله المكتب يحقرك ويصرفك ويقولك قول اللي عندك بالمحاضره!!! والله ما فهمنا اشتبي!!
باختصاار ما يعجبه العجب ولا صياام رجب
والله يكون بعوون المساكين اللي ياخذون عنده اللي ما بيدهم حيله مثلي
بس لووووو شنو مافكر اني اخذ عنده واجابله بعد

———————

eyaaaaniiiiin eldr 3ajeeeeeeeeeeeeb .. aham shay 3inda elba7th wetha taboon A+ wentaw emqamtheen takhthonha 3inda bs aham shay etarazezola min awal elcourse bilmaktab wetsawoon roo7kum mihtameen o malkum sheghel bilbajy .. ana khathait A+ ebhal6areeqa …. bs 7awlaw testa7melon eslooba 6ol elcourse o 7awlaw enkum matkalmona etha kanat nafseta khaysaa bs AN9A7 FEEH

—————–

وااااااااااااااااااااااااااااااااااااااااااااااااا اااااااااااااااااااااااااااااااااااااي
الحمدالله طلعت من المادة
الله يعينكم اذا تبون تاخذون عندة لانه اسلوبه غير حضاري كلا يفشل و يهزء الطالب و الطالبة ما يعجبة العجب كلا منفس
و البحث عنده شي مقدس الامتحانات مو مهم انشاء الله تييب 0 بالامتحان بس اذا كنت اوكي بالبحث تاخذ A
يحب الي يروحوله وايد المكتب و يسالونه يعني هذولي بنظرة مهتمين للمادة و يبون ال A و وقت تسليم البحث ودوله كل شي حتى المذكرات ملوت المقرر و المصادر و الاوراق و الواجبات كل شي قطوه حق اهو يحب جذي
مكتبة متروس ابحاث و كراتين ما تخلص
بس ترا بالنهاية يعطيكم قريدات حلوة ما تتوقعونه ادري من اول اسبوع تبون تسحبون و ما تتحملون بس نصيحة كملوا معاه و لا تراددونه اذا زفكم او قالكم شي ما يحب جذي و يعطيكم FA خلكم متحملينه لي نهاية الكورس و جوفوا قريداتكم الحلوة محد عنده يسقط مستحيل عني الي كلش مو مسوي شي ياخذ C اما الباجي A OR B

مشكلته انه يمسك اهم مواد الاعلام
مدخل و نظريات

—————–

كلامـي نفس كلام أخـــوي ebder26

بس آنا ما كملت عنده ! قلت له عطني FA ابي أعيد المـــــــاده !

آخــــر الكـورس عطانـــــي -C ،، زين حس

لانـه FA مو من صــــالحـه والكل يشتكي منه !

وإن شآء الله بعيـد المــــاده عن أي دكتور ثــاني وآخـــــذ فيهـــــا قريــــد عــــــــــدل !

ماااااااااااااااااااااااااااااااااااااا انصــــــــــح فيـــــــــــــــه

———————-

حاول تفهم شنو الي يبيه ويحبه

ورح تاخذ الـA

وانت مستانس

—————-

صج انه يكرف الواحد بس نطلع فاهمين و يعطيك على درجة شغلك

هههههههه الله يعينج بدووخيين الرد طويل ;/

حياااااااااااااااااااااااتي مشكوره وايد وايد ماتقصرين والله يعطيج العافيه فديتج كلج ذوق تعبتج معاي

up
up
up
up