|
|
السلام عليكم و رحمة الله و بركاته ,,,
انا بنتي عمرها 5 سنوات ( الله يحفظها ) واليوم لاحظت عليها انحراف بعينها اليسار لي داخل يعني حول بسيط !
طبعا اول شي ما استوعبت المشكلة و قمت اطالعها عدل و فعلا قاعد يصير فيها حول متقطع يروح و يرد كل شوي …. طبعا على طول طرت فيها مستشفى البحر حوادث العيون و قالي الدكتور: مبدئيا فيها انحراف و راح احولج حق استشاريين الحول يوم الاحد الياي !!!
طبعا انا ما فيني انطر لي الاحد و منظر بنتي جذي جدامي وكنت طول الوقت ابجي واستغفر ربي و احاول اني ما اطالعها لان قلبي يعورني و امووووت من البجي ودي فيني و لافيها .gif "Eh S(2)")
و طيران حق مركز الدكتور سامي الربيعة وقالي : فعلا فيها انحراف و هذا شي من واهي صغيرة بس ما بين الا الحين و اهو بالنهاية راح يطلع و اهو طول النظر وقالي علاجها نظارات طبية لمن يصير عمرها 9 او 10 سنين والله اعلم !!
الحين مشكلتي اني خااااااايفة حيييييييييل على نفسيتها من اصدقائها اللي بالمدرسة او اليهال من اهلنا يتطنزون عليها ولا يطفرونها و بالتالي يأثر على ثقتها بنفسها انا مو عارفة اشلون اتصرف او شنو اسوي خصوصا انه لبس النظارات الطبية بسن حساسا وسن نمو شخصيتها ؟؟؟!!
اهي حاليا مستانسة على فكرة النظارة وتبيها لون وردي وفيها قلادة بس اخاف يصدمونها ربعها بالروضة الاسبوع الياي وترد البيت تبجي ؟؟
ساعدوني اشلون اتصرف ؟؟!!!
اللحين وقت الدعاء ادعي لها
وحاولي تشترين له النظاره ام قلاده وملونه عشان تاقلم معها وماتحسن انها طبيه
حاولي انج ماتبينين لها حتى لو تلبيسن اي نظاره عاديه عشان ماتحس بتفرقه بينكم
الله يكون بعونج ويشفيها لج يارب
صارت لبنت عمي وهي وعمرها3 انهبلنا عليها وهلها انجنو ماخلو مطوع ماراح له بس بنت عمي عين انحسدو وصارت بالبنت وللحينه الابسه بس قالوها بس تكبر تحسن
حبيبتي مشكووورررة على ردج ومرورج اللي ريحني والحمدالله على كل حال ,,, انا مفكرة مثل ماقلتي اني البس نظارة معاها وا شاركها عشان ما تحس بالفرق …
وانا من اليوم اقرا عليها المعوذات واستغفر ربي بنية انه يشافيها بإذنه الواحد الاحد , وادعي ربي يشفيها عاجلا غير آجل اللهم آآآآمييييين
اشكرج مرة ثانية على مرورج و الله يشفي بنيتكم وكل مسلم مريض ان شاءالله
صراحه حاسه فيج لان هالشي صار لاختي عمرها 9 سنوات بس الحمدلله ما طول
امي ودتها لمطوع عطاها ماي مقري عليه وبعدين راح الحمدلله والشكر
بس انتي لاتبينين لها انه نقص او شي لان الاطفال يحسون بمشاعر الكبار
ازرعي فيه الثقه وانه شي طبيعي وعادي راح تحس انه طبيعي
اما اذا كنتي خايفه ومتوتره راح تحس انه مو طبيعه
يعني الي ابي اوصله ان انتي الي تقررين انه هالوضع طبيعي ولا لا
اسفه حبيبتي اذا طولت وقرقرت كثير بس حبيت افيدج
والله يعافيها واخوانها من كل سووووء يارب
|
المشاركة الأصلية كتبت بواسطة toosh
 شوق العتبان
حبيبتي مشكووورررة على ردج ومرورج اللي ريحني والحمدالله على كل حال ,,, انا مفكرة مثل ماقلتي اني البس نظارة معاها وا شاركها عشان ما تحس بالفرق … اشكرج مرة ثانية على مرورج و الله يشفي بنيتكم وكل مسلم مريض ان شاءالله |
حنا خوات مابيننا شكر ولوو
والله يشافي بنتج وبنت عمي يارب الدعوه مستجابه بهالوقت
والله اليوم وديتها عند وحدة طبابة قالت عندها ( شهوة ) لاني انا جم مرة سافرت بدونها والظاهر هذا السبب مو سبب طبي والله اعلم
طبعا انا مكملة معاها من الناحية الطبية وناطرة نظاراتها تخلص الاسبوع الياي بس خلال هالوقت بشوف علاج هالطبابة و برد افحصها عند طبيب مرة ثانية واشوف شنو يصير معاي وان شاءالله ما تحتاج تلبس النظارة
ان شاءالله خييير بنات الله يعافيكم اللي تعرف عن هالسوالف جان زييين تفيدني ؟؟
زرعي بشخصيتها الجرأه والثقه عشان تقوينها
وهـ الثقه لو زرعتيها بداخلها تنفعها بكل شي بحياتها موبس بموضوع النظاره
انا لبست النظاره صغيره
وكنت وايد احبها لأن امي تشتريلي الوان وماركات حلوه
ولين عمري 24 وانا البس نظاره
وماكنت ابي اسوي ليزك لأني حابه النظاره على ويهي
وصرت اتابع موضة النظارات والماركات شنو ينزلون
كل شي بحياتج اذا حببتيه لنفسج بيصير حلوو ^_^