بنتي عصله تضيق الخلق

عمرها 4 شهور حليبها نوفيلاك ضد الترجيع طبعا المفروض حق عمرها 180 بس اعطيها 120 لاني جربت 150 ترجعه قمت احطلها العيش مال الاطفال مع الحليب ترجعه شسوي وشكثر لازم احط عيش ابي شي يمتنها

وفوق هذا ماتنام عدل نومتها تلوع الجبد نادر ماتنام ساعه متواصله بالليل نومتها زينه ساعات بس بالنهار لا شالحل؟؟؟

حبيبتي اسم الله عليها اهم شي الصحة والعافية لاتحااااتين المتن توها عنونة الله يحفظها ليش العيش مع الحليب ؟؟ توها وبعدين يمكن الترجيع من نوع الحليب في حليب خاص للاطفال اللي يرجعون أو من العيش مع الحليب عطيها نقوع التمر وسلامتها

حبيبتي حليبها ضد الترجيع والعيش بدون قمح وحبوب تهقين ثقيل على جبدها

انا ولدي البجر ما كان يرجع بس يوم قمت اكثرله قام يرجع منغث وشبعان اشدعوة المتن زين ؟؟ احسنلها من عيون الناس الله يحفظها

انا بعد ولدي ضعيف واللي يشوفه يقولي جن اربع شهور او اقل
ماايشرب عدل ولا ياكل ماني عارفه شسوي

لاتعطينها عيش توها صغيرها
الحليب غذائها للشهر السادس
بس ذوقيها واجد
اكليها كم ملعقه زبادي قليل الدسم
بس بالبدايه ملعقثه صغيره
لاتكثرين عليها ابد وبالتدريج
عصير برتقال مخفففففففففف بمويه ملعقه بعد
بس تتطعم اما عندك رضعة التمر مفيده وخصوصا للمساك وانتي عارفه طريتها اكيد
امي دايم تنصحني بموية الرز المصري يقولون مفيده بس ماجربتها الا على شهر
6 الله يخليها ويكبرها ويطلع سنون بنيتي

جربي عطيها ماي سلق الرز
ان شاء الله يكون مفيد

ماتقصرون حبايب قلبي مشكووووووووورين