|
|
مرحبا بنات انا عندي مشكله مع بنتي الله يصلحها .. اهي الحين بثالثه ابتدائي ومن كانت بأولى وهي انطوائيه وهاديه جداً وتخاف وتستحي من البنات والابلات .. لما كانت بثانيه ابتدائي حاشها السكر وهي حالياً تاخذ اربع آبر في اليوم والحمدالله على كل حال المشكله زااادت مع السكر صااارت عصبيه حيييل ونفسيه اي احد يكلمها لو يتغشمر تعصب وتزعل ومرات توصل لمرحله البجي .. الحيين هااابه بكثره الغياب وانا مشكلتي عصبيه وانرفز بسرعه ولاتشوفون حالتي الصبح معاها عشان تقوم تروح المدرسه يعني فوق ماهي مو متقبله المدرسه والبنات والابلات حاشها السكر وقمت اخاف اضغط عليها لان السكر حيييل يرتفع اذا عصبت او تضايقت وانا حييل اعصب اول شي اكون ماسكه اعصابي بعدين خلاص مااقدر تفلت اعصابي وامد ايدي من حرتي عليها .. واهي تكسر الخاطر والله اخاف طيح مرات علي من كثر ما انا حاره معاها .. اخرتها اليوم عطيتها محاظره طويله عريضه وكلمتها بهدؤ بس عمك اصمخ مع انها ذكيه وشاطره واذا غابت دايماً احرص ادرسها في البيت الي طافها بس شي يضيق الخلق الغياب اثر عليها حييل وزاد من انطوائيتها وفوق هذا طوفها اشيا كثيره بالمدرسه .. مع العلم يابنات اهي بالبيت ومع اخوانها ومع خوالها طبيعيه جداً وسوالفها حلوه ولسانها طويل بس الي مو متعوده عليييه ماتتقبل منه اي شي وولا تاخذ راحتها عنده تقلب تصيير خجوله وتنطوي على نفسها وحييل متعلقه فيني .. قرقت واااجد بس جد تعبانه مادري شلون اتصرف معاها احترت والي متعبني اكثر هو السكر والا جااان قدرت اتصرف .. ابي حل يابنات شلون تحب المدرسه وداوم وطبعها المتعب هذا شلون يتغييير مع انها تعتبر ثالثه ابتدائي يعني مو صغييره حيييل المفروض انها تعودت على جو المدرسه وكونت صداقات بس ولاشي ماتمشي مااحد ولاتكلم احد فيدوني افادكم الله وادعو ان الله يشافيها من السكر ..*
كلمي الناظره تكرمها بيوم من الايام والهديه تكون منج .. عشان شطارتها بالمدرسه وشجعبها عالدراسه و قوليلها قصص وسوالف يوم كنتي صغيره
ايامج بالمدرسه يمكن تطبق ..
و قولي لخواتج واخوانج يشجعونها وابوها .. و كلمي المدرسات و ان شا ءالله يشجعونها و نوميها مبجر عالثمان و ان شاء الله تقوم نشيطه وتحب المدرسه
ماعندي فكره حبيبتي
ما سويت شي تستاهلين وعسى ربي يشفيها ان شاء الله
اب
لا تلومينها اذا صارت حساسه و ما تتقبل الكلام من كل البنات
بس والله لو يصير عندها صديقات و المدرسات تلاقي منهم الكلمه الطيبه و اذا جاوبت او حلت شي صح يمدحونها جدام البنات و يعطونها من هالحجي الحلو اكيد رتح تحب المدرسه اقل شي توصين المدرسات عليها
و يا ليت يكون معاها ف المدرسه من بنات خوالها او عمامها تستانس معاهم
وجيبي هدايه من ابو ١٠٠جم لعبه البنات صفها عشان يحبونها ويقربون صوبها وتصير عندها
صديقات واجد
سوال مهم شلون جا السكر
لا تضغطين عليها
راعي مرضها
كوني رفيجتها
الله يشافيها لج
مادري بس خليها تتعرف على البنات بالصف
اذا يصير سويلها حفله صغيره بالمدرسه خليها تحب البنات
وهي من نفسها ان شاءالله تحب تداوم