|
|
السلام عليكم ورحمه الله وبركاتة
؛
يســعد مسـآآكم خواتي بنات الكويت
معكم دلال من السعودية أممممم أنا موظفة سابقه في أحد مستشفيات الخبر الخاصه طيب وأنخطبت لواحد من قرايبي وساكن بالخفجي وأضطريت أترك وظيفيتي 
والحين جالسه أفكر أني لو سكنت بالخفجي أدور لي وظيفة بالكويت بمستشفي خاص او مدرسة خاصه او اي شي بس تكون وظيفة منها اقضى وقت فراغي , ومنها اساعد زوجي على حياتنا المستقبليه خصوصاً ان خطيبي وضعه المادي مو ذاك الزود والحمد لله , الله يرزقة ويعوض عليه..
طبعاً الحمد لله خطيبي ماعندة مشكلة بالوظيفة بالعكس موافق ولاقال شي ابداً
بس حابه اعرف وش نظام التوظيف بالكويت هل يسمحون للسعودية تتوظف بالمستشفيات او مدارس خاصه او حتى بنك ..؟؟
شهادتي ثانوية عامة + دبلوم سكرتارية + عندي خبرة7 سنوات مستشفيات خاصه ,وحكومي لمدة 4 سنوات وأتكلم أنجليزي
بليـــــــــــــززز الي تقدر تفيدني بالهموضوع اكون شاكرة لها والله يجزاها ووالدينها الجنة
الله يرزقني وخطيبي ويرزقكم بكل خير من حيث لانتحسب
اخذي ارقام المستشفيات الخاصه وسألي ،،
والله يوفقج ..
اتصلي عليهم او دشي مواقعهم اذا عندهم دزيلهم ايميل … بس انا افضل انج اتيين الكويت وتيبين اوراقج وتقدمين على المكان اللي تبينه ..
انتي سألي اكثر وان شاء الله البنات يفيدونج :*
الله يوفقج حبيبتي
بالعكس في مجال تتوظفين
مووووفقة