بنتي وحساسيه اللاكتوز متوهقه شسوي ؟؟

قوه امهات ….

بنتي عمرها 11 شهر
من 4 شهور صار معاها اسهال متواصل لي قبل جم يوم
4 شهووور اسهال

ولا عارفه شالسبب غيرت حليبها زاد الاسهال
وديتها المستشفى قالو لازم تحاليل ولويه
اخر شي طلع معاها حساسيه من اللاكتوز
يعني ممنوعه من الحليب وكل منتجات الحليب

المشكله الحين …
شنو اعطي بنتي تاكل ؟
تكسر خاطري والله مادري شنو اعطيها

قبل كنت اسوي لها توست وجبن صار ممنوع
سيريلاك ممنوع
مهلبيه وكستر ممنوع
قيمر وعسل ممنوع
الروب ممنوع
بيض ممنوع

شسوي احس بنتي يوعانه
وملت من العيش والبطاط والموز والخضار
وهم مايصير اعطيها ع الريوق عيش وبطاط شنو اعطيها؟؟؟
اليوم ع الريوق عطيتها بسكوت وحطيت معاه حليب الصويا (اهو الحليب اللي صرفلي اياه الدكتور)

بليز اللي يعرف وعنده خبره يفيدني
ابي اعرف شنو الاكل المناسب لها

الله يشفيها

امين يارب

امهات لاتبخلون علي بالردود

وياليت اللي يقرا الموضوع ومايقدر يفيدني يرفع الموضوع

الله يشفيها
شوفي حبيبتي لازم تعطينها كالسيوم
لان الحليب الخالي من اللاكتوز او حليب الصويا مايعطيها احتياجها من الكالسيوم
وبالنسبه للاكل
ماعندي فكره ان شالله البنات يفيدونج

دانه اي هذا اللي قاعده اسوي فيتامينات وكالسيوم شغاله عليها
بس ابي اعرف الاكلات اللي اقدر اعطيها

اممم شوفي اللي اعرفه حق الكبار يعطونهم دوا نفس الانزيم اللي يكسر اللاكتوز لان جسمهم ما يطلعه و ياخذون منتجات الحليب مع الدوا لكن مادري اذا هالدوا يعطونه اليهال ولا لا ماعتقد ف ماعندج حل الا النظام الغذائي اللي مافيه لاكتوز كلش *

الله يشفيها يارب ..

ياحياتي هي

اب لعيووونج

مشكورين بنات الله لايوريكم مكروه بغالي

امين تسلمين جبيبتي

روحي لدكتور تغذية يفيدج اكثر
والله يشفيها

الله يشافيها

عطيها فواكه تفاح برتقال كيك بفك

سوييلها خضروات مفيوحه قصصيها طوال عيها

انشالله البناات يفيدوونج

……………….

ياعمري تكسر الخاطر صغيرووونه الله يشفيها يارب

كيك فيه منتجات الحليب
خضار ماتاكل الا مهروس واعطيها مع الغدا