بنتي للحين تقعد وايد بالليل وتحن!! تعبت يا ناااس

السلام

بنات بقيت اسألكم ..

انا بجرية وماعرف شي عن هالسوالف .. بنتي عمرها 8 اشهر تقرييبا ..

للحينها تقعد بالليل وايد يمكن 4 مرات جذي تشرب حليب وتبي مصاصتها عشان ترد تنام !!

عادي ؟!!!!!!!!!!!!!! مو المفروظ تتعدل نومتها ؟؟؟ والله تعبت خصوصا انها تنام 11 ولازم أقعد حق دوامي بعز الصبح

هلا حبيبتي ام مريوووووم

شلونج وشخبارج وشلون مريومه الحلوة

عادي حبيبتي قومتها السبب معروف لانج تعطينها رضعه بالليل خلي آخر رضعه 11 وبس اليوم الثاني عطيها الصبح متى ما قعدت عال 7 أو 8 جذيه ..

هذا اللي مخربط نومها

ما عليها الا العافية وانا حمودي ترى جذيه يتحلم بالليل انتي قبل لا تنام بنيتج لقري المعوذات 3 مرات و آية الكرسي

معانااته أنه بنتج تنااام واهي مو شبعااانه 8 شهور يعني تااكل انتي لازم تعطينها شيء تاكله بليل على الساعه مثلا 8 ونص موزه أو بسكوت مع حليب أو أي أكله مهرووسه وقبل لا تنااام يعني بعد ساعتين عطيها حليبها وتناام ان شاء الله .. أنا أعيالي جذيه لاحظت أنه لما أعشيهم وينامون ما يقعدون الا مره وحده .. جربيها وان شاء الله تنفع

حبوبه المفروض نومتها متعدله من زمان
المفروض تقطعين رضعه الليل
الفروض من 6 شهور توكلينها عدل بالليل
وعقب ما تعشينها وتشبع قبل لا تنام عطيها رضعه
وان فزت عطيها ممه ماي وشوي شوي راح تتعود
عشان انتي ترتاحين وتنامون عدل

الصراحه انا مو متزوجه بس عندي عيال خواني.. 8 اشهر تنام نومه وحده و اذا قعدت تقعد مره وحده بس!!
تاكل قبل لا تنام تشبع؟! يمكن تقعد من اليوع!
غيرتي حليبتها؟ تشرب الحليب اللي حق سنها؟!
مريضه؟ اقصد خشمها مصكر او بلاعيمها تعورها؟!

هم انا ولدي اسم الله عليه عمره 8 شهور بس بالليل يقعد كل شوي يبجي ويتحلم
بس نفس ما قالو البنات وكليه بالليل وبعدها عطيه مميه واسم الله عليها راح اتنام وماتقعد لج الا الصبح

شوفي حبيبتي الياهل لي نام يرجع عليه كل الي صارله الصبح

يعني اذا كنتي تضحكينها وايد او اطيح او شي تفازز بليييل اقري عليها وصج لاتعلمينها كل ماقامت تعطينها حليب

بس عطيها مصاصه ترد تنام ولاتشيلنها من فراشها

هلا ام مريوم حبيبتي

شوفي البيبي لازم تشبعينه عدل قبل النوم بجم ساعه وتالي لي بغت تنام تعطينها رضعتها ..

واذا تبينها تنام بعد مارتاحه بعد ماتعشينها نطري بو ساعه خليها تتعب وتحن عادي نصيحه نصيحه نصيحه سبحيها ودفيها وعطيها ممتها ونوميها وشوفي شلون تتعدل نومتها مع السباحه اليوميه اذا مو كل يوم على الاقل يوم وترك ..

انا عيالي كلهم ينامون من 11 لي 10 الصبح والسبب:
سباحه الساعه 10.30مساء كل ليلة
الكبار عشا والصغار حليب لين يشبعون
تفريش الاسنان ونوم عميق لي الصبخ عشر او تسع يقومون
واتمنى اكون افدتج لان السباحه تيوع الياهل وتهثله وتخليه ينام مرتاح وذاا عندج صابون جونسون بالبابونج هم يساعد على انهم يخدرون ويبون ينامون

انا ولدي عمره سنه ونص وللحين يحن بليل !

مره يقوم يبي حليب ومره خشمه مسكر ومره مادري شفيه ..

صج زهقت !

بس بجرب الاشياء الي قلتوها ان شالله تنفع ..

الله يساعدك

عادي شئ طبيعي هالقعدات الموذيه
بس بسأل أي أكثر شئ تشرب الحليب النهار أو الليل؟؟؟؟
يمكن الليل تجوووع أكثر من النهار

حبيبتى يمكن طبيعة الياهل جذى
ما بى اضيق خلقج بس ولدى الكبير ظل جذي لين صار عمره ثلاث سنين بعدين تعدلت نومته
و ولدي الثانى عمره الحين سنتين نفس حال ولدى الاول كل شوي يقعد
مع انى سويتلهم كل اللى ذكروه البنات و يمكن اكثر
الحمدلله على كل شي الله يحفظ عيالنا من كل مكروه

مشكورين حبايبي ..

بجرب اللي نصحتوني فيه وانشالله خير

يمكن اتنام العصاري وقت اطول وعطييها ماي غريب قبل لاتنام