بنتي و المغص شالحل؟؟

السلام عليكم

بنات انا بنتي عمرها اسبوعين اسم الله عليها و تعبت مع مغصها مادري شسوي!!

المغص ذابحها و مادري شالحل؟؟ اعطيها ماي غريب من الحين؟؟ و جم مرة في اليوم؟؟

المشكلة كنت اعطيها ممية حبة حلوة (ينسون) حق تطرد الغازات بس الحين ما قامت تتقبل

و مو قادرة اتنام مرتاحة من المغص حبيبتي، تنام نص ساعة و اتفز من الالم

ساعدوني بنات هذي بجري و محد معاي يساعدني الا الله ثم انتو

ابي حل سحري لهالمغص، و شكثر السالفة مطولة

عطيمها غازز من الصيدليه

اعطيها ماء غريب عند المغص الشديد (عند اللزوم)
وفي من الصيدلية دواء اسمه دنتينوكس بيعطى بعد الرضاعة
وفي ايضا دواء ( ثايميثيكون) وهو طارد الغازات ويؤخذ 4 مرات في اليوم

شوفي يالحبيبه دهني بطنها بزيت زيتون دافي بس ديري بالج من التكييف طفيه علشان لا تستبرد وسويلها مساج على بطنها باصابع ايديج بحركه دائريه نفس اتجاه عقارب الساااعه،وعطيها ماي غريب مع شوية ماي في المميه ،واقلبيها على بطنها على فخذج وطقطقي على ظهرها بعدين اقلبيها على ظهرها وامسكي ريولها ودزيهم ناحية بطنها بحركة خفيفه علشان تضغطين البطن وتطلع الغازات وماعليها الا العااافيه وهذي امور جدا جدا عادية وطبيعيه

شوفي اختي احتمال كبير يكون التنظيم لوقت الرضاعه عندج غلط وهذا غلطه نقع فيها كامهات خاصه بالبجر لان لازم يتنظم وقت الرضاعه والاهم من هذا لازم الجهال بعد الرضاعه اتحطينه علي كتفج او علي ايدج وواطبطبين علي ظهرم من تحت لي فوق يعني مثل المساج بس بطبطبه خفيفه وتبدين من اسفل الظهر لي فوق مع المسح مادري شلون اوصفلج الطريقه بس ان شاء الله فهمتيها
والاحتمالات الثانيه
يايكون من الحليب نفسه او اذا ترضعين طبيعي يكون انتي تعطينه هالغازات من حليبج
وفي حل ثاني اللي اهو تعطينها العنزروت بس بكميه جدا صغيره العنزروت هذا حبه مثل المر بس لزج شوي يعني تاخذين حجم حبه العدس تقريبا مره وحده بس وراح تنزل اي شي بطنها من غازات او تكرمين خروج اكرر مره وحده بس لان كثرته تسبب اسهال للبيبي وعندج بعد ماي التمر تنقعين حبات تمر في ماي دافي وتشخلين الماء ماله وتعطينها مره باليوم
والكمون زين بس ماينفع لعمرها
وربي يشافيها يارب

بونيسان وايد زين بالصيدليات

ودهنيها بزيت زيتون دافيء وقمطيها وربيها نقوع التمر او شاء ميلوبا (الشمر ) بالجمعيات

حتى انا بعد ولدي

مشكوريييين ما قصرتوا على هالنصايح المفيدة