|
|
السلام
شلونكم بنات
الصراحه بقولكم قصة بنتي
وايد متعبتني
ماتاكل… ماكو شهية بالاكل.. يعني عادي عندها يمر يوم كامل ماتحن عالاكل
اهي عمرها اسملة عليها 10 شهور بس شكلها بو 6 شهور من الضعف
وحليبها يادوب باليوم رضعتين وبالغصب
والكل ملاحظ انها كل ماله وتضعف زيادة
اللي تعرف دكتور او عيادة حق هالشي يتعالج فيه الياهل من ناحية الشهية وجذي بليز فيدوني عفية بنات
انا وايد احاتيها وافكر باكلها وشربها
الاكل لما بوكلها ياه ماتفج حلجها معاي مولية تصكرة حيل
اهي من اول مابديت معاها بالاكل وجذي … وجربت كل انواع الاكل معاها.. الجاهز والطازج وطباخ البيت
ماكو فااااااايدة…
منو بنتها او ولدها مروا بنفس هالمرحلة؟؟؟؟ تقوللي عفية بنات مالي الا استفسر منكم
.gif "Eh S(11)")
ذبحني حجي الناس عبالهم انا ام مهملة مااهتم لاكل الياهل … مع اني احب اوكل واطبخ حق اليهال.
ومشكورين
شوفي انا اكتشفت ان الياهل له ذوق يعني يمكن ما تحب الاصناف اللي تعطينها
وهم يمكن فيها نقص فيتامينات تسوي فقدان شهية
انا ولدي ياكل بس ما يمتن واذا مرض ما ياكل خير شر حتى الحليب
قبل لا يكمل السنة عطييتة شراب كيدو بالصيدلية عبارة عن فيتامينات وفاتح شهية
ولما كمل السنة عطيتة دوا pediakid فاتح شهية
وهم بنفس الوقت عطيتة دوا اوميغا 3 للأطفال
ان شاء الله افدتج
لازم اتاكد اولوباجي البنات اللي يدشون شدعوة محد عنده فكرة؟؟؟
مع ان بنتي عمرها 3 سنين وزنها 10 ك
وش الحل مع العيال
والله بناتى يننونى اسم الله عليهم ما ياكلون
بس اللي اذكره لما كانو في عمر بنتج الله يخليها لج كانو ياكلون شوي بس اكثر شئ الحليب و عن كبر ما قامو ياكلون
انتى تعطينها قرع؟ اذكر بناتى كانو يحبونه اهو و التفاح
|
المشاركة الأصلية كتبت بواسطة الرها
 والله نفس المشكله
مع ان بنتي عمرها 3 سنين وزنها 10 ك وش الحل مع العيال |
كل اللي اقدر اقولج اياه نوعي لها بالأكل جربي الموز بالحليب غيري النوع وشوفي شنو تتقبله اكثر وتقدرين تخلطين بسكوت بالحليبه ..ونصيحتي من قلب لج عطيها ماي زمزم وايد مفيد وغني بالفوايد ايعوضها النقص بالأكل واهو ماي مراح ترفضه وطمنينه عليها
حبيبتي انا عندي بنتين وحده عمرها 3 ونص والثانيه سنه وشهر الله يحفضهم يارب
والله ياقلبي بنتي الكبيره كانت مثل بنتج ماتاكل كلش تصكر حلجها حيييييييييل وماترضا لو شنو احطلها الحالي الحامض المالح ماكو فايده ضعفت حيل بس وقتها قلت مالي غير الحليب الشي الوحيد اللي ترضا فيه … بديت احطلها فيه عسل من الشهر السادس والله وكيلج ترد عافيتها وفتح شيتها ومتنت بعد العسل معروف بفوايده ماله داعي اقولج شيسوي ,, واذا ماتبي بدليه بالسيريلاك ,, يعني حطي قفشه وحده بالمميه وبدلي حلمة المميه وحطيها لارج عرفتي
بس على فكره في يهال اهم من الله مايحبون الاكل بس يتعدلون لمه يكبرون شوي وانتي صبري عليها وحاولي تسوينلها مهلبيه ولا كريم كرمل هالشغلات اللي اليهال يحبونها
وانشاللللللللللله يارب بنتج تاكل وتمتن وتكبر وتستانسين فيها
بالنسبة حق السيريلاك صارلي شهر بادية معاها سيريلاك بالحليب بس هم ماكو فايده
واما العسل اي نوع في نوع معين والا شنو؟؟؟؟؟
واذا بديتي بالسيريلاك وماحبه جربي تخلطين معاه بدال الماي عصير برتقال هالطريقه بنتي حبتها
وفي شغله ثانيه كنت اسويها حق بناتي اذا مارضو ياكلون احطلهم لعبه يحبونها وايد وينشدون لها وبنص الوناسه والابتسامه دعسي اللقمه بحلجها :>
راح تلقينها تاكل من غير ماتدري وحاولي تغنيلها وتكلمينها وانتي توكلينها
وطمنيني عليها حبيبتي
شلونكم خواتي ؟
آنا بنتي عمرها الحين 4 سنين – من سنة و نص بدت تضعف و كل مالها بزيادة
و كل من يقوللي شفيها بنتج و شفيها بنتج ! ماتوكلينها ! وانا أنقهرلأنهم مايدرون بمحاولاتي معاها
المهم – مابقى فاتح شهية ماجربته فيها – العلبة تخلص كلها و أروح أشتري نوع ثاني و هم ماكو فايدة .gif "Eh S(1)")
وديتها حق دكاترة مايسوون لي شي غير إنهم يصرفون لها فاتح شهية – لأنهم يشوفون وزنها ويقولون طبيعي على عمرها
آنا بنتي فيها طول إسم الله عليها بس عصاقيل والله عمودها الفقري نط
جم وحدة قالتلي إذا تحب التمر زغطيها تمر طول اليوم (و صج بنتي تحب التمر)
و وحدة تقوللي يوميا شربيها (حلبة) لأنها تمتن و تفتح الشهية
و وحدة قالت لي روحي الصيدلية و خل يعطونج أي نوع شراب من فيتامين (ب) – لأنه مفيد حق هالعمر و فاتح للشهية
و بالنسبة حق العسل – بنتي تاكله أكثر من شرب الماي – بس عندنا خدامة سيلانية طايفة ال50 تقول إن كثرة العسل حق الياهل تضعفه
معاي هندي بالدوام مرة شفت صورة بنته بالغلط تقريبا عمرها سنتين – دبدوووووووبة و خدووووووووووووود تيننننننن .gif "Eh S(6)")
ودي أسأله شنو تعطونها أكل بس أدري فيه نحييييييييييييس .gif "Eh S(14)")
أدري طولتها و إهيه قصيرة 
بس حبيت أقولكم اللي أعرفه
عسى الله يرزقنا و يرزق عيالنا الصحة والعافية يااااااااااااارب
والله متعبتني هالبنت ووايد احاتيها.