|
|
السلام عليكم
شلونكم يا أمهات
انا بنتي الحين 11 شهر
بس نومتها موراضية تتعدل
تييها ايام لي 3 الفير ماتنام
وايام من 11 تنام
ونادرا ماتكمل نومتها متواصلة لي الصبح
لازم تقعد بال4 او ال5 واذا كثرت تنام لي 7 .. أعطيها الحليب وترد تنام لي 12 الظهر تقريبا
ولي الحين لازم أنومها بحضني وأهزها قبل بعدين أحطها بسريرها
مستحيل ترضى أحطها عالسرير وأنومها
ومادري ليش نومة الظهر تنام بسرعة بدون حنة
بس بالليل تقعد تبجي وتبجي وتبجي لين تنام
انا اللي أعرفه ان اليهال مع السنة تتعدل نومتهم
…
قبل لا أطلب منكم الحل
هل هاذي تعتبر مشكلة؟
ولي متى راح تظل تعذبني في نومتها
كذا هم اليهال ما ينامون إلا الظهر والليل كله يا رايقين يا يبجون
مزاجييييييييييين لأبعد حد
وما هي مشكلة عادي على ما عودتيها عليه
وعليج بالصبر ولا تنسي حديث المصطفى صلى الله عليه وسلم ( الجنة تحت أقدام الأمهات )
يسعدني أول من رد على موضوعج
وتقبلي مروري
كنت ارضعها طبيعي وتوني فاطمتها وصايره حيييييل متعبه كل شوي تقعد ماتواصل نومتها ما ادري شسوي معاها
عطونا من خبراتكم ياامهات
عمره 11 شهر ولي الحين نومته مقطعه لازم يفز
الله يكوون بعوونا بس
11 شهر وما ينام الا بالهز وبليل يفز مرات يبي حليب ومرات يبي المصاصه
بس قطعت المصاصه صارلي اسبوعين احس اسنانه اختربت منها طالعين بشكل غلط
وصاير يحن بس حاقرته ولازم اضغط شوي عشان يتعود
انا بنتي عمرها 11 شهر تقوم الصبح مبجر 8 تقريبا تنام الظهر ساعة وتنام قبل المغرب تقريبا نص ساعه او ساعه وبالليل اذا طولت 10:30 – 11 تنام
وطبعا وايد تقوم بالليل لان هالعمر عمر تسنين – والتسنين مؤلم جدااااااااااااااااا يفزز البيبي من عز نومه ، بالاضافة انها تكون تبي ترضع
فأنا شسوي أحاول أوفرلها الجو اللي يطول نومتها :
جل على لثتها قبل لا تنام ، أأخر وجبة العشى وأثقلها – غالبا سيريلاك – أبدل كل ملابسها قبل لا تنام
واذا حسيتها طول اليوم متألمة ومالها خلق من التسنين أختصرها واعطيها مسكن قبل النوم – أدول – تايلنول – بندول أي شي منهم متوفر.
لا تخلون الياهل ينام وايد بالنهار.
الله يعييينا
صراحة طمنتوني
انا كان عبالي بس بنتي
دام كل العيال جذي .. يعني عادي
خلاص عيل كيفها خل تنام متى ماتبي p:
بس انا بنتي ليلحين ماطلع عندها ولا ضرس ^_^ الله يعيننا
الله يخليلكم عيالكم ويحفظهم من كل شر
انا ما واجهت هالمشكله بعيالي كانوا شحليلهم عال 5و11 نايمين نومه وحده للصبح بس هالدلوعه طلعتلي جذيه
فالكالسيوم ينسحب اكيد بنيتج تحبي صح
من كان عمره 6 شهور وانا معدله نومته
مو اي وقت ينام
انا انومه على كيفي
قبل فتره كان يقعد 8 الصبح وبعدين انومه العصر بو ساعه وحده ساعتين
وبالليل 10 نايم لي الصبح بس يقعد اذا ياع ويرد ينام
الحين تغير نظامه ينام 9 بالليل وما يقعد الا وقت ما يبي مرات 8 الصبح ومرات 9 ومرات عشر
بس طبعا بالليل يفز يبي حليب او يقعد بسريره لما اتييله نومه مره ثانيه او يشقح عندي
ولما يقعد الصبح ما ينام الا باليل
ما ينام العصر
واذا نام شويه ما يكمل ساعه
وتمسك اي شي تحاول توقف 
بيتي بوب شلون معدله نومة ولدج الله يخليه؟
…
كل اللي ردوا الله يحفظلكم عيالكم ويبلغكم فيهم