بنتي و القصير مشورتكم يا امهات

السلام عليكم

انا جد محتاره مع بنتي لما بلبسها قصير هي عمرها 5 سنوات و في ريلها شعر مو كثيف لكنه طويل
وحيل اتحمس البسها شي قصير مثل برمودا او شورت او تنوره لكن احس شعر ريلها يشوه عليها
ممكن لاهنتو تشورون علي يا امهات شنو الحل مع الشعر اللي بريلها هل اقصه ولا شلون اخفيه ؟؟ خاصه انها بنوته و تكسر خاطري ؟!!

حرام عليج صغيره شكو الشعر اكيد جاهل طبيعي بيصير برجولها شعر
لاتعقدينها عادي نشوف جهال رجولهم شعر ويلبسون قصير وبرمودات وشحلوهم محد ينتبه

بس اذا الشعر زاايد حييييل ومسبب لبنتج احرااج انا اقول حاولي وهي نايمه جنج تدلكين ريولها وبالمقص قصري من طول الشعر بس لا تشيلينها بالمره حاولي تقصرين ششوي مني شوي مناك لمى تحسينه خف تشيلينه بالمرخ

عادي اختى وايد اشوف البنات حتى شوارب عليهم كثافه عندهم بالشعر خليها عادي صغيره لاتقصينه يكثر اكثر واكثر

حرام اختي بنوتج بعدها طفلة بريئة لا تحظين في بالج هالامور … هذا شي طبيعي يولي اللبس والهدوم بس اهم شي تخلين بنتج طبيعية

حرااام توها صغيره لا تشيلينه بعدين راح يكثر

يتروالي مهما كان كثيف مو مثل الكبير يعني ماراح احد يحس فيها خليها حبيبتي لاحقه على الشقا

اختى وردة حبيبها الله يخليلك بنتك وتشوفينها تشيل حق ليلة العرس بس نصيحه كثفى عليها كريمات الترطيب وراح يفتح الون وماراح احد يلاحظ الشعر وحده من معارفى تسوى لبنتها خلطات بس انا ماحب الا كريمات الترطيب عشان مامنها مضره والله يحفظها للك

uppppppp

لا حبيبتي لا اتسوين لها شي حرام تتعقد

انا اقول لبسيها وونسيها توها صغيره و لاتحطين ببالج عادي وايد يهال مشعرين و يلبسونهم قصير محد بحط بباله

مشكورين ماقصرتو

غزاله شنو نوع الكريم ؟؟